بريوشاتي و لا اطيب

[زينب 83]

السلام عليكم و رحمة الله و بركاته


الصراحة ماكنتش راح نحط الوصفة موضوع لكن كاين أخوات منهم الواثقة بالله و الأخت ابتسام طلبوا مني نحط البريوش موضوع

هذي الوصفة صراحة احسن وصفة جربتها طبعا بالنسبة ليا ، جاني الطعم كيما البريوش لي يتباع و احسن و الخفة مانحكيش و زيد المقادير مضبوطة و ماشي محتاجة تحريفات نتمنى جربوها

المقادير

300غ او شوي زيادة فرينة
150ملل حليب
30 غ زبدة ، ملعقة اكل
30 غ سكر، ملعقتين اكل
اذا ماستعملناش الكريم باتيسيار نزيدو ملعقة سكر

12 غ خميرة خبز ، 2 ملاعق قهوة
بيضة واحدة
ملعقة قهوة ملح
ملعقة قهوة فانيلا
كريم باتيسيار ، انا استعملت لي يتباع خفيف و بنين

نحطو الخميرة في الحليب الدافء مع السكر و نخليوها حتى تطلع
نزيدو باقي المقادير الا الزبدة و الفانيلا و نعجنو ، كي ترجع العجينة ملساء نزيدو الفانيلا و الزبدة و نعجنو
نغطيوها و نخليوها تخمر في مكان لا سخون لا بارد ، دافئ

بعد ما تخمر نشكلوها كالتالي
نطرحو العجينة فوق سطح مرشوش بالفرينةو نوزعو فوقها الكارام باتيسيار لازم تكون باردة ، ممكن اضافة حبيبات شوكولا او زبيب او فواكه جافة او مكسرات مفرومة
نروليو العجينة و نقصوها دوائر بسمك 3سم و نرصوها في بلا مفرش بورق الزبدة بلا مانضغطو عليهم
نخليوهم يخمرو مليح و نطيبوهم في فرن سااااااااخن مسبقا ، لي عندها مروحة تشغلها


كاين حطيتهم في مول المافن و جا الشكل هايل ، و طبعا ندهنوهم بالجو لي انا خففت معجون المشمش بالماء و دهنت بيه




















و هذي افكار اخرى

تارتولات البريوش
ندهنو مولات التارتولات بالزبدة و نطرحو فيها العجينة
نحطو في وسط العجينة فاكهة او مربى انا حطيت صوص الرمان
و نحطو فوقها كريم باتيسيار ، انا خلاصت لي درت علبة بتي سويس و خلطت معاها سكر و فانيليا
نخليوها تخمر و نطيبوها في فور سخووووون ، بهد ما طابو دهنت هم بمربى المشمش










مشيمشات البريوش

نشكلو العجينة على شكل حبات بحجم حبة القصطل بعد ما يخمرو نطيبوهم في فور سخون
، كي يبردو نديرو ثقب من تحت و نحشيوهم بالكريم باتيسيار و ندهنوهم بالمربى و نرمدوهم بالسكر و نلصقوهم بواسطة الكريم الباتسيير و نزينو هم كيما نحبو











نسيت البريوش دهنتو بالحليب +فانيلا

ان شاء الله يعجبوكم بريوشاتي صدقوني بنان بزاف بزاف
في امان الله

[سائلة عفو ربها]

وعليكم السلام ورحمة الله وبركاته
روووعة أختي يسخفوا يعطيك الصحة ....
أكيييييييد راح نجربهم إن شاء الله....
بارك الله فيك...

[chahinez chanez]

امممم يهبلوا شهيتيني وانا نحوس ندير الرجيم الله يعطيك الصحة.

[حلاوة روح]

اممممم واممممم واممممممم وصفة رائعة كصاحبتها جوزيتي كل خير على كل شئ تقدمينه وجعله الله في ميزان حسناتك

[ام محمد 05]

الله اكبر مشاء الله يهبلو روووعة احلى واجمل تقيم ليك

[oum radja]

يعطيك الصحة زينب
دايما متألقة كالعادة

[saja hamed]

امممممممممممممممممممم ''يعطيييييييييييك الصحة

[أم ملك]

روعة زينب ما شاء الله تبارك الرحمان وصفاتك كلها رائعة بأتم معنى الكلمة أتمنى لك المزيد من التألق و جزاك حسنى الدارين

[الرجاء الاماني المجد]

حقا مبدعة يعطيك الصحة

[ام فريال]

امممممممم هايل يعطيك الصحة

[أم ياسين الزهراء]

روعة كنت راح اطلب الوصفة وكنت سقسيتك على طريقة التشكيل والله تحفة تسلم ايديك فنانة صح

ضحكت كيقلتي ماشي محتاجة تحريف هههههههههههههه وهي فعلا ماتحتاجش تحريف ترقبي تطبيقي ان شاء الله

[سرور2]

هايل زنوبة يهبل اطبا قك روعة استناي تطبيقي هدون النهارات

ولو امكن وشحال فيه سعرات (زعمة ملتزمة ههه) حتىوراني مندرش الحبات قدقد ههههههههههههه

[omo marwane]

جزاك الله كل خير و الله تحفة الله يبارك

[ام احمدي]

هااااااااااااااااااااايلين الاشكال والوصفة رووووووووووووووعة حنونة

[دائمة الشكر]

بريوش روعة وافكار رائعة جزاكي الله كل خير
لكي جزيل الشكر على المواضيع القيمة