الجزء 136 من واش طيبتي اليوم *فلنغتنم عشر المغفرة*

[فرح العمر]

سلام
مبروك افتتاح الكزينة الجديدة
شفت بلي والد عازفة مريض اللهم اشفيه و عافيه و احفظو لأولاده. و لعيلته يا رب

[أم فاطيمة]

السلام عليكم ورحمة الله و بركاته صح فطوركم
اللهم اشفي والد عازفة الناي شفاءا لا يغادر سقما طهورا انشاء الله
اسيا رنيم دائمة الحمد يعطيكم الصحة
دائمة اطباقك دائما تبقى في بالي يعطيها الصحة اميرة ربي يحققلها واش تتمنى
و هذوك الدواوير لفلكيكة تشين و لا واش حللو ناقش ههه

[زهرة الريف*]

عازفة ربي يشفي الوالد ويردولكم سالم معافى إن شاءالله
آسيا ورنيم وأم أحمدى وانفال الله يبارك وسفرة دايمة
دائمة الحمد واش راكي رحتي لطبيب والسفرة نتاعك روعة ربي يبارك فيك وفي أميرة وياريت وصفة الخبز جاك يهبل يهبل
قمر ذرك نحاول مرة أخرى في خاطرك يالحبيبة مليون مرة
حباباتي نروح نصلي ربي يتقبل من الجميع

[أم ماجد]

صح فطوركم كامل
اليوم عندنا السخانة تقتل صلاة اليوم ماقدرتش رجعت من الجمعية ادات ضربة شمس فطرت وشربت الماء ورقدت ومن بعد ناضت دارت الشربة وافخاذ الدجاج الكاذبة وحلا المرايا خخخخخخخخخخ رجعنا نضحكوا عليها هههههههههانا عجنت المطلوع ودرت لوبيا قريني للشيخ سخف عليها في هاذ الحر
ولله الحمد

[أم هبوبة]

صح فطوركم
سماح الف مبروك افتاح الكوزينة و الله يجعلها كوزينة الربح و البركة و اطباقك روعة ما شاء الله عليك
اختي عازفة الله يشافي الوالد و يرجعه سالم معافى يا رب طمنينا عليه
كل الاخوات الي حطو طيابهم نقولهم روعة و ما شاء الله و الله يطرح البركة و يدومها نعمة
فطوري عملت قوارب الفرماج للاحت لينا الي غيبتها طالت ان شاء الله ترجع و نسمع عليها اخبار طيبة
و شطيطحة دجاج للاخت الرائعة اسمهان حتى هي هدي مدة ما بناتش ان شاء الله يكون المانع خير
ان شاء الله كل الغايبات يرجعوا و نسمعوا عليهم اخبار طيبة

[الادرارية]

حبيباتي توحشتكم مووووووووووت والله نتمنى الجميع،يكونو بخير عضويتي القديمة راحت،

[ام و ابنة]

السلام عليكن و صح فطوركم جميعا
اختي سماح مبروك الكوزينة الجديدة لك و لنا

ماشاء الله تبارك الله يا فحلات كلكم طباخات من الدرجة الاولى صدقوني ما كنتش نعرف انو في هذا الوقت ما زالو كاين الحراير و الفحلات و الطباخات لهاذ الدرجة و بهاذ المستوى ما شاء الله تبارك الله

اختى عازفة الناي ربي يشفي الوالد و يلبسو لباس الصحة و العافية هو و كل مرضى المسلمين

[أم ماجد]

المشاركة الأصلية كتبت بواسطة الادرارية

حبيباتي توحشتكم مووووووووووت والله نتمنى الجميع،يكونو بخير عضويتي القديمة راحت،

واش احوالكم مع السخانة اختي ادرارية؟

[ام و ابنة]

اختي ام فاطيمة دخلت كوزينتك نستكثر خيرك و نشكرك على استضافتنا عندك صبت الموضوع مغلق
راني في الباب نستنى جيت نسيق معاك و نخمل الفراش و المواعين على بالي تعب كبير بش تخمليهم وحدك

[الادرارية]

ام ماجد واش احوالكم والله السخانة غير هي مسكينة امي راهي مغلوبة انا راني في دزاير والسخانة بصح تعيا تسخن ما توصل حتى جزء صغير من نتاع ادرار

[هالة اسماء]

السلام عليكم
حبيباتي صح فطوركم راكم ما شاء الله
ام ماجد الله يباركلك في الفحلات راهم حراير تاع الصح ان شاء الله يكبرو وتشوفيهم عريسات قدامك
وكلكم موائدكم روعه دون استثناء ربي يحفظكم لاحبابكم ويدوم عليكم النعم
فطورنا اليوم كان حريره بوراك وبرانيه وسلاطه الارز وعصير والحمد لله
رانا نشربو غير المااااااااااااااا الحمااااااااااااااااااان في رقان
اخت ادراريه على سلامتك
تقرعيجه من اي منطقه في ادرار و بصحتك البرود

[أم ياسين الزهراء]

اهلا ادرارية واش راكي والله عرفتك قبل مانقرى ردك على سلامتك وصحى رمضانك
دائمة الخبز هبلني هاتي الوصفة ويعطيها الصحة اميرة اليوم بناتي عطلة مدفوعة الاجر عامو في لابيسن تاع الدار عياو رقدو هههههههههههههههه خليتهم يريحو

ام ماجد علاش مسكينة صلاة لكان مديتيلها عطلة كيما انا ياعجوز

وين الخايبة ماضهرتش والبنات وينكم

نزنق شوي ونولي

ام اسيل مازالك مفاشيتنا طلي علينا بخيراتك باش ندعولك دعوة شابة

[أم ماجد]

الف شكر هالة اسماء
ام ياسو والله هي اللي لاصقة في المطبخ خخخخخخخ
ام تاجو وينه ؟

[أم فاطيمة]

ادرارية على سلامتك واش راكي واش راهم وليداتك ريح ولدك
ام ماجد يعطيها الصحة صلاة ربي يقويها
ام و ابنة ربي يخليك حبيبتي ماشي كي شي ناس ولاو مزروبين خافين لايخملو معايا راني
ملي خرجو انا معاها حت قتلني لعطش ههههههههههههه نقصر برك يعطيك الصحة
ام ياسو هلة ام هبوبة صح فطوركم
ام تاجوووووووما بانتش يا ما تكون دارتها ههه

[*سماح 94*]

المشاركة الأصلية كتبت بواسطة أم ماجد

صح فطوركم كامل
اليوم عندنا السخانة تقتل صلاة اليوم ماقدرتش رجعت من الجمعية ادات ضربة شمس فطرت وشربت الماء ورقدت ومن بعد ناضت دارت الشربة وافخاذ الدجاج الكاذبة وحلا المرايا خخخخخخخخخخ رجعنا نضحكوا عليها هههههههههانا عجنت المطلوع ودرت لوبيا قريني للشيخ سخف عليها في هاذ الحر
ولله الحمد

بصحتكم ام ماجد و صح فطوركم
صلاة تعجبني بزااااااف ماشاء الله عليها ربي يحفظها وحدة في هاذ السن و تخدم هنك و الله نااادرة ربي يحفظك عزيزتي صلاة