وصفات باستعمال الخبز اليابس / البايت / الصابح ............. زُخْرُفَةٌ - الصفحة 2 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم المعجنات والمخبوزات

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

وصفات باستعمال الخبز اليابس / البايت / الصابح ............. زُخْرُفَةٌ

إضافة رد
 
أدوات الموضوع انواع عرض الموضوع
قديم 2017-05-25, 01:48   رقم المشاركة : 16
معلومات العضو
حياة نور الدين
مشرفة منتدى الطبخ
 
الصورة الرمزية حياة نور الدين
 

 

 
الأوسمة
الوسام الذهبي  لقسم الأسرة و المجتمع 
إحصائية العضو










افتراضي

زخرفة موضوع هااايل
انا كي يبقالي الخبز نقطعوا ونحطوا في صينية ونخليه ييبس ونرحيه ويرجع شابلوغ ونستعملها في الكروكات وفي الدولمات وبعض الاطباق

كاين وصفة السفيرية وهي نشمخوا الخبز ونعصروه مليح ونضيفولوا معدنوس وفرماج وبصل وملح وفلفل اسود ونقلوه خبزات ونطيبوا مرق دجاج بالحمص ونسقوا به السفيرية

نقطعوا ايضا وندخلوا الفرن وناكلوه مع القهوة بالزبدة والمربى وبناتي يموتوا عليه

نقطعوا دوائر ونجوزوا في الحليب والبيض ونقليه ونرمده في السكر

كانت يما بكري ديرهولنا شخشوخة هكا نسموها نطيبوا مرق كما تع الشربة ويرموا فيها الخبز مقطع مربعات يغلي ويطفوا ويقدم بصح كي كبرنا رجعنا منحبوش ناكلوها

نستعملوه في كرامبل بالتفاح نستفوا الخب من تحت وننسقوه بكاس حليب وقرفة ونحطوا من فوق تفاح مقطع مسوتي في المقلة بالزبدة والقرفة والى الفرن

نستعملوه في خبزة تونس
ديري كيلة بيض نفسها خبز يابس ونفسها كاوكاو ونفسها سكر ونفسها دهان وزوج خمارة الحلوى ولفاني او زاست والى الفرن والشاربات نفس الكيلة سكر وزوج ماء

نتمنى انه افدتكم









 


رد مع اقتباس
قديم 2017-05-25, 09:14   رقم المشاركة : 17
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

صباح الخير

حياة وصفات والله هاااااااااااااايلين ربي يسترك و فكرتيني في السفيريات نديرها مالا في رمضان ان شاء الله










رد مع اقتباس
قديم 2017-05-25, 09:50   رقم المشاركة : 18
معلومات العضو
oumhana
عضو مميّز
 
إحصائية العضو










افتراضي

السلام عليكم
["]] أنا كيبقالي الخبز: نغلي حبة بيض و نقطعها طريفات و نقطع الخبز دوائر متوسطين و نحكم صحن غامق نحط فيه مغرف هريسه+ 2مغارف زيت و فنجال كبير ماء ونخلهم حتى تذوب لهريسه و ناخد مغرف تاع الماكلة و نرفد هاد لا صوص و نشمخ بيها دوائر الخبز من بعد نستف فوق كل دائره شويه بيض و شويه تون و زيتون مكسر و هلمو اللخراني ميلحقش.
ملاحظة : وجدي كلش قبل ما تشمخي الخبز( مشي كتجيك مرنخة تحصلي فيا)
إذا بقات عندك سلاطة فلفل من البارح تقدري تحطيها تاني و أنت واش عندك(recyclage manarmi walou)
ماتخافوش مجيش حارة الماء و الزيت راح يبردوها.


