دارنا

[مشكلتي]

عندي مدة من اللي رحت لطبيب généraliste على وحد الاعراض صراولي و شك بلي عندي القلب و نصحني ندير échographie على قلبي البروبلام درك في دارنا كي قلتلهم مابغاوش و قالولي كثرتي من الطبا و انا نتبع درك برك على لانيمي و قالولي ثان راكي تلعبي فيها و راكي مليحة مابيك والو
و مامهمش مهتمين بيا قاع العام اللي فات كانت عندي الكورونا كانت ماما ماتديهاش فيا و تحسبني نلعب فيها و انا كنت نوض بسيف و نطيب لروحي تيزانات و نشرب دوايا
كيفاش نتعامل مع هذو الاهل وكيفاش ندير باه نصبر روحي؟

[أم ميرال و آرال]

ربي يشافيك و يعافيك ختيتي
مع أهلك ما عندك ما تديري،في الأول و الأخير يبقاو أهلك
الحل لي عندك انك تجتهدي باش تكون عندك استقلالية مالية من جيهة ما تتكلي على حتى واحد و من جهة كي يولي عندك الدراهم رايحين يتبدلو
معاك غي التعامل .اذا عندك كاش منڨوشة بيعيها و ديري ليكو ديالك
أو حاولي قدر الإمكان ما ترجعيش لقلبك ، كل الامراض المزمنة راها تجي من الزعاف