مشكله فطور الصباح لبنتي

[رمرومة الصحراء]

صباح الخير عليكم حبيباتي
عندي بنتي في عمرها عام ونص فطمتها ما حبت تاكل والو الصباح وليت نعطيها في زوج عضمات مطبوخين تاكلهم قالولي ياسر عليها وماشي مليح كل يوم البيض ليها ربي يعيشكم افيدوني اللي عندها خبرة ولا طبيبه معانا تنصحني

[hadjer]

لوكان تعطيلها قارورة حليب / قاطو و حليب في صحن تكون كالعصيدة

[صامهد]

نفس المشكل مع بنتي انا نمدلها الحليب مع شكلاطة غبرة او نفتتلو القاطو بيمو تاكلو او زيديلها ياغورت مليح تانيت باطة ولا زوج بنينة ولا هاداك دانون تع 10دج مليح تانيت

انا خدامة او كينكون فالدار نتاهلا فيها مي عجوزتي والله ماعلابالها بيها تعطيلها الحليب بالشيكولة اوتخليها حسبي الله ونعم الوكييييييييييل

[رمرومة الصحراء]

المشاركة الأصلية كتبت بواسطة صامهد

نفس المشكل مع بنتي انا نمدلها الحليب مع شكلاطة غبرة او نفتتلو القاطو بيمو تاكلو او زيديلها ياغورت مليح تانيت باطة ولا زوج بنينة ولا هاداك دانون تع 10دج مليح تانيت

انا خدامة او كينكون فالدار نتاهلا فيها مي عجوزتي والله ماعلابالها بيها تعطيلها الحليب بالشيكولة اوتخليها حسبي الله ونعم الوكييييييييييل

ربي قاعد على كرسي حق اختي ماديري حتى حاجه في بالك ربي يهدي انا بنتي لحليب ما حبتش تشربوا طول هدا المشكل حتى بالشكولا

[رمرومة الصحراء]

المشاركة الأصلية كتبت بواسطة hadjer

لوكان تعطيلها قارورة حليب / قاطو و حليب في صحن تكون كالعصيدة

ما حبتش توكلوا تحب غير البيض هل مليح ليها ولا لا تعيشوا افيدوني

[oum rahma]

ربي يكون في عونك اختي ، نعاني من نفس المشكل بنتي عمرها 16 شهر جربت نشخشخ ليها الخبز فلحليب ساعات توكل وساعات لا

ولى القاطو فلحليب ساعات توكل ساعات لا ،،، بصح تشربلي بيبغون مهم نحاول معاها ، وبعد ماتفطر نمدلها الياؤورت

ربي يعينك اختي

[ام سنونو]

السلام عليكم احبتي و الله هذا لي خايفه منو حابه نفطم ابني و خفت يكرهلي الحليب لانو ما حبش يحكملي البيبرو اختي الكريمه الحليب في هذا السن لازم و ضروري لنمو الاطفال حاجه ما تعوضو لازم تشربيلها الحليب

[ام ياسمين10]

اختى الحليب ضرورى راها مازالت صغيرة اكيد رايحة ترفضو بصح لاتكلى ولاتملى حاولى معاها ديريه فى بيبرون او كاس خاص للبيبى او اى طريقة المهم تشربو
والبيض بزاف عليها زوج بيضات

[ninacicino]

السلام عليكم
انا نهار فطمت ابني درتلو شيكولاطة بودرة تاع الحليب و نديرو شوية حلو زيادة و كل يوم نقص السكر
والله طريقة هايلة و نجحت معايا

[Simassim]

لازم تمديلها الحليب حتى لوكان البيض مايضررهاش مايعوضلهاش الحليب
فهاد العمر لازم يشربوا الحليب حتى نص لتر فنهار او اكثر
انا نمد لولدي يشرب فالكاس كيما لي نشربوا فيه حنا وفي البداية كنت نبدلو الكأس يجيه جديد يشرب شوي ويحبس ونعاود نمدله فاكس واحداخر حتى لي وألف يشرب

[amelelkods]

انا بنتي لم تنجح معها الا حيلة واحدة ، و من يومها هي اللي تطلب الحليب وحدها ، البيات نعم التيو تاع العصائر
هذا الوحيد اللي يخليها تشرب لحليب