الله غالب منقدرش نحط تصاور[ f
رمضان مبروك على أحلى ناس و أحلى صحبه وأحلى منتدى










رد مع اقتباس
قديم 2017-05-25, 10:17   رقم المشاركة : 19
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

اهليييييييين بالغالية ام هناء اختي والله فكرة هايلة

لكن ما فهمتش واش قلتي ماشي كي تجيك مرنخة تحصلي فيها ؟ كيفاش يعني واش لي راح يرنخها ؟










رد مع اقتباس
قديم 2017-05-25, 10:48   رقم المشاركة : 20
معلومات العضو
oumhana
عضو مميّز
 
إحصائية العضو










افتراضي

اهلين بيك زخرفة يعني نشمخو الخبزمشي حتى ترنخ juste ce qu 'il faut باش ميتعجنش، صدقيني البنه هايله مع ريحة لهريسه مممممم










رد مع اقتباس
قديم 2017-05-25, 10:58   رقم المشاركة : 21
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

هههههه طبعا راني مصدقة وإلاّ لماذا اسأل

اه فهمتك يعني هاذيك الصلصلة نطليو بيها الخبز كيما نطلو المعجون ماشي نشمخوه بيها

حاسنا فهمت

تولي كيما البيتزا الصغيرة

مممممممممممم باين بنينة نجربها كي نشري الحار ههههه خاطش انا ما نشريش الهريسة










رد مع اقتباس
قديم 2017-05-25, 16:03   رقم المشاركة : 22
معلومات العضو
مسرات
عضو مشارك
 
إحصائية العضو










افتراضي

موضووووووع هااااايل جاري التنفييييييذ










رد مع اقتباس
قديم 2017-05-25, 16:18   رقم المشاركة : 23
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

اهلا اختي قوليلنا كي ديري تطبيق










رد مع اقتباس
قديم 2017-05-26, 13:05   رقم المشاركة : 24
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

سكرفجت الخبز اليابس يعطيكم الصحة على الطريقة في الاول كنت نتعذب مع المهراز عندي تاع الحطب و صغير بسيف ما نكمل










رد مع اقتباس
قديم 2017-05-29, 12:02   رقم المشاركة : 25
معلومات العضو
اميرة باخلاقي 00
عضو مميّز
 
إحصائية العضو










افتراضي

شكرا لكم اخواتي على هده مبادرة بارك الله فيكم

انا خبز يابس اصنع به شابلور و سفيرية و عجيجات و بسبوسة ساضع وصفات لاحقا

وصفة بسبوسة

المقادير
4 حبات بيض
1 كاس سكر
1 كاس زيت
1 كاس حليب
علبة و نصف خميرة كيمياية
فانيلية
و بشور اليمون حسب الذوق
4 كيسان خبز يابس مرحي- شابلير-
القطر
2 كاس سكر, 2كاس ماء, 2 ملاعق ماء زهر
التحضير
نخلط البيض و السكر حتى نحصل على كريمة نضيف الزيت و الحليب و نخلط, نضيف الفانيلية وبعدها نضيف نصف كمية الخبز المطحون و بعدها الخميرة الكيميائية تم نكمل باقي الخليط
نكون قد اشعلنا الفرن نفرغ الخليط في صينية مدهونة و نضعها في الفرن في نفس الوقت نحضر القطر بافراغ مكوناته في اناء و وضعه فوق النار حتى يثقل قليلا
و بعد ان نخرج البسبوسة من الفرن نفرغ عليها القطر
و نقدمها بعد ان تبرد مع الشاي










رد مع اقتباس
قديم 2017-06-01, 13:42   رقم المشاركة : 26
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

لبنات انا راني قريب نكمل الخبز اليابس لي عندي

درت بيه بزاف حاجات منها chapelure

منها في السفيرية

و منها في الفلافل اللبنانية

الطريقة :

