معا لرفع معنويات الحياة الزوجية !!!

[قــاهر اليـأس]

أردت بهذا الموضوع ان نرفع قليلا من معنويات الزوجين ونخرج من الجد الذي يملأ هذا القسم الى الترفيه بما يخدم كذلك مصلحة الحياة الزوجية ولو بعبارت بسيطة طيبة في قولها وأطيب في معناها تجعل علاقتهما تسير من أحسن إلى أحسن حتى وإن كانت بسيطة المهم ان تكون قادرة على ملء الفرغات التي تحدث بين الزوجين من حين لأخر بسبب مشاكل الدنيا
وأرد ان تكون بأسلوب النكت والطرفة حتى نخرج من النقاشات الجديّة والمتعبة الى التنفيس على انفسنا بكلام طيب من جهة والحفاظ على الحياة الزوجية من جهة اخرى . فعلى الجميع ان يستعدوا ويساهموا معنا ولو بجملة او طرفة او بيت شعر او.... تجعل من حياة الزوجين تنعم بدقائق من الحب والرومنسية ان صح القول (نطلعوا المورال)
سأبدأ بنفسي .اليكم العبارات التالية:


-هذا راجل والزوج نتاعو متناقشين نقاش كبير وحاد ...
الراجل حب يخفف شوي من التوتر الحاصل بينهما .واش قللها؟
قال لها: نطلب منك طلب !!
قتلوا -وهي متقلقة- :واش كاين ثاني ؟؟
قال لها:مكاين والوا حاجة صغيرة برك!!

قالت لهالزوجة : واشني هي؟
قال لها (الزوج):راني حاب نحط رجلي على وجهك !!!

قالتلو- في غضب شديد-:أحنا في الهم وتزيد عليا بكلامك هذا.
قال لها(الزوج):هههههههههه لا مفهمتنيش .أنا راني حاب نكون أول جزائري وعربي حط رجل على القمر


.... بطبيعة الحال المورال طلع وراح هذاك الجو نتاع القلق وتبدل واصبح جو مليئ بالحب والفرح . كلمة صغيرة قادر تبدل كل شيء



وكاين حادثة اخرى :
-راجل وزوجته في نقاش كبير وحاد (كيما يقول المثل الجزائري :القط الشاطر مايدخلش بيناتهم )

المهم ، قال الراجل لزوجته : انا اليوم اكتشفت حاجة مهمة فيك (يقصد في زوجته -مرتو-)
قاتلو زوجته(مرتو): واشني هي ؟؟ علابلي تخرجلي خرجة ميش مليحة

قال لها: مانخرجلك خرجة ميش مليحة ما ولو .نقلك قالصح ولي كاين منها

قاتلو: روح برك قولّي واش هي ؟؟

قال لها : أنتِ رخيسة !!!

قاتلو - بغضب وسخط كبيرين -: خسارة عليك .أنا رخيسة

قال لها: ماشي رخيسة برك ،انتِ ما تتباعي ما يشروك (يقصد انها لا تباع ولا تُشترى اصلا )
تقلقت الزوجة وقاتلو (بإحباط): هكذا تقول فيا !!!. والله خسارة عليك
قالها :اصبري واش بيك ديما تقراي النقص مازال مكمّلتش كلامي

قالها : انت ِ مثل الهواء (الاكسوجين) رخيس لا يباع ولا يشترى لكنه ثمين ولا نستطيع العيش بدونه فلولا الهواء لموتُ اختناقا . وانتِ كذلك
..
..
..
..
معا لرفع معنويات الحياة الزوجية (ان صح التعبير)

[الواثق]

المرا تقلها رخيسة؟؟؟؟؟؟؟؟؟ ماشكيتش تسلك وحتى تبات تغلف في كلامك .................انا نقلها اي انتقادات واي شكوات اكتبيهم في ورقة او ورقات وخليهم في المكتب الصباح نقراهم اذا عجبوني نوقع عليهم ههه.........انا تعبان درك هه...............واذا هبلتني بالهدرة نقلها اقراي عليا 4 احزاب من القرئان نسمعهم وبعد احكيلي ..........................هذا راي ماتزعفوش