قاطو بنيون في لي مول تاع السيلسكون للاخت عطر القلوب

[kakinova]

بسم الله الرحمن الرحيم

هاد القاطو عملتو فالعيد الصغير لي فات و طلباتو من اختي عطر القلوب

الموجود في هاذ الرابط https://www.djelfa.info/vb/showthread.php?t=1087882





و صفة القاطو لي ما يطيبش :


علبة بيمو

شكولا

حلوة الترك

ماء زهر

3 ملا عق كبيرة زبدة ذائبة

كوكاو مرحي

نرحي البيمو رقيق جدا و من الافضل ان نقوم بغربلته
نرحي الكوكاو مع حلوة الترك
نذيب الشوكولا
نخلط الكل جيدا مع بعض نضيف الزبدة الذائبة و نرش القليل فقط من ماء الزهر حتى تتكون لدينا عجينة متماسكة
رح تكون سخونة قليلا و الزبدة و الشكولا من بعد ما تبرد الحلوى يتماسكو لذا من الأفضل ما تيبسوهاش بزاف

نحضر قوالب السيليكون من الافضل نحطها فالكونجيلاتور تبرد مليح
نضع في كل شكل كمية من العجينة حتى يمتلئ الفراغ ، و نقوم بتسويته بظهر ملعقة و لا نكرطها بمسطرة نظيفة

نتركها حتى تبرد الزبدة و الشوكولا و تتماسك العجينة
أنا تركتها تبرد ثم و ضعتها فالثلاجة و بعد أن جمدت نزعتها بسهولة
في نفس القوالب
نقوم بتذويب شكولا سوداء او بيضاء ، انا استعملت سوداء ندهن المول بواسطة فرشاة سيليكون بالشكولا و لا يجب ان تكون سائلة بل متماسكة
و لما تبرد قليلا نعيد القاطو للقالب حتى تلتصق به الشوكولا
و ننتظر ان تبرد تماما و تتماسك و ننزعها بلطف
ملاحظة : الغلطة لي عملتها انا أني دهنت المول بطبقة رقيقة جدا من الشوكولا لما حاولت نخرجها تكسرت

لي تحب تعملو تدهن الطبقة الاولى و تخليها تجمد ثم تعمل طبقة ثانية و لما تتماسك تحط فوقها العجينة

دعوة خير