اريد ان اسال عن تكوين بائع في الصيدلية

[oumjiji]

السلام عليكم اريد ان اعرف عن الدورة التكوينية لبائع في الصيدلية الدورة لمدة 3ايام ومن بعد يوجهوك لاقرب صيدلية في المنطقة وتكمل التكوين لمدة45يوم حبيت نعرف شكون منكم دار هذا التكوين وهل هي مهنة ساهلة ولا لازم تكون فور في الفرنسية وتتطلب جهد كبيرام لا نتمنى تجابوني ربي يفتح عليكم فتحا مبينا يا اصحاب الصيدلية جاوبونيوكل من له خبرة في هذا المجال

[*زهرة_الاقحوان*]

لقد قرات عنها في اعلان تلفزي
لكن قوليلي وين جات الدورة يعني في اي ولاية اختي

[oumjiji]

الدورة في ولاية تبسة ونتمنى من اي واحد عندو فكرة يبعثلي الرد وشكرا

[*زهرة_الاقحوان*]

شكرا ليك اختي
انا ايضا راني حابة نديرها ولكن معنديش معلومات عليها
هل انت متاكدة انها لثلاثة ايام
وماذا عن حقوق التسجيل والاقامة والشهادة وغيرها
لقد حاولت الاتصال لكن دون جدوى
ممكن اختي تفيديني بالمعلومات

[*زهرة_الاقحوان*]

اختي اين انت رجاء اجيبيني لان الوقت لم يبق

[*زهرة_الاقحوان*]

اختي اين انت

[oumjiji]

مساء الخير اختي اسمحيلي كنت مشغولة انا متاكدة انها لمدة 3ايام ويمدولك ديبلوم ومن بعد يوجهوك لاقرب صيدلية وتكملي التربص لمدة 45يوم ومن بعد الصيدلية يكاشيلك في الشهاد ةوالمكان في ولاية تبسة وتدفعي 3ملاين وتسجلي في نفس اليوم 13نوفمبر نتمنى نكون افدتك وهذه الدورة توجد غير في ولاية تبسة وكاش سؤال راني هنا باي

[*زهرة_الاقحوان*]

مساء الخير اختي
اوف ثلاثة ملايين والله بزاف التربض مدته فقط 3 ايام ولااظن ان هناك امتحان فيه
+
الاقامة وين هل هي مضمونة او لا
وهل الشهادة معترف بها في الجزائر

[sirila]

مرحبا

كاينة في باتنة

في البلاد امام لافاردور وين الصياغ تاع الذهب

اسمها مؤسسة العزيزين

كاين بائع في الصيدلة

250 للشهر

مدة الدراسة ستة اشهر

وتخدم عادي عند الفرمسيان

مي انا مدايرة مساعد اجتماعي

حتى هي 250 للشهر

والمدة 6 اشهر مع 3 اشهر ستاج في العيادة

ويحكموك اذا كنتي شاطرة .

اي تجيك 1500

[oumjiji]

اهلا اختي سيريلابغيت نسالك واش هو النيفو الي يطلبوه باه تقدري تدخلي مساعد اجتماعي وين يقراو وهل انتهت فترة التسجيل ام لا اتمنى انك تردي عليا

[*زهرة_الاقحوان*]

ارايت اختي 6 اشهر مقبولة وتعطى شهادة بعد امتحان
لكن هذه لا ندري ان
كانت معترف بها او لا
اظن اني لن اشارك فيها
ان شاؤكت اختي فيها رجاء اخبرينا عنها ااذا كانت جيدة ادرسها العام القادم

[ام امـــــــنــــــة]

ماذا عن ولاية قالمة هل يوجد مثل هذا التكوين ارجوووووووووو المساااااااعدة في اقرب وقت ممكن

[sirila]

عفوا مارديتش

مساعد اجتماعي تخدمي بيها حوايج بزاف ممكن في مؤسسة والولاد اذا كانو قادرين يقدرو يخدمو في الاسعافات الي عندو معريفة صحيحة واحنا راكي تخدمي فرملية

ديري دوسي عادي

شهادة مدرسية * نقمة * سوابق العدلية * شهادة صدرية وطبية

* شهادة اقامة * 50 حقوق التسجيل

مانيش متفكرة الباقي

يعني الادبي ولا العلمي مقبولين للاثنين

النيفو 3 ثانوي

الستاج الي نديروه المؤسسة هي الي تبعثنا

الخدمة راكي تخدمي عند البريفي العيادات

التسجال يبالي كل شهر والله اعلم

انا سجلت في اكتوبر

الحوايج الي نقراوهم ملاح

رانا بدينا ب secorisme و علم النفس * مقياس عن الضