الدرس التطبيقي الثاني في دورة التطريز بشرائط الساتان

fifiarch · 2012-04-01, 17:45

[CENTER]

[SIZE=5][B]مساء النور لبنات واش اخباركم ان شاء الله تمام
اليوم وبعد الانتهاء من الدرس التطبيقي الاول وتقديم الاعمال من طرف الاخوات
نشد الرحال الى الدرس التطبيقي الثاني
وقد اخترنا فتح صفحة جديدة لانو اغلبية الاخوات اشتكين من ثقل الصفحة القديمة نظرا لكثرة الصور بها
وحتى لا ننسى هنا رابط الدرس الاول

https://www.djelfa.info/vb/showthread.php?t=894149

وهنا موضوع تقييم اعمال الاخوات

https://www.djelfa.info/vb/showthread.php?t=919137

والان على بركة الله نبدا مع الدرس الثاني
وكالعادة لان الاخوات عندهم الكثير من الارتباطات و لجعل العمل اكثر راحة نقسم الدرس الى جزئين وكل جزء يطبق في اسبوع
على بركة الله نبدا

الجزء الاول من الدرس التطبيقي الثاني

الدرس مقدم من طرف اختنا الغالية

السيدة ام سفيان

الف شكر لها وجازاها الله عنا كل خير
ربنا يجعل ما افادتنا به في ميزان حسناتها
يعني استاذتنا للاسبوعين المقبلين ان شاء الله راح تكون السيدة ام سفيان

بسم الله نبدا

نحتاج الى قماش طوبي او بوبلين انا استخدمت م1و 25 سم للمائدة الدائريةو 6 قطع مربعة الشكل للمناديل درت قياس 30سم *30سم تقريبا انت ديري كيما تحبي
و اشرطة استخدمت الارغانزا 5 الوان و شريط ساتان اخضر 0.5سم
سمسم و عدس

ملاحظة هامة
الشرائط المستعملة للورود بعرض واحد سنتيمتر
ويمكن الاستغناء عن شرائط الاراجونزا والعمل بشرائط الساتان العادية

بتحضير هذه الادوات شوفو العمل الهايل الذي باذن الله راح نتحصلو عليه بشوية تركيز واجتهاد

اولا ننقل الرشمة التالية على القماش.

الان نبدا بالخطوة الثانية وهي تطريز السلة

ناخد ابرة رقيقة و نستخدم خيط التطريز و نديرو اولا السلة
نبدا القاعدة من الاسفل بغرزة اسمها

Point passé plat

كما في الصورة
.

.

بعد دلك ندور عليها ب
Point tige

.
.
.

ثم نكمل كل خطوط السلة الافقية و العمودية بنفس الغرزة
Point tige
.

.

والان نبدا بعمل الاوراق وقد كانت اختنا سندس تطرقت لها من قبل لكن هنا اختلاف صغير حيث
نبدا التطريز من اعلى الورقة

مثل الشرح الدي في الاسفل

.

وهنا الفيديوات من انجاز حبيبتنا سندس
نزولا عند رغبة كل الاخوات
الف شكر لها

فيديو الاوراق

https://www.youtube.com/watch?v=Utxab...ature=youtu.be

فيديو غرزة Point tige

https://www.youtube.com/watch?v=Gtw3L...ature=youtu.be

فيديو غرزة Point passé plat

https://www.youtube.com/watch?v=wVG3c...ature=youtu.be

الجزء الثاني من الدرس الثاني

الورود او الازهار و نستعمل هنا شريط 1 سم
الازهار بسيطة جدا دات 5 بتلات يكفي انك ادخلي الابرة من الاسفل من وسط الزهرة
و اتبعي الخطوات التالية

ملاحظة لا تشدى كثيرا على الحاشية او الدبلة خليها مرخوفة شوية باش يبانو البتلات منفخين شوية

تشبه لهده الزهرة لكن انا درت 5 بتلات فقط

نتبع نفس الطريقة للزهور الصغيرة في الرشمة

الان نقوم بعمل نوارة الشمس

اولا نملا الدائرة بالسمسم الاسود الرقيق لنعمل بدور نوار الشمس

كما هو مو ضح في الصور

ثم ناخد شريط عرضه 1 سم و نمرر فيه الابرة و الخيط بهده الطريقة

و نسحب بلطف لنحصل على التالي

ثم بالابرة و الخيط نقوم بتثبيت ها على القماش و نحال ندورها مليح

الان راح نخدم الزهرة الاخرى لي درتها بلون عنابي و فيها 6 بتلات
راح نستعمل نفس الطريقة للزهرة لي راح نديرها في وسطها و التي بلون وردي

تبعو الطريقة

نمرر الخيط كما في الصورة

الارقام تبين عدد البتلات يعني من بعد ندير 5 باش يكونو عندي 5 بتلات

نسحب الخيط لكن ما نشبحش

نحول نطوي الدبلة تاعي بشكل طولي و نرجع البتلات في نفس الاتجاه

الان نحاول نلصق الدبلة على هاد الشكل

نفس الشيئ
للوردة لي في الوسط

نلصقها و نديرلها perle في الوسط

اما الزهرة البنفسجي نفس تقنية الزهرة الصفراء الاولر فقط راحنديرها نصف دائرة و نخيطها اما الحاشية الخضراء نديرها فوقها بنفس تقنية الي دارتها الاخت سندس في اخر تطبيق لها

