طريقتي في معالجة الكاو كاو لصنع الحلويات التقليدية

islam1aya · 2012-06-18, 21:49

سلام الله عليكم احلى عضوات

انشاء الله تكونو في احسن حال

موضوعي اليوم حول طريقة معالجة الكاوكاو لصنع الحلويات التقليدية

كما هو معروف الكاوكاو فيه ريحة قوية وفيه كمية كبيرة من الزيت

تمنع من تشكيل بعض الحلويات

ولكن كل حاجة عندها علاج

اقصد هنا بالعلاج اننا انسموه ونعطروه وهكذا نخلو الكاوكاو نكهته رائعة وتشبه نكهة اللوز بطريقة سهلة وغير مكلفة وكذلك بالنسبة للاخوات الي يحبو اجربو الحلويات لانهن مبتدئات ومايقدروش يشرو اللوز انقدلكم الطريقة

المقادير

كمية من الكاوكاو
5 حبات قرنفل
قشور2 ليمون
كمية من الماء الزهر
حبة ليمون كاملة

عطر اللوز حلو
فاني

الطريقة

في جفنة نحط الكاوكاو ونفرغ عليه كمية من الماء الزهر وقشور الليمون ونحك جيد ا بين راحتي اليدين لبضعة دقائق

في قدر نحط حبات القرنفل وحبة الليمون مقطعة على2 ونحط الكاوكاو في كسكاس ونتركه يفور لحوالي20 دقيقة ونحط الكوكاو بكميات قليلة يعني 1كلغ نقسمه على 3 تفورات

بعد مايفور
اذا كان عندنا الوقت نحطوه فوق ورق المطبخ ونخلوه لمدة 5ايام ينشف في الهواء مع تغيير كل يوم لورق المطبخ رايحة تلاحظي ان الورق يكون معمر بالزيت

واذا ماكنش عندك الوقت حطيه في سنية وسخني الفرن جيدا ثم طفيه ودخلي الكوكاو وخلي الفرن حتى يبرد وكري العملية 3مرات حتى ينشف

بعد ماينشف نعطرو بقطرات من عطر اللوز الحلو والفاني

ونطحنوه ونستعملوه تقدري حتى تحتفظي به في علبة في المجمد الى حين الاستعمال

سر من اسرار الحلويات

مثلا يكون عندك لوز بقشوروتملطيه يعني تنزعي القشور هذاك القشور ماترميهش احتفظي به نشفيه في الهواء

واذا حبيتي تعملي كاش حلوة الي يكون فيها لوز بقشورو مثل مشكلة او نوع من البقلاوة اطحنيه مع الكاوكاو معالج يصبح وكانه لوز

اخواتي جربوه خلال اليام المقبلة باه نعملو مع بعض بعض الحلويات التقليدية الي حابة تتعلم
واذا قدرني ربي نقدم لكم بعض الحلويات التقليدية

ماتنسوانيش بدعواتكم

تحيات اختكم ام اسلام واية ويوسف

meimeifati · 2012-06-18, 21:56

ما شاء الله على الابداع مشكورة طريقة روعة رايحا نجربها

khaoula90 · 2012-06-18, 22:08

مشكووووووووووووووووووووووورة

soupless · 2012-06-18, 22:10

merci bien ,rabi yjazik

*أم كوثر* · 2012-06-18, 22:17

يعطيك الصحة
بانتظار حلوياتك

الصوامعية · 2012-06-18, 22:31

يعطيك الصحة
ربي يحفظلك اسلام ، اية ويوسف

بنت مسلمة · 2012-06-18, 22:39

دائما متالقة بارك الله فيك

الواثقة بالله 23 · 2012-06-18, 23:09

بارك الله فيك غاليتي

سمعت بيها قبل الطريقة هدي و كنت حابة نعرف كيفاش تتعمل و موضوعك حل المشكل بارك الله فيك و شكرا لك

سلام

حنان13 · 2012-06-18, 23:15

بارك الله فيك
مشكورة على المعلومات

الجزائري المحب · 2012-06-19, 04:24

الله يقويك مشكورة اختي

remadna · 2012-06-19, 06:13

يعطيك الصحة
جعلها الله في ميزان حسناتك

بشرى2008 · 2012-06-19, 06:49

بارك الله فيك افكار راااااااااااااااائعة

مقدسية · 2012-06-19, 07:06

ياسلاااااااام عليك حبيبتي ام اسلام طريقة معالجة ولااروع ربي يجعلها في ميزان حسناتك
فعلا موضوع قيم مفيد وجاء في وقتو
راح نعتمد الطريقة باذن الله الف الف شكر
بالنسبة للمرحلة الاخيرة اضافة عطر اللوز والفاني مايخليهش رطب (طري)

faizarbh · 2012-06-19, 11:44

اختي الغالية اسلام آية و الله راكي في قلبي و حسيتي بيا كنت رايحة انسقسيكم على هاد الطريقة انا قالولي كاينة طريقة تردي فيها الكوكاو مثل ذوق اللوز يعني هادي هيا ؟ لاني ما نكلش الحلويات تاع اللوز نحبو مالح ههههههههههههه
بارك الله فيك و ربي يحفظك و يجازيك

أم فاطمة 27 · 2012-06-19, 14:14

عفسة شابة
بارك الله فيك و كملك ما تتمناي
شكرا