أرنوبة حبوبة على طريقتي وممنوع لصاحبات القلوب الضعيفة

[أم محمد تاج]

بسم الله الرحمان الرحيم

اللهم صلي وسلم على الحبيب المصطفى

حبيباتي كاين بزاف ناس مايعرفوش ذوق الارنب ولا حتى طيابو ونظرا لطلب الحبيبات في الكوزينة على طريقتو وللاستفادة العامة لكم طريقتي اللذيذة جدا على ضمانتي

نبداو بسم الله



لصاحبات القلوب الضعيفة نقوللكم نخليو المشاعر جانبا كي نكونو منهامكين في الكوزينة خخخخخخخ



حبيباتي نجيبو الارنوووبة الحبوووبة نقيوها مليح من الوبر تاعها ونحل بين رجليها الاخيرين ونحي المصران يبقى وماننتابهولوش ونحي الصوالح حاشاكم ونقيها مليح مليح من الشعر ومبعد نحطو الارنوووبة في ماء فيه الخل والملح ونخليها منقوعة ساعتين ونقلبها ساعة على ساعة كي تتنقع مليح نحيها ونعلقها في الهواء تشيح مليح لازم هاذ المعلومة هزيتها من عند امي الله يرحمها تقولي الارنب فيه مادة لازم تشيح مليح باش ماتاذيش كي تشيح وتقطر نحطها في الكوكوووووط



ونقص عليها بصلة كبيرة وخمس سنينات ثوم وزوج وراقي رند وفلفلة حارة ونملح مليح ومغرف صغيرة فلفل اسود وزوج مغارف كسبر وزوج مغارف راس الحانوت ومغرف زيت ونضيف عليها الماء حتان يوصل مستواه فوق الارنوووبة ونغلق الكوكوط ونحطها طيب غير نص ساعة راه دقيقة يطيب وانا حابتها مجمولة على خاطر كون طول في الطياب راح تتفتت
كي طيب نحيها ونحطها في بلا مفرشين عليه ورقة الومينيوم ونحط عليها الدرسة التالية
في الميكسور نحط بصلة صغيرة وراس ثوم وشوي معدنوس ومغرف صغيرة هريسة ومغرف صغيرة موطارد وطمطومة صغيرة وملح وفلفل اسود وبهارات خاصة تاع الشواء او تاع الشاوارما او تاع الدجاج ومغرف زيت وعصرة نص قارصة ونرحي الكل وندهن الارنوبة من داخل ومن برا مليح





وفي وسط الاحشاء نحط فلفلة حارة وربيطة معدنوس تعطيها ذوق روووووعة ونغطي عليها بالالومينيوم ونحطها في الفرن ساعة ومبعد نحي عليها الالومينيوم ونخليها تتحمر من الفوق ومبعد نزيد نقلبها برفق ونحمرها مليح وندهن الوجه بالزبدة باش تحمار مليح وتمج بريق رووووعة للحم

هنا كي حمارت كيما يحب الخاطر



نجيو للروز

نغسل الروز مليح ونكيلو مثلا عندنا كاس روز نديرولو زوج كيسان مرق الارنب بعد مانكونو صفيناه ونحطو على نار قليلة ومغطى ونعسو حتان يطيب كي يطيب نضيفلو مغرف زبدة تعطيه بريق وبنة ممممممممممم ونحط الروز والارنب ومعاه شوي من المرق تاعو صدقوني بنة رهيييييبة وهاي ليكم الصور النهائية











حبيباتي دعوة بالرحمة لامي الحبيبة ولكن الف شكر

[ام محمد و ملاك]

امممممممم عمري ما جربتها ما نعرفش اصلا نقيها لكنك شجعتيني زوجي بيطري و دائما يقول لي ان احسن لحم هو لحم الارانب و هو يربي فيه ايضا لكنني لم اتجرأ يوم على طبخه لكنني كي شفتك نجربو ان شاء الله

[tong2]

ممممممممم روعة
الله يعطيك الصحة حبيبة

[أم محمد تاج]

حبيبتي سارة راه اكثر من رائع بالتوفيق حنوونة في طيابووووو

tong تسلمي يالغالية

[ريتاج تيارتية]

امممممممممممممم تهبل وتشهي يعطيك الصحة ام تاج
قلبي الصغير لايتحمل بصح كي قريت العنوان درت حسابي وغمضتلو عينيه باش مانشوكيهش هدا راني نهدر على قلبي ههههههههههههههههههههههه

[أم محمد تاج]

ههههههههه رتووووووووجة يعطيك الربح نورتيني والله

[أم إناس]

امممممممممممم ارنوبك وانت. تشهو ووووو
عمري لا ضقتو نحوس. نجربو بصح هنيا لالالالا
خليني نروح للبلاد. ومجربو ثما
عزيزتي تسلمى. الايادي وَبَارِكْ الله. فيك
والله يشافي الاولاد. يارب

[أم ياسين الزهراء]

امممممممممممممممممممم من صابني عندك ناكل ونزيد راهي البنة انتاعها هايلة هايلة يعطيك الصحة

الله يرحم جميع موتى المسلمين يارب

[أم محمد تاج]

نورتوني ام اناس نسيبتي الغالية واختي ام ياسوووو لي ماولدتهاش امي يعطيكم الصحة مواحاتييييييي

[عازفة الناي]

ماشاء الله رائعة فعلا
اممممممممممممممممممممممممممم من شكلها و تتبيلتها و لونها باينة ارنوبة لهلوبة ههههههههههه

[أم احمد3]

وين نلقاه.........وبكم الثمن....نشريه........

[أم ماجد]

ماشاء الله ماشاء الله
صور طيابك بلا ماتحلي وتناقشي وتشرحي عندهم ذوق خاص ورائع جدا جدا
والله سخفتيني فيها عندي سنوات ماذقتهاش كي نسلك ههههههههههه نشري واحدة نتمتع بيها امممممممممممممممممممم

[دائمة الحمد]

ام تاج العزيزة وصفة هايلة وكان صاحب والدي قبل يجيب لينا تاع الصيادة هو والحجل والله ولا الذ
والي ماذاقوش الارنب ما يقدروش يتصورو بنتو

[x ام رحاب x]

شكرا كثير الي حطيتيها موضوع ماشاء الله اتشهي من يديك انجربها استناي تطبيق مني تسلمي حبيبتي ووخيتي

[soriaalg]

ممممممممم ما شاء الله ما اجمل ان تأكل دون ان تلمس شيئا يعني نلقاه واجد هههه والله يعطيك الصحة رووووووووعة يسلموووو