اما تزيين الازهار الصغيرة في الوسط كيما تحبو انا درت عدس و سمسم

و هنا ينتهي الدرس

هنا اخواتي ينتهي درس طاطا ام سفيان
الف شكر لها وبارك الله فيها
كالعادة اي استفسار المشرفتين على الموضوع و مقدمة الدرس هنا للاجابة عنه

اما عن التطبيق فمطلوب من كل الاخوات اكمال العمل على الرشمة ووضع التطبيق لتقييمه من هنا الى غاية يوم السبت المقبل باذن الله

مفاجأة رائعة وهدية من منتديات الجلفة الكبير
https://www.gulfup.com/?tQ2Qu6

nouna-12 · 2012-04-01, 17:49

واو رشمة هايلة
مي بانتلي صعيبة شوية
ياربي يقدرنا
الصور ما طلعوش كامل دوك نزيد نشوفهم

fifiarch · 2012-04-01, 17:53

ان شاء الله مع تعاوننا وتوضيحاتنا لبعص نقدرو عليه
واكيد اختنا ام سفيان راها هنا تعاوننا

على فكرة راني طلبت من المشرفات باه يثبتو الموضوع

ويلغو التثبيت عن الموضوع القديم
وكي نكملو الدورة نديرلكم موضوع جديد فيه روابط كل الدروس و نثبتوه باه الاخوات لي يجيو من بعد يلقاو رواحهم معانا

نبوغ · 2012-04-01, 18:01

الرشمة هايلة وإستعمالها كناب مايدة أروع بارك الله فيكن جميعا

fifiarch · 2012-04-01, 18:08

اقتباس:

المشاركة الأصلية كتبت بواسطة نبوغ

الرشمة هايلة وإستعمالها كناب مايدة أروع بارك الله فيكن جميعا

ايه اختي نبوغ والله الرشمة رائعة

sondse1 · 2012-04-01, 18:19

الف الف شكر لك حبيبتي فيفي و حبيبتي ام سفيان

عجببتني الرشمة بزاف
الله يبارك عليك و على خدمتك و ربي يحفضك من العين

ان شاء الله رح نستثمر الرشمة في طابلية " غرت من البنات اللي درو طابلية هههههه "

باذن الله ساكون في الموعد

doli/M · 2012-04-01, 18:21

واااااااااااااااو رشمة هايلة الله يقدرنا باش نتقنو الخدمة نتاعنا ونبيضو وجوه حبيباتي المشرفات و الله يجازيك كل خير الدنيا حبيبتي ام سفيان

على الاسلام غيورة · 2012-04-01, 18:31

والله فرحت كي شفت الدرس

جزاكم الله خيرا وان شاء الله نكونو في الموعد

fifiarch · 2012-04-01, 18:32

اقتباس:

المشاركة الأصلية كتبت بواسطة sondse1

الف الف شكر لك حبيبتي فيفي و حبيبتي ام سفيان

عجببتني الرشمة بزاف
الله يبارك عليك و على خدمتك و ربي يحفضك من العين

ان شاء الله رح نستثمر الرشمة في طابلية " غرت من البنات اللي درو طابلية هههههه "

باذن الله ساكون في الموعد

عندك الحق سندوستي اكيد الرشمة هايلة ماشاء الله
ايه نعرفك شاطرة وان شاء الله تجيك طابلية شابة
انا مازال ماخممت وين نديرها

fifiarch · 2012-04-01, 18:34

اقتباس:

المشاركة الأصلية كتبت بواسطة doli/m

واااااااااااااااو رشمة هايلة الله يقدرنا باش نتقنو الخدمة نتاعنا ونبيضو وجوه حبيباتي المشرفات و الله يجازيك كل خير الدنيا حبيبتي ام سفيان

ايه اختي دولي واش اخبارك واخبارك فلوستنا لميس
على فكرة ماتنسايش الدرس المقبل راح يكون من تقديمك

sondse1 · 2012-04-01, 18:36

اقتباس:

المشاركة الأصلية كتبت بواسطة fifiarch

ان شاء الله مع تعاوننا وتوضيحاتنا لبعص نقدرو عليه
واكيد اختنا ام سفيان راها هنا تعاوننا

على فكرة راني طلبت من المشرفات باه يثبتو الموضوع

ويلغو التثبيت عن الموضوع القديم
وكي نكملو الدورة نديرلكم موضوع جديد فيه روابط كل الدروس و نثبتوه باه الاخوات لي يجيو من بعد يلقاو رواحهم معانا

حبيبتي فيفي
عندي اقتراح لو حبيتي طبعا

انا ي رايي تخلي الدورة مثبتة و الدروس عادي و في الدورة تديري روابط الدروس
هكا باه كامل يعرفو الدورة و مستلزماتها و كل ما يتعلق بيها

و كل وحدة حابة من بعد الدورة تطبق تروح للرابط برك

واش رايك

" ويبقى مجرد راي"

sondse1 · 2012-04-01, 18:42

حبيبتي ام سفيان

حبيت نسقسيك
يخي عادي الا استخدمنا شرائط الساتان بدل شرائط الاورغونزا
لانو انا بصراحة ماهمش متوفرين عندي
و مام البائع اللي نشري من عندو ماهم متوفرين

انا ان شاء الله نطبق بشرائط الساتان
و كي يتوفر عندي الاورجونزا راني نعاود في عمل اخر

واش قلتي