شرح مطور بايثون ؟؟

[UltrasDzCoder]

السلام عليكم ورحمة الله، اما بعد
#ultrasdzcoder

البايثون حبيبة الكل ، صديقة الجديد و القديم في عالم البرمجة ، لغة من لا لغة له 😂 ، الكل يعرف قوتها ومميزاتها وعيوبها ، عندها مجمتع يعادل مشجعي الريال والبارصا ، تقدر تستعملها في كل مكان وزمان في اغلب المجالات ، تعتبر خيار سيئ جيد للمبتدئين ( كاين جدال حولها خلونا منو يرحم والديكم )


===========================
دوكا بانتلك باش تتعلمها بصح كيما قلت ونعاود نقولها للمرة الالف ماتحوسش تتعلم لغة البرمجة اولا خير مجال واحد في البرمجة وشوف واش يطلب هذا المجال من لغات برمجة وفريموركات ومكتبات والخ ،

حبيت خير مجال محدد شوف هذا الفيديو https://cutt.ly/NQguwcp

وبطبيعة الحال راح تلقا روحك تتسائل عدة اسئلة اجوبتها راح تلقاها ههنا
https://cutt.ly/sQgudnR


وللان راك لقيت البايثون في هذا المجال وراك حاب تتعلمها كيفاش لازم دير ؟
اولا لازم تتعلم الاساسيات من كتابة الكود و التعليمات الشرطية والتكرارات والدوال والخ بصح نطيحو في اشكال حول تعلم الخوارزميات اولا او اللغة تم فك هذا الاشكال في هذا الفيديو https://cutt.ly/pQguU7Q

ولتعلم الخوارزميات ننصحك تشوف هذا القائمة مكونة من مستويات تمشي عليها https://cutt.ly/5QguKfD


وللان مازال ماتعلمتهاش ، بطبيعة الحال لازم عليك الالمام بالاتساسيات ولي ننصحك تشوف هذي القائمة https://cutt.ly/fQgu0QJ

وثانيا مور ماتتعلم الاسااسيات راح يحكمك نوع تع غرور لي يخليك تقول بلي تعلمتها خلاص وقت الخدمة وطحن المال بصح راني نقولك ياوليدي الطريق طويلة بصح هكا هو سير النجاح

لازم تختبر روحك ايلا صح تعلمتها ووليت تتحكم فيها كاداة لحل المشاكل ، هنا خصصنالك قائمة مكونة من اكثر 25 تمرين بالحل النموذجي فيها ولي نعتبرها من بين افضل ماصنعت لحدنا الان شوفها لهنا https://cutt.ly/8QgiGq7

ودوكا للان نقولك برافو عليك راك قطعت نصف الطريق ، بقا النصف الاخر وهو مهم جدا لحياتك العملية مع لغة بايثون ، مور ما تتعلم كل ماسبق ذكره لازم تولي عندك مناهج لتنظيم البرنامج لي راك دير فيه ولهنا لازم نروحو لتنظيم منتهج في 99 بالمئة من شركات بل يعتبر اهم فن يجب المام به في عصرنا الحاضر ولي هي "البرمجة الكائنية التوجه " وعندها تسمية اخرى خلونا منها .


وفيها لازم المتعلم يدرك لكل من الكائنات و الاصناف و التغليف و التجريد و تعدد الاشكال و الوراثة وتم عمل مؤخرا دورة ليها https://cutt.ly/EQgokFn

وتبقا عليك للان تزيد شوية امور مثل هياكل البيانات وانماط التصميم واتقان الموديلات وال مكتبات ومور ماتتقنها وتمارس عدة مشاريع راح يولي يطلقو عليك


"بايثون ديفلوبر" وهو مرادك 🧡

عجبك المنشور شاركنا رايك حول بايثون ووين راك حابس فيها

[‏‏عہبق الہيہاسميہن]

السلام عليكم
يعطيك الصحة
غير كيماا سميت بسم الله

[UltrasDzCoder]

المشاركة الأصلية كتبت بواسطة ‏‏عہبق الہيہاسميہن

السلام عليكم
يعطيك الصحة
غير كيماا سميت بسم الله

معليش اختي راكي توكلتي على الله وطريق الالف مليل تبدء بخطوة والله ولي التوفيق 🧡