واش تقولو نبدأ في ورشة من مجلة شهيناز

hiba71dz · 2013-04-28, 17:14

واش تقولو نبدأ بعمل هده الورشة راهي ساهلة حتي يتم التصويت النهائي

من تنضم معي باش نبدأ هيا هيا

[IMG][/IMG]]

الورشة في خاطر : ٍام امجد و انفال أول من خير المودال و الأخريات اللواتي درو الإقتراع

المرشركات في الورشة :
*أم آلاء الصغيرة
*وليد مولودية
*ANNA LEULMI
*ميرة البويرية
*كرااميلا85
*ilhemaya
*nina3

شكرا اخواتي على الثقة و نتمنى كون عند حسن ظن الجميع

لنبدأ على بركة الله الورشة

************************************************** ****************

اللوازم : 4 كبات خيط لون أساسي
كبة لون مغاير نعمرو بهم لي أنو
11 أنو كبار
11 حجرة كبيرة ندروهم داخل لأنو
5 أحجار مودال مغاير
خيط عقاش كبير و 3 خيوط صغار أو سمسم

************************************************** **********************
ملاحظة : لي حابة بدون كمام تشري 2 خيط لون و 1 لون أخر
************************************************** **************
هدا هو البترون
[IMG][/IMG]

الوردة الصغيرة
السطر الأول: 6 سلسلة و نغلق.
السطر الثاني: نطلعو ب 4 سلسلة ( عمود)،
ثم 3 سلسلة ثم عمود
ثم 3 سلسلة ثم عمود
ثم 3 سلسلة ثم عمود
ثم 3 سلسلة ثم عمود
ثم 3 سلسلة ثم عمود
يعني 6 أعمدة بينهم 3 سلاسل ثم نغلق.
[IMG][/IMG]
السطر الثالث : نطلعو ب 4 سلسلة ( عمود)، ثم 4 أعمدة (يعني الكل 5 أعمدة) في 3 سلسلة بين العمودين في السطر الأول ،
ثم 7 سلسلة ثم 5 عمود
ثم 7 سلسلة ثم 5 عمود
ثم 7 سلسلة ثم 5 عمود
ثم 7 سلسلة ثم 5 عمود
ثم 7 سلسلة ثم 5 عمود
يعني 5 أعمدة ثم 7 سلاسل 6 مرات ثم نغلق و نمشي بغرزة حشو حتى العمود 3 في 5 أعمدة .

السطر الرابع : في 7 سلاسل ندير 12 عمود ثم 3 سلسلة ثم 12 عمود . و نعيدها في كل سلسلة تع 7 يعني 6 مرات ونغلق. ونديرو غرزة حشو في منتصف 5 أعمدة

[IMG][/IMG]
[IMG][/IMG]
[IMG][/IMG]

السطر الخامس : ندور على الوردة يعني على كامل الورقات بغرزة حشو.

هدا هو السطر الأخير في الوردة الصغيرة.
************************************************** ****************
توكلو على الله و ابدؤ في العمل نتمنى الشرح مفهوم. و نعتدر الصور ماشى ملاح
أي استفسار أنا في الخدمة.

***************************************يتبع
نسيت بش نقولكم لازم 4 وردات و الخامسة متقطعوش الخيط حسب المودال
كي نخدمو لي مونش ادا بقي الخيط نزدو و ردات أخرين و نرشو بهم أكثر.
************************************************** *****نواصل

الوردة الكبيرة

بالنسبة للوردة الكبيرة أخدمي بنفس الطريقة الوردة الصغيرة لكن ماتقدعيش الخيط راح نواصل عليها.

السطر السادس : دري سلسلة تع خمسة و ربطها بمنزلقة من وراء الوردة الصغير في منتصف الخمسة أعمدة من الوراء.
سلسلة تع خمسة و بعد منزلقة في منتصف الخمسة العمدة من الوراء
سلسلة تع خمسة و بعد منزلقة في منتصف الخمسة العمدة من الوراء
سلسلة تع خمسة و بعد منزلقة في منتصف الخمسة العمدة من الوراء
سلسلة تع خمسة و بعد منزلقة في منتصف الخمسة العمدة من الوراء
سلسلة تع خمسة و بعد منزلقة في منتصف الخمسة العمدة من الوراء
يعني سلسلة تع خمسة و بعد منزلقة في منتصف الخمسة العمدة من الوراء 6 مرات و أغلقي.
أطلعي ب4 سلسلة في أول فراغ تع 5 سلسلة ثم دري 5 اعمدة أمبعد 3 سلسلة ثم 6 أعمدة ثم 3 سلسلة يعني في أول 5 سلسلة 6 أعمدة ثم 3 سلسلة ثم 6 أعمدة.
كري العملية يعني 3 سلسلة 6 أعمدة ثم 3 سلسلة ثم 6 أعمدة 5 مرات
بمعني 6 أعمدة ثم 3 سلسلة ثم 6 أعمدة في كل 5سلسلة الأولى في كل فراغ و بين فراغ و فراغ دري 3 سلسلة

السطر السابع : نفس العملية أطلعي ب 4 سلسلة و فوق كل عمود عمود أخر لكن أفصلي ب 7 سلسلة هده المرة كل بين 6 أعمدة.

السطر الثامن : في 7 سلاسل ندير 12 عمود ثم 3 سلسلة ثم 12 عمود . و نعيدها في كل سلسلة تع 7 يعني 6 مرات ونغلق.

السطر التاسع : ندور على الوردة يعني على كامل الورقات بغرزة حشو.
هدا هو السطر الأخير في الوردة الكبيرة.

نتمني الشرح ساهل نعتدر الصور مارهيج جيي باينة. لازم حل.
لي أونو ندير عليهم منزلقات على طول القرص بلون مغاير
كري العملية على 11 أنو
بالتوفيق.