بعد ما تكون تشمخت الحمص 24 ساعة ديريها تغلي 45دقيقة

بعدها ارحيها حتى تولي عجينة

زيدي عليها قصبر مفروم

معدنوس مفروم

كمون

كركم

فلفل اسود

قصبر حب مرحي

طماطم بدون زريعة و بدون قشور مقطعة مربعات صغااااار

و اعجني او ديري في الخلاط اما نفضل تعجني

من بعد ضيفي حبة بيض

خبز يابس يكون مسكرفج

و فرينة باش تنطم شوية كيما المعقودة

و من بعد باش تقليها شمخي يديك و كوري و اقلي كيما المعقودة لي وريتهالكم

من بعد نحط الصورة ان شاء الله










رد مع اقتباس
قديم 2017-06-02, 10:16   رقم المشاركة : 27
معلومات العضو
mordia
عضو مميّز
 
الصورة الرمزية mordia
 

 

 
إحصائية العضو










افتراضي

اقتباس:
المشاركة الأصلية كتبت بواسطة oumhana مشاهدة المشاركة
السلام عليكم
["]] أنا كيبقالي الخبز: نغلي حبة بيض و نقطعها طريفات و نقطع الخبز دوائر متوسطين و نحكم صحن غامق نحط فيه مغرف هريسه+ 2مغارف زيت و فنجال كبير ماء ونخلهم حتى تذوب لهريسه و ناخد مغرف تاع الماكلة و نرفد هاد لا صوص و نشمخ بيها دوائر الخبز من بعد نستف فوق كل دائره شويه بيض و شويه تون و زيتون مكسر و هلمو اللخراني ميلحقش.
ملاحظة : وجدي كلش قبل ما تشمخي الخبز( مشي كتجيك مرنخة تحصلي فيا)
إذا بقات عندك سلاطة فلفل من البارح تقدري تحطيها تاني و أنت واش عندك(recyclage manarmi walou)
ماتخافوش مجيش حارة الماء و الزيت راح يبردوها.


الله غالب منقدرش نحط تصاور[ f
رمضان مبروك على أحلى ناس و أحلى صحبه وأحلى منتدى
اختي ام هنا تدخليهم للفرن ولا هاكذاك تؤكل؟؟؟









رد مع اقتباس
قديم 2017-06-02, 11:24   رقم المشاركة : 28
معلومات العضو
zokhrofa
مؤهّلة منتدى هُنّ
 
الصورة الرمزية zokhrofa
 

 

 
إحصائية العضو










افتراضي

اضن اختي ام هناء تقصد البيض مغلي يعني هكذا كلش طايب تاكلي بلا ما يطيب










رد مع اقتباس
قديم 2020-05-24, 17:38   رقم المشاركة : 29
معلومات العضو
remadna
عضو ذهبي
 
الصورة الرمزية remadna
 

 

 
الأوسمة
وسام التميز في قسم الطبخ وسام الفائز بالمسابقة نصف الشهرية لقسم الطبخ 
إحصائية العضو










افتراضي

السلام عليكم
عندي موضوعين هنا واحد حلويات و الثاني مملحات كلها بالخبز اليابس أكثر من 24 وصفة
كنت فتحت الموضوع منذ 9 سنوات تقريب و لم أكمل و لم ادخل للمنتدى لضروف الدراسة
المهم حاليا الخبز اليابس تاعنا يروح غذاء و عشاء لقطوطنا و أصبحنا نشتري من أجلهم الخبز و ياكلو الجديد معانا هههههههههههه
حرفيا في الدار و لا ذرة خبز تروح
على العموم جربو وصفاتي و كي تكملوهم نزيد ابتكر لكم وصفات اخرى
تجدو الروابط في توقيعي










رد مع اقتباس
قديم 2020-06-24, 11:51   رقم المشاركة : 30
معلومات العضو
MALIKA88
عضو مشارك
 
إحصائية العضو










افتراضي

شكرررررررررررررررررررررررررررررا صراحة موضوع في القمة الله يجزيك










رد مع اقتباس
إضافة رد

الكلمات الدلالية (Tags)
خبز يابس

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 13:46

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc