المقررالخاص بالتكوين. عن طريق المعابر

[kemis]

نسخة من المقرر رقم129 ب26جوان 2013 الخاص بالتكوين عن طريق المعابر شروط القبول تنظيم التكوين


الصور في المرفقات

[سعيد.القبائلي]

sallam alikoum mon frere kemis

ماذا نقصدالتكوين عن طريق المعابر ؟

في انتظار ردك اخي الكريم

[kemis]

المعابر وهو التكوين المتواصل اخي
لرفع المستوى مثال واحد لديه كفاءة يكمل ليصبح تقتي
وتقني يكمل ليصبح تقني سامي

[passerelle]

اخي ممكن المادة التي تقول ان من لديه تقني+5 اوائل فالدفعة يمكن له ان يسجل في معابر تقني سامي بدون تالت تانوي وبدون سنتين خبرة؟

[jaber-gh]

المشاركة الأصلية كتبت بواسطة passerelle

اخي ممكن المادة التي تقول ان من لديه تقني+5 اوائل فالدفعة يمكن له ان يسجل في معابر تقني سامي بدون تالت تانوي وبدون سنتين خبرة؟

انا مثلك اخويا عندي شهادة تقني مع مستوى الثانية ثانوي ومن الخمس الاوائل ومن العام اللي فات وانا نحوس نكمل ضليت نجري في معاهد باتنة ومراكزها وطلعت حتى للمديرية نطلب منهم يعاونوني وعلى الله يشوفو لامري ...لكن للاسف لا... دفعت الملف تاعي في كل دورة وديما مايقبلونيش
برغم انو يوجد قانون يسمح لينا حنا اننا نكملو المعابر عادي
حاليا راني نحوس على كا ما بلاصة يقبلوني فيها باه نكمل ولو في اقصى الدنيا لهذا تمنيت ولو حد يساعدني في هذا الامر
انا بيا الشهادة اللي تثبت اني تقني سامي والقراية اللي يقراو فيها مانعتمدش عليها بتاتا كما اني ماعتمدتش على القراية تاع التقني لان القراية هادي تاعهم ومناهج التدرسي ماتوصلكش لاحتراف الاختصاص ...واسال من جاب لدبلوم تاع التقني في الاعلام الالي

العجيب في الامر وبدون غرور او تكبر او اعجاب بالنفس خبراتي ومهاراتي تفوق ما يدرسوه في المعاهد والمراكز لاني مبرمج نخدم برامج خاصة للمؤسسات التربوية وحاليا راني ندرس على تصميم المواقع Front + Back end وهدفي اني نحترف عمل المواقع كما المحترفين الكبار ....وامر الشبكات اللي نجري على جالو كنت نقراه كي كنت نخدم في مقهى انترنت من 8 سنين لهذا امرو عادي عندي

[passerelle]

المشاركة الأصلية كتبت بواسطة jaber-gh

انا مثلك اخويا عندي شهادة تقني مع مستوى الثانية ثانوي ومن الخمس الاوائل ومن العام اللي فات وانا نحوس نكمل ضليت نجري في معاهد باتنة ومراكزها وطلعت حتى للمديرية نطلب منهم يعاونوني وعلى الله يشوفو لامري ...لكن للاسف لا... دفعت الملف تاعي في كل دورة وديما مايقبلونيش
برغم انو يوجد قانون يسمح لينا حنا اننا نكملو المعابر عادي
حاليا راني نحوس على كا ما بلاصة يقبلوني فيها باه نكمل ولو في اقصى الدنيا لهذا تمنيت ولو حد يساعدني في هذا الامر
انا بيا الشهادة اللي تثبت اني تقني سامي والقراية اللي يقراو فيها مانعتمدش عليها بتاتا كما اني ماعتمدتش على القراية تاع التقني لان القراية هادي تاعهم ومناهج التدرسي ماتوصلكش لاحتراف الاختصاص ...واسال من جاب لدبلوم تاع التقني في الاعلام الالي

العجيب في الامر وبدون غرور او تكبر او اعجاب بالنفس خبراتي ومهاراتي تفوق ما يدرسوه في المعاهد والمراكز لاني مبرمج نخدم برامج خاصة للمؤسسات التربوية وحاليا راني ندرس على تصميم المواقع front + back end وهدفي اني نحترف عمل المواقع كما المحترفين الكبار ....وامر الشبكات اللي نجري على جالو كنت نقراه كي كنت نخدم في مقهى انترنت من 8 سنين لهذا امرو عادي عندي