************************************************** **************
نكمل الجزء الأخير من و رشة الصدر و هي الأكمام
أليك الصور لتوضح االغرزة المستعملة و هي عقدة الحب

[IMG][/IMG]

[IMG][/IMG]

[IMG][/IMG]

تجدون في موضوع الأخت amira79 شرح عقدة الحب للشكل المستطيل شرح مفصل بالصور للغرزة دون أن ننسى بالشكر الأخت أميرة 79
https://www.djelfa.info/vb/showthread.php?t=1179714

تقيسى دراعك و تخدمي عدد من الغرز حتى تدوري على دراعك ثم ؟أغلقي تتحصلي على دائرةأطلعي بغرزتين يعني أخدمي غرزتين من عقدة الحب في مقابل 2 من السطر أول ثم أغلقي بمنزلقة و أكملي هكدا حتى تتحصلي على الطول المرغوب فيه.
السطر الأخير دري بين كل عقدتين 6 أعمدة و في كل عمود 3 سلسلة و أربطي بمنزلقة في نفس العمود يعني عمود 3سلسلة ثم منزلقة و كملي 6 أعمدة
ثم منزلقة في الغرزة المولية ثم 6 أعمدة حتى تنهي السطر

نسيت باش نقوللكم اليدين هدا المودال راهم يجعدو مدرهومش عراض بزاف.

أنا بدأت بصح قررت ندرها مودال بيجامة عندي هده الأكمام في صدر أخر
نتمنى أخواتي الشرح يكون واضح و أنني وفقت في أول ورشة رغم أنني ما شفت تجاوب و أدا قدرت نحاول نحط صور و الباقي واضح في الصورة لما تخيطو الصدر لتصقو الوردات و عليهم الحجر و لي أنو و العقاش ادا بقي لكم خيط كملو به الوردات و زيدو رشو بهم أسفل الجبة

شكرا أخواتي أنا في أنتظار تفاعلكم و تقيكم للورشة و الشرح
و في الأخير تتحصلو على مايلي
[IMG][/IMG]
تلبسو بالصحة و الهناء

abir chemss · 2013-04-28, 17:18

حطي صورة المودال باش يفهموك .............مليح هكا العبد ما يتعطلش و يدير اللي عاجبو ...............بالتوفيق

أم ياسين الزهراء · 2013-04-28, 17:21

الوردة شابة

أم أولادي* · 2013-04-28, 17:26

حرنا واش نديرو واش نخليو كي نكمل نبدى معاكم بصح ليمونش نديرهم قصار خير

وليد مولودية · 2013-04-28, 17:47

ابداي على بركة الله ما تستنايش على خاطر ورشة كاكبوب كاين الي ما حبوش الموديل ابداي بالتوفيق وانا نكمل ونلحق بكن ان شاء الله

janino · 2013-04-28, 18:09

hada te3ichi okhti

abir chemss · 2013-04-28, 18:14

اقتباس:

المشاركة الأصلية كتبت بواسطة janino

hada te3ichi okhti

هذا الورشة موجودة تاعو و الا روحي في النت تلقايه بالتفصيل في فئة bolero

وردة المنتديات · 2013-04-28, 18:19

بالتوفيق للجميع

ANNA LEULMI · 2013-04-28, 18:47

ديري مزية والله فر حتيني ربي يفرحك نشالله انا معاك

زهرة الهضاب 19 · 2013-04-28, 18:50

موديل شباب صح تخدموه و تلبسوه بالصحة و الهنا انا للأسف القراية ماشي مخليتني نطبق فقط أتابع من بعيد

بالتوفيق

hiba71dz · 2013-04-28, 18:56

اقتباس:

المشاركة الأصلية كتبت بواسطة أم ياسين الزهراء

الوردة شابة

شكرا أختي أنت الأجمل

hiba71dz · 2013-04-28, 18:59

اقتباس:

المشاركة الأصلية كتبت بواسطة أم آلاء الصغيرة

حرنا واش نديرو واش نخليو كي نكمل نبدى معاكم بصح ليمونش نديرهم قصار خير

نديروهم كامل وجدو الدراهم و الوقت ضرك ندروهم كامل في رابط و ين بدتو تلقاوهم
اهلا بك وقت ما حبتي و في خاطرك لمونش قصار

hiba71dz · 2013-04-28, 19:00

اقتباس:

المشاركة الأصلية كتبت بواسطة abir chemss

حطي صورة المودال باش يفهموك .............مليح هكا العبد ما يتعطلش و يدير اللي عاجبو ...............بالتوفيق

شكرااختي ادا ما ظهر معكي الرابط هاهي الصورة مرة اخرى
[IMG]

[/IMG]

hiba71dz · 2013-04-28, 19:04

اقتباس:

المشاركة الأصلية كتبت بواسطة زهرة الهضاب 19

موديل شباب صح تخدموه و تلبسوه بالصحة و الهنا انا للأسف القراية ماشي مخليتني نطبق فقط أتابع من بعيد

بالتوفيق

شكرا أختي ربي يوفق أنا وحدى رني مزروبة نخدم الأسبوع الجاي عندي خدمة بزاف في العمل و كي نجي لدار ما نقدرش نخدم متعب + قريب الإمتحانات تع الأطفال
ربي يوفق و ينجحك و الحقي بينا رانى بشوية نمشو

hiba71dz · 2013-04-28, 19:05

اقتباس:

المشاركة الأصلية كتبت بواسطة anna leulmi

ديري مزية والله فر حتيني ربي يفرحك نشالله انا معاك

شكرا
ربي يفرح و يهنيك غدو نحط الازم