طريقة أكيدة لتصبحي ربة بيت سعيدة

[ام شمسو محمد]

إليكم طريقة مساعدة باش نحافظو على مطبخنا دائما نظيف و مرتب و ما نتعبوش في التنظيف العميق ، لأنو كيما لاحظتو القائمة طويلة و الوقت قليل ....ديري خطة وزعي الأعمال على : يومية و أسبوعية و شهرية و أخرى مرة كل شهرين أو ثلاث .
الأعمال اليومية :
_ تنظيف الحوض و أسطح العمل البوتاجي .
_تنظيف عيون الفرن (في حال البقع المحترقة استعملي بكربونات الصوديوم ).
الأعمال الأسبوعية :
_ تنظيف االثلاجة قبل ما تحطي فيها المصروف تاع الأسبوع .
_ تنظيف الميكرووند .
_غسل بدون القمامة .
الأعمال الشهرية :
_البلاكار من فوق و تحت و الداخل و الخارج .
_غسل الفرن الغازي أو الكهربائي .
_تنظيف الأضواء و أنابيب الغاز .
_تنظيف الزجاج .
هذا التوزيع يسمحلكم باستغلال منطقي لساعة التنظيف العميق و ال 20 د تاع كل يوم .
مثلا الساعة نخصصها للثلاجة (ماتديش الوقت كي نكون نظفها كل أسبوع ) و الفرن من داخل و الخارج
العشرين دقيقة : عيون الفرن ، البلاكار ، الميكرووند ، البوتاجي من تحت ،الأبواب و النافذة ، طاولة الطعام و الكراسي .
كاينة حوايج راح تمر في ساعة التنظيفات الأسبوعية كيما الباب ، مفاتيح الضوء ، الأرضية .
و كاينة حوايج يكفيوها دقيقتين ، خصصيلها دقيقتين المساء مثلا : كل يوم حيط ، تنظيف الساعة و قطع الزينة و حاويات التوابل ، سلة الخضر ...
كاينة حوايج ما يحتاجوش نظفوهم كل شهر : أواني الطبخ ، الآلات الكهرومنزلية ، المجمدة .
الستائر و التابي ما يديوش الوقت .

[حياتي كلها امل]

السلام عليكم الروتبنات الصباحية تمت والحمد لله وعملة 20د لتنضيف قجور عندي في المطبخ فبهم ادوات الحلوى والملاعق واشياء اخرى مع جيهة من ليزيليمو

[ام شمسو محمد]

مساء الخير أريج و أم هاجر،أشير إلى أنو الأخوات العاملات يقدرو يستغنيو على ساعة التنظيف العميق و يعوضوها بنص ساعة بدل 20 د يوم الإثنين ، و إذا حبو الويكاند يديرو و لو ربع ساعة ما عليهش .

[haninefadwa]

السلام عليكم و رحمة الله أاخواتي الروتين الصباحي تم والحمد لله عندما عدت مساءا من العمل ارتحت قليلا حضرت العصرونة ***قهوة المساء****ثم نشرت الغسيل و ووضعت العشاء على النار وعجنت الخبز لأن زوجي يحب الخبز التقليدي العملية سهلة بالمعجنة الجانب الجمالي تم و ماذا بعد أختي أم شمسو اارجو أن أكون تلميذة جيدة طبعا لن أنساك من الدعاء بظهر الغيب سيي يسر الله لك الوضع ورزقك بمولود سليم صالح اريج 13 ام تينة حياتي كلها أمل وفقكن الله لما يحبه ويرضاه أخواتي أنا أنتظر نصائحكن فما احوجني اليها

[Sii]

بارك الله فيك اختي ام بنين على الاجابة عجبتني تاع الفلفل لحلو لانو ساعات يفزدلي
امين اختي حنين فدوى حفظك الله واعانك
الشكر الكبير لام شمسو الغالية

[omelbanin]

لاشكر على واجب حبيبتي سيي، كيما الفلفل، باش ماتتعبيش مع كرشك، ادهنيه بشويه زيت زيتون وديريه في سنيوة، ديريه في الكوشة القشرة ديالو تتنفخ ويجيك ساهل في التنقيه و تشوي كمية كبيرة في نفس الوقت.
تلقايه ،تقدري ديريه سلطة، دولمة، كي يديكونجلا افتحيه وديري الحشو ولفيه وحطيه في سنيوة تاع الفور ديريلو لاصوص تومات من فوق والي الفرن.
وتقدري شكشوكة.
هدرت بزاف هههه.

[omelbanin]

ام شمسو، طبقت روتيني المسائي، وطبقت 2د تبريد منطقة، خملت درج لاكومود.

[ام شمسو محمد]

مساء الخير أم البنين أنا ثاني درت تبريد ف لا كومود ، و الكوزينة نظفت البلاكار ، مع الروتينات الصباحية و المسائية و ذرك نراجع لوليدي ،غدوة انشا الله ندير ساعة في الفريجيدار و الكوشة من داخل ، و تدابيرك تاع الخضرة هايلة .

[ام شمسو محمد]

حبيبتي حنين فدوى راكي ناشطة ما شاء الله عليك و ست بيت شاطرة ما ناقصك و الو ،مع الوظيفة ما تكثريش على روحك الضغط ، ثبتي روتيناتك الصباحية و المسائية و حاولي تسهليها بالمبادئ " أعيدي ما تستعملينه ، نظفي وراءك ...." ، عاوني روحك بعشرين دقيقة تبريد كل يوم حاربي النقاط الساخنة ،تلقاي روحك مرتاحة .

[ام هزار]

سلام حبيباتي
ام شمسو ربي يهنيك كيما هنيتينا احنا العاملات . روحت مساء . ريحت رقدت شوية لانو كان عندي الم الشقيقة . و من بعد نضت درت حليب ابيض ان ما نخلطش بالقهوة . و نصبيت شربة فريك طيب و درت على المنزل 10 د لكل جزء منو . لاني الصباح خرجت قبل 8 و لحقتش نفرز مليح . و من بعد لميت لماعن اللي كانو في الحوض و غسلتهم و قطرتهم و نشفتهم و رجعتهم لاما كنهم . و اهتميت ببنتي شوية . و قلت نطل عليكم في انتطار دخول الزوج للعشاء اللي طاب عندو ساعة تقريبا ومن بعد عندي 20 د في المطبخ بين غسل للاواني و فرز و مسح اكيد بعد العشاء . و من ثم نركز في اعداد مذكراتي ليوم الغد ان شاءالله مع تحضير ما يلزم من ادوات و مستلزمات خاصة بي و باهل اسرتي
الروتين الديني راني بالعذر .مركزة على الذكر و على احتساب ما اقوم به من عمل داخل و خارج المنزل لله تعالى . تجديد النية كل ليلة
الجانب الجمالي 4 من 10
التبريد نحاول نلقالو وقت لاحقا و لو بعد الاعداد لدروسي
تصبحن على خير و عافية

[omelbanin]

السلام عليكم، ام شمسو غدا ان شاءالله، راني ناوية أيضا على الثلاجة.
جهينة وين راكي ماطليتيش علينا اليوم، اروى طمنينا على صحتك راكي طولتي.

[ام شمسو محمد]

الله يتقبل منك أم هزار الأعمال بالنيات..
سيي و أم هاجر و أريج ربي يوفقكم لكل خير في الدنيا و الآخرة و الإنسان على حساب همتو كي يرفعها يرفع روحو .
سالي ما تحوسيش على المدخل ما عليهش كي نخلصو نرجعو عليه .
سيي الساعة الأسبوعية تجي بعد الويكاند ، الويكاند خصصيه لنفسك و لزوجك ، بروفيتي قبل ما تجي الذرية .

[ام شمسو محمد]

المشاركة الأصلية كتبت بواسطة ام تينة

ï´؟أليس الله بكاف عبدهï´¾

����هذا الاستفهام يورث
راحةم€°هدوءم€°طمأنينة

الله الكافي يكفيك همك
وحزنك،وكل ما أوجعك
اطمئن به وتيقن��

نور على نور

[ام شمسو محمد]

المشاركة الأصلية كتبت بواسطة أريج13

السلام عليكن
الروتينات المساىية الحمد لله تمت
تحضيرات الغد تمت
بالتوفيق للجميع الابناء و الامهات العاملات في الغد
ام شمسو بارك الله فيك ان شاء الله يخليك لينا
لان وراء كل فراشة ام شمسو عظيمة
ليلة مباركة لكل الفراشات

كي تشكروني هكذا و الله غير نحشم ، نحس روحي نخدع فيكم ، نذكركم برك بلي راني ما جبت و الو من عندي ، الفضل ينسب لأهلو ،نتي أريج كريمة و طيبة .

[sali kanouza]

[center]سلااااااااااااااام فراشااااااات
الروتين المسائي تم والحمد لله طيبت القهوة نضفت خزانة في المطبخ وبردت منطقة ساخنة وهي غرفة العاب ابني وحضرت العشاء
الجانب الديني الحمد لله الصلاة في وقتها والاذكار
باقيلي تلميع الحوض بعد العشاء ان شاء الله مانتعشاوش بكري
[/ذروك راني مع كتابة وصفات طبخ حبيت ننقلهم في دفتر خاص باش ما يتودروش center]
بعد غد ان شاء الله انضف الفرن جيدااااااااا غدا لا استطيع