خويا والله شيئ ماسف كي مخلاوكش تكمل مع العلم عندك فراس مشاء الله،انا سمعت عندنا الحق نكملو بشهادة تحفيزية،قلتلهم بلي القانون يسمحلك::؟؟وش قالولك ،+واش هو القاونون ،ممكن تعطيهلنا هنايا،

[jaber-gh]

نعم حسب ما سألت اداريين يعملون في مراكز التكوين ومن بينهم احد الاداريين قريب ليا ومطلع شوية على القوانين... كاين قانون مستحدث يسمح لاصحاب التقني اللي ترتبوا فالخمس الاوائل وذوو المستوى الثانية ثانوي انهم يكملو التكوين المعبري الى التقني سامي ونعم نعتلي القرار او القانون هاداك وقريتو بعينيا وتاكدت تماما من هاد الشيء والخطا اللي درتو اني مادرتلوش نسخة بصح نوعدك نبحث عنو ونبوستيه هنا باذن الله...
وعلى هادي المفروض انو شروط الانتقال من التقني الى التقني سامي ولاو من شرطين الى 3 شروط
1 - انو يكون عندو مستوى 3 ثانوي
2 - انو يكون مستوى ثانية ثانوي + سنتين خبرة مثبتة فالضمان
3 - انو يكون مستوى ثانية ثانوي ومن الخمس الاوائل ....(تثبت بشهادة تحفيزية او ما تعرف بشهادة المرتبة)
اما بالنسبة لمديرية التكوين تاع باتنة كي هدرت مع احد المسؤولين ثما ماقتنعش خلاص وقالي "ماكانش منها" قلتلو "كاين قانون يسمح لينا اعمو" ..."قالي علاه نا مانعرفش القانون ول ؟؟؟ " تعجبت من عقدة النقص تاعوا ....وماخلانيش حتى نهدر ونستوضح الامر هادا قداموا وكانو باغي يوكلي الهدرة تاعو بالذراع ... على كل تاكدت انو شخص فارغ في كرسي فارغ في بيئة فارغة لانو كان يجب انو يستمع لكلامي ويعطيني اعتبار او حتى اهتمام قليل لحالي لكن اظن انو اخلاقيات المعاملة المهنية ناقصة عند البعض

["أحمد المحمدي"]

يا أخي أنت تتكلّم عن التّكوين وانا حسبتك تتكلّم عن البيتكوين لقد عماني حبّ البيتكوين

[jaber-gh]

كاين القرار رقم : 129 المؤرخ في : 28 جوان 2013 اللي يهدر على معابر التكوين ....ذكر فيه شروط القبول في المعابر للتقنيين اقراه تشوف ...حتى توصل للفصل الثالث الاجراءاة العامة

https://www.4shared.com/office/Tiwsx...rmation_p.html


ونضيفلك كلام نعرف واحد شخصيا كمل للتقني سامي عادي وهو ثانية ثانوي ومن الخمس الاوائل ...قبلوه فاحد المراكز عادي

[passerelle]

المشاركة الأصلية كتبت بواسطة jaber-gh

كاين القرار رقم : 129 المؤرخ في : 28 جوان 2013 اللي يهدر على معابر التكوين ....ذكر فيه شروط القبول في المعابر للتقنيين اقراه تشوف ...حتى توصل للفصل الثالث الاجراءاة

ونضيفلك كلام نعرف واحد شخصيا كمل للتقني سامي عادي وهو ثانية ثانوي ومن الخمس الاوائل ...قبلوه فاحد المراكز عادي

شفت والله غير تحير كفاش ميستعرفوش بالقانون هدا،نزيدلك حجا واحد نعرفو عندو 5 اوال ومخلاوهش يدير المعبر في المعهد،وكي سقسا معهد علاش متقبلونيش،قالولو هدي هيا شروطنا ،3تانوي او سنتين خبرة ،والله غير تحير ،سؤال ليطرح نفسو دركا ،هل المعاهد عندهم الحق يديرو شروطم بانفسهم و يلغيو اصحاب 5 اوائل؟ام هناك قانون واحد لازم يتبعوه؟

