هل هذا عادي

[مشكلتي]

السلام عليكم ورحمة الله وبركاته
أنا فتاة عمري 30 سنة، كملت قرايتي وقعدت فالدار، نسكن في مكان بعيد على المدينة ولذلك ما نخرجش بزاف من الدار.
مشكلتي أني ما حسيتش بعمري كيفاش فات، نحس روحي مازالني صغيرة في عمر 23 سنة، وما نخممش بزاف فالزواج، نقول يلا جا المكتوب مرحبا ويلا ما جاش فهذا الشيء لي فيه الخير ليا، وهاذ التفكير خلاني ما نذكرش الزواج في دعائي
أحيانا كي نسمع بلي فتاة تزوجت نتفكر ونقول في دعائي "رب ارزقني الزوج الصالح" ولكن بدون احساس، مشي كيما ندعي بحاجة نكون حابتها وندعي بالحاح وتذلل
صديقتي قالتي إذا كاين شخص أنتي معجبة بيه ادعي يكون من نصيبك، والمشكلة ما كانش شخص نتمناه زوج، ربما لأني ما نخرجش من المنزل، وأقاربي جميعهم كبار ومتزوجين، فمكانش شخص في محيطي لدي مشاعر اتجاهه
صديقتي وسوستني وقالتلي مشي نورمال، وليت نخاف كون يتقدم لي شخص ونقبل بيه وما نحس حتى بحاجة اتجاهه
هل حقا عندي مشكلة؟ هل لازمني نروح لطبيبة نفسية؟ هل طبيعي أنو الانسان يكون في فترة معينة مكانش شخص يحس نحوه بالاعجاب؟ أم لازم دائما يمون عندنا شخص معجبين بيه؟

[بشرئ عاشقة العلم]

تبانلي هكا ركي احسن من وحدة تظل تندب على سوء حظها ،و تدخل في اكتئاب ...اقعدي هكا قنوعة بلي عطاهلك ربي و لكن لازملك من جهة اخرى تاخذي بالاسباب مثلا تطلبي من نساء توثقي بيهم يقولو عليك ....انا نشوف بلي في هذ الوقت الفتاة لي مولاتش تخرج مالدار مظلومة بسكو اغلبيتن الناس متلاحظهمش فيكبرو في العمر سواء مدينة او ريف و مع ذلك الاهل يزيدو يظلموهم اكثر بداعي الخوف عليهم صحيح عندهم الحق يخافو و لكن هذا هو الواقع مراناش في عصر كل النساء في البيت و تنتظر مكتوبها كما بكري الحال تبدل بزاااف ،الله يرزقك منواسع فضله و متدعيش بشخص معين حتى و تعرفي لان المظاهر خداعة

[مراد سابقا10]

انت تقولي ماكيش طبيعية لالا راهي طبيعية كيما باقي النساء

بصح انت كي زلخية مازال مطحتيش في يوسف برك

[نجاة^^]

راكي عادي جدا ،،،فقط ننصحك تعيدي النظر في أمر الزواج ،العمر احيانا لا يذكرنا بشيء ،أقصد لا يقرصك ويدفع بك إلى شيء ما ،،ولكن أنت بنفسك من سيتحكم في مستقبله من خلال إختياراته ،درستي وأنت الآن ماكثة بالبيت ،،يعني لو تدعين الله عز و جل يرزقك زوجا صالحا ترضين به ،لأن الحياة سعي ورزق ،،،لو كانت رزق فقط!! لما كان الدعاء هو السبيل لسؤال الله تعالى ،،،لقوله (إدعوني أستجب لكم )
رزقك الله ووفقك لما يحب ويرضاه وأرضاك به ،

[أم رقية نسرين]

السلام عليكم و رحمة الله و بركاته
ختي انتي ادعي الله عز وجل بان يرزقك بالزوج الصالح و أكثري الدعاء
أما قضية أنك متخرجيس من الدار و مايشوفوكش الناس فالله سبحانه و تعالى هو الرزاق الكريم و إذا رزقك بالزوج سيأتي نصيبك مشي شرط تروحي لعراس و المجامع باش يشوفوك الناس
ربي يرزقك و يفرحك و يهنيك

[نافعة(=]

ادعي ربي يرزقك زوج صالح وأولاد صالحين