بالنسبة للمقتصدين دفعة 2013 الذين أنهوا التكوين..هل وصل محضر النتائج من معهد الحراش ؟ وهل استلمتم التعينات؟ - الصفحة 12

houssamour · 2014-01-06, 17:43

oui aussi a maskara et ain temouchent le meme problème

ranou gigi · 2014-01-06, 18:21

اااااااااااااااااااااااا ماتقوليش برك يعني واش راح اكون مصيرنا

ranou gigi · 2014-01-06, 18:30

اقتباس:

المشاركة الأصلية كتبت بواسطة جيهان13091991

ranou gigi لا يا أختي مانسيتكش مي لي عططيتيهولي راهو ماعنديش على هاذي مانجمتش نبعثلك و معدل المشاركات ماتسمحليش باش نبعثلك رسالة المهم ان شاء الله أمورك تمام و منال صديقتك ان شاء الله راهي مليحة سلميلي عليها بزااف

مشكورة على ردك لي حبيبتي كيف حالك ان شاء الله تكوني في تمام الصحة و العافية و سلامك راح يوصل الي صديقتي و ادعي انه ربي يوفقنا

ranou gigi · 2014-01-06, 18:46

ااااااااا ياأختي ماتقوليش بلي يقدروا انحونا خلاه مي انا سمعت انه كاين مشكلة في ملفات احد الولايات لكن لو كان مشكلة مدة التربص لتم استدعائنا للدراسة لانه الاعوام الماضية قروا نفس المدة و تعيينوا عادي

Tema 13 · 2014-01-06, 19:46

lah yejib l khér, parce que vraiment si après tout ce temps qu'on a attendu makan walou, c'est très grave

lionhoussam · 2014-01-06, 20:47

اقتباس:

المشاركة الأصلية كتبت بواسطة ranou gigi

ااااااااا ياأختي ماتقوليش بلي يقدروا انحونا خلاه مي انا سمعت انه كاين مشكلة في ملفات احد الولايات لكن لو كان مشكلة مدة التربص لتم استدعائنا للدراسة لانه الاعوام الماضية قروا نفس المدة و تعيينوا عادي

احتمال راهم يستناو في الدفعة تاع هاد العام باش يقرونا معاهم ؟

houssamour · 2014-01-06, 21:01

اقتباس:

المشاركة الأصلية كتبت بواسطة lionhoussam

احتمال راهم يستناو في الدفعة تاع هاد العام باش يقرونا معاهم ؟

rouh 9ara wahdak normalement ndirou haja w nrouho l harach wala ndirouha f les journaux haka ysam3ou bina chwiya parce que twalat bazef bazef w peut etre tt annulé kima rahom ygolo

ranou gigi · 2014-01-07, 13:52

ياأختي مالعمل نستنوا منا لفيفري اذا مابان والوا نشوفوا حل لانه العام الماضي التعيينات تمت فيفري فلاداعي للقلق انا ثاني كرهت من هدرة الناس مي واش راح نديروا نصبروا و فرات و كيما اقولوا كل تأخيرة و فيها خيرة

ranou gigi · 2014-01-07, 13:56

اقتباس:

المشاركة الأصلية كتبت بواسطة الأثر الجميل

[/color]
برافوا راك لقيتها. والله غير أنت عبقري

ههههههههههه و الله غير ضحكتني بهدرتك اختي مانظنش نرجعوا نقروا لانهم صرفوعلينا الايامات الي قريناهم من فوق قلبهم ماذابيهم يتهنوا منا و اخدمونا ماهومش راح ازيدوا اخموا علينا و على مصاريفنا

minou1183 · 2014-01-07, 14:01

السلام عليكم
والله رانا كامل مقلقين، وكرهنا من القعاد، الرجاء منكم لي عندو خبر صحيح يزودنا بيه وخليونا من الاشاعات،أنا مع الفكرة تاع نصبرو منا لـ فيفري ان شاء الله لاكان مابان والو نشوفو كيفاش نتحركو على رواحنا، وربي يجيب الخير ان شاء الله.
وبالتوفيق للجميع.

جيهان13091991 · 2014-01-07, 14:17

رانا كامل كيف كيف مقلقين و كامل يسقسوا فينا نفس السؤال ههههه مي لازم نصبروا كيما قالت الأخت رانية و الأخ أمين حتى لفيفري و نشوفو

ranou gigi · 2014-01-07, 14:22

جائتني احد الاخبار الان من احد الزملاء انهم ينتظرون معهد وهران الى ان يتمون التكوين و بعدها تتم التعيينات دفعة واحدة لاأعرف ان كان هذا الخبر صحيح او من لديه اصدقاء في وهران فليستفسر و يخبرنا

جيهان13091991 · 2014-01-07, 14:26

اقتباس:

المشاركة الأصلية كتبت بواسطة ranou gigi

جائتني احد الاخبار الان من احد الزملاء انهم ينتظرون معهد وهران الى ان يتمون التكوين و بعدها تتم التعيينات دفعة واحدة لاأعرف ان كان هذا الخبر صحيح او من لديه اصدقاء في وهران فليستفسر و يخبرنا

أهلا رانية ان شاء الله راكي مليحة ، ههههه علاش كاين لي مازالهم يتكونو ، المهم أنا الخبر لي كان عندي منذ فترة أنو الوظيفة العمومية بالجزائر العاصمة طلبت محاضر جميع المعاهد الموزعة على كافة التراب الوطني من المعهد الوطني تاع الحراش يعني هوما يقولو التجميع تاعها + مماطلة الوظيف العمومي هي لي سببت التأخر و راكي تقولي أنت بلي مازال كاين لي مكملوش التكوين مالا رانا نستناو

lionhoussam · 2014-01-07, 17:54

شخصيا لا اعتقد انه مقابلة المدير التربية عندها فائدة لانه ببساطة راح يجاوبنا بلي المعهد الوطني لم يبعث المحاضر لانه المشكلة على مستوى المعهد وليس مديرية التربية يعني الأفضل الذهاب الى المعهد الوطني مباشرة مثل ما فعلوا دفعة العام الماضي حيث ان محاضرهم وصلت بعد 15 يوم من ذهابهم الى المعهد الوطني و الضغط عليهم ، اضافة الى انه مدير التربية عندنا تمت انهاء مهامه الخميس الماضي فقط و تم تعيين مدير جديد لم يبدأ مهامه حتى الآن يعني مازال ما راهش يستقبل

houssamour · 2014-01-07, 19:09

إلى متى سنبقى صامتين وحقوقنا تهضم

معهد وهران الى ان يتمون التكوين .......لقد إنتهى التكوين في أكتوبر يأخي

لا اعتقد انه مقابلة المدير التربية عندها فائدة لانه ببساطة راح يجاوبنا بلي المعهد الوطني لم يبعث المحاضر لانه المشكلة على مستوى المعهد وليس مديرية التربية يعني الأفضل الذهاب الى المعهد الوطني مباشرة مثل ما فعلوا دفعة العام الماضي حيث ان محاضرهم وصلت بعد 15 يوم من ذهابهم الى المعهد الوطني و الضغط عليهم ....... كلام جميل مديرية التربية لا تستطيع فعل شئ الحل .الحل عند الوظيفة العمومية ....... الذهاب الى المعهد الوطني مباشرة والظغط عليهم
إقتــــــــــــــــــراح