[jaber-gh]

تبانلي المستشار المهني في التكوين الي تسجل عندو ويكلاسي الملفات هو المتحكم في امر قبولها او رفضها هو المسؤول المباشر هو اللي يدير قائمة الناجحين حسب دراسة الملف او ايا كانت الطريقة والهيه فالمديرية كي يطلعوا الملفات ليهم مايتحققوش منها طول طول قادر يعقبو نورمال

انا نظن باللي منظومة التكوين المهني منظومة مهمشة شوية ومنعزلة وغير مستقرة ماشي كيما المنظومة التربوية صارمة وقوانينها سواء كانت عادلة او غير عادلة المهم تطبق ويسري مفعولها بدون نقاش علا هادي ولاو مايستعرفوش بالجديد حتى يولي راشي
اللي تغيض صح صح التكوين داروهم باه الناس اللي ماتوفقوش فالدراسة يتوفقوا في التكوين المهني ان شاء الله المفروض انهم يسهلوا لحوال ماشي يصعبوها
والتقني هادا مايفتحوش بيه مسابقات بزاف عكس التقني سامي فيه منافذ للتوظيف كثيرة من مشرف تربية الى استاذ فالتكوين الى عامل في مصنع الى منصب تقني سامي في حد ذاتو
والله حسبي الله ونعم الوكيل هادا مانقول
نشفى العام اللي فات في آريس حلو معبري واحتاجو 20 واحد سجلوا غير 15 وبقات سمانة لاخر التسجيلات وضليت نجري عندهم خسرت واحد 500 الف فياجات طالع وهابط من راس العيون لباتنة لاريس للمديرية تاع السخط... وقادر يدخلوني نورمال لانهم مازال ناقصين 5 اخرين وهاكاك لا ... مانقبلوش
ضرك ليامات هادو نهبط لسطيف ان شاء الله نحاول مع بعض المراكز وعلا الله يقبلوني ...واذا ماكنش نروح نبيع الهندي وخلاص ونبيراطي فالغاشي

[passerelle]

[QUOTE=jaber-gh;3997597079]تبانلي المستشار المهني في التكوين الي تسجل عندو ويكلاسي الملفات هو المتحكم في امر قبولها او رفضها هو المسؤول المباشر هو اللي يدير قائمة الناجحين حسب دراسة الملف او ايا كانت الطريقة
لكن معندوش الحق يرفض 5 اوائل ،ادا كل معهد او مستشار يدير شروطو ،اذا مافائدة القانون لي مسينيي فيه الوزير!!

[jaber-gh]

فالامر هادا والله مانعرف واش نقول اخويا لحبيب .... لو كان تهدر معاهم مايستعرفوش !!!! واشنو هو الحل
نورمالمو القانون قانون نورمالمو يطبق بدون نقاش بصح لا حياة لمن تنادي ....

[passerelle]

المشاركة الأصلية كتبت بواسطة jaber-gh

فالامر هادا والله مانعرف واش نقول اخويا لحبيب .... لو كان تهدر معاهم مايستعرفوش !!!! واشنو هو الحل
نورمالمو القانون قانون نورمالمو يطبق بدون نقاش بصح لا حياة لمن تنادي ....

راني عاودت قريت قانون المعابر،مكانش جملة تقول بلي المستشار قادر يلغي 5 اوائل او يلغي لي يحب،زيد شوف وقلي خويا

[jaber-gh]

انا ماقلتش انو يلغيه اكيد هو مايقدرش يلغي القانون هادا.... بصح قادر يتحكم فيه اذا بغا يطبقو ولا مابغاش ...مادام سريان مفعولو مابانش مليح اتسما قادر يرفضك عادي

مثلا انتا تروح لمركز معين باه تشارك وتهدر مع المستشار هاداك وتدعم كلامك بالقانون هادا اول شيء احتمال انو مايستعرفش بيه لانو ماتطبقش بكثرة وحتى ولو ذكرتلو القانون يبقى يفند ويرفض وكمثال الشيء اللي عقبتو ...الا من رحم ربي بالاك اخرين ياخذو امرك بعين الاعتبار ويقبلوك