انا انتهيت

[zahrateddine]

salam wa3likom khlass ana 9ta3t liyess w mawilach 3and amal bach njib lbac psq rani hassa rouhi manifham walo w en plus mazal makémlt révision ba9ili bzf fel math w lphysique w lfalssafa sayi 9ali rah youja3 fiya w rani hassa rouhi day3a w marahch njib lbac

[ديننا الاسلام]

اختي مازال الوقت وتقدري دري كلش هاذا اذا حبيت ولازم تكون عندك ارادة قوية بزاف باه تقدري تكملي ولازم ثاني تثيقي في ربي سبحانه وتثيقي في روحك ونحي من بالك هاذي الافكار التشاؤمية ان شاء الله راح تجيبي الباك ونجيبوه كامل ونفرحوا وننصحك اختي كي تحسي روحك مقلقة اقراي القرآن وادعي ربي لان القرآن شفاء لما في الصدور

[هدى المتفائلة]

اياك اختي وان تقطعي الامل اياك , مازال الوقت وادعي ربي ولاتياسي

[زينو1998]

نووونونو متهدريش هكا ياله نوضي على الأقل حاولي وربي مايخبش عيبادو الوقت مازال 2 يومين رياضيات يومين فيزياء يومين علوم 4 ايام حفاضة خلصتي !!!!

[chawiya 04]

lala jamais t3awdi lhedra hadi rahm 9raw une seule semaine we jabo lbac matagat3ich liyess jamais rebi ywaf9ek okhti

[المستغفرة ربها]

اختي مازال باقي 10 ايام على الامتحان وتقدري تكملي كلش ويبقالك الوقت باش ترتاحي .. وماتنسيش كاين ربي .. ثقي به وراح يحققلك امنيتك ان شاء الله .. نوضي اغسلي وجهك توضي وصلي .. وكملي المراجعة .. وشوفي النقائص تاوعك .. وكل ما تملي تفكري باللي ربي راه معاك .. ونزيدك حاجة ديريها مليح في بالك .. نعرف وحدين العام اللي فات كان عندهم الباك مع العلم انهم كانوا يجيبوا 16 في الفصول خسروا في الباك واللي بداو المراجعة في الاخير جابوه والله .. ما تكرهي ماوالوا .. الباك اختبار كيما كامل الاختبارات .. برك الناس كبروه وردوه كارثة من الكوارث الطبيعية .. في البيام كنتي هاك خايفة ؟ طبعا لا .. وألف لا .. لماذا يا ترى؟ لانهم مشي مكبرينه كيما الباك .. كاين اللي ما يقروش ومايراجعوش .. وكي يشوفوا واحد يقرا يحسدوه ويحبوا يطيحولو المورال .. يعملوا اي شي باش يكره ويفقد الامل من اخده لهذه الشهادة .. وفعلا خليتوهم يضحكوا عليكم -_-
امالا نوضي .. وبركاك من الخوف .. راهو ضياعة كبيرة للوقت .. واي حاجة رانا هنا ..
الله ينجحنا باعلى معدل باذن ربي الاحد ..
دمتي في رعاية الله تعالي وسلامه ~~~

[ghفاطمة الزهراء]

اختييي والله حاسة بيك بصح والله العظيم غير تقدري تحقي المستحيل في هذو 10 الايام
لازم تقاتلي تحفظي تقراي تفهمي تحلي تمارين لازم تموتي واقفة مطيحيش مناش حنا لنستسلمو لازم تحاربي لاخر دقيقة نقصي من النوم انعزلي المسالة فقط قرار انت الي تقري باش تنجي وباش تفشلي لازم تضربي الطابلة وتشمري على يدك وتقولي يا انا يا الباك لاخر دقيقة لاخر ثانية ..الاوقات العصيبة سوف تاتي سوف تسوء الامور وتزيد تصعاب بصح كلما صعابت تأكدي انك قريبة من النجاح انك لو تصبري برك رايحة تنجحي ختي والله متاكدة كن تصبري في جويلية رايحة تبكي من الفرحة لانك تحقي حلمك وحلم داركم
ختي قنعي روحك بلي انت قادرة وفعلا انت قادرة تحداي وراني معاك ليل ونهار لاخر رمق من الباك ورايحة تربي والله
سهليها تسهل الباك قاع وشنهي ياك غير تمرينات تتعاود والله ماكاين حاجة حبة حبة تسلك وركزي برك على الفصل الاول والثاني والحفاظة افهمي بزاف واحفظي شوي وعبري من عندك
رجاءا لا تستسلمي .. ديري في اليوتوب لا تتخلى عن حلمك +فرحة النجاح في الباكلوريا +
دعاء اقسم به الرسول مادعاء به مؤمن الا فرج الله عنه

هدو تفرجيهم واغسلي وجهك سمي باسم الله وابداي مزال الوقت

توكلي على ربي فهو حسبك

[issraa-medea]

rana kif kif walaaaaaaaah kamel f9adna amel rabi m3anaaaaaaaaaa

[zahrateddine]

chokran bzf rakom tala3toli lmoral ana ndir li 3lia w kolchi
3la rabi nchlh maykoun ghi lkhir

[ghفاطمة الزهراء]

المشاركة الأصلية كتبت بواسطة zahrateddine

chokran bzf rakom tala3toli lmoral ana ndir li 3lia w kolchi
3la rabi nchlh maykoun ghi lkhir

هذا الكلام الزين ..وربي مافيه غير الخير

ربي يوفقك اختي راني ندعيلك من كل قلبي..

[crazy miracle]

يعني ماغاضتكش عمركـ؟ عام كامل و انتي تجري هادا ليكور ~هاد ليسي ~هادي ريفيزيو هادي حفظ و كي قريب لحق الوقت رايحة تنسحبي --_-- ~؟؟
و والديك؟ كيفاه؟ و تقبلي تضيعي عام ؟ لالا طبعا متقبليش الووور روحي اقراي و ديري لي عليك و الباقي على ربي ~
مازال حتى واحد مكمل المراجعة صدقيني ~ و مام يكمل يبقى ياكلو قلبو ~ المهم نتي عندكــــْــــ 9 ايام ~ياتقراي و جيبي الباك يا تبقاي متشاءمة هكدا و خَيْري ~~~~
ربي يعينكـ ان شااء الله

دعوااتكـ ♥

[youcef1954]

هههه انت قطعت لياس انا لي هذي اول مرة رايح نراجع العلوم و امازال ماحفظتش و جامي شفت مع الفلسفة و اللغات و عادي لست خائفا لأن الخوف يجعل الوقت يمر بسرعة بسملي واتكلي على الله

[يسرى وهران]

ربي معانا إن شاء الله ..أمني بالمعجزات تقدري توصلي بفضل الله سبحانه وتعالى والشدة في ربي بالتوفيق

[fanouse]

khtii ana tani mazali koulech w zid na9ra wahdi fedar bsh nrml nchlh nalha9 w njib lbac wl3èm ljèy nebda men lewel w njib la mention !3andekkk tfechlii lèzem tsahri lyèmèt hèdou w metrouguedich w tetwakli 3la rabi tjibi nchlh lbac wtfarhi waldiik bsh nasihti mech tzrbi tkhalsi wnti mafhemti walou lèzm ta3ti goul haja ha9ha wtfhmiha mlih tfehmi 2 doros mlih khirmen dirihom kèml wmetfehmi hetta wahd ki tediri haja a9rayha mlih w fehmi w nasiha l2ijtima3yèt bday hafdi tawarikh w lmostalahat w chakhesyat sa3 houma alli 3lihom bzef n9ot wrabi ywaf9ek nchlh wynajahna kaml nchlh haya lèzm tsahri wt9ray beh tfarhi waldiik aki tjibi lbac nchlh

[hamoudimo]

رانا بكل كيفك
المهم ماتحبسيش جاهدي نفسك الى اخر لحظة
لكي لاتلومي نفسك بعدين
وتجيبي 10 على الاقل خير من ماكانش وتحبي تعاودي
اكي مازلتي صغيرة
الزمان ماش رح يرجع لللخلف لدلك ماتخليش للشيطان عليك سبيل
وتوكلي على الله انه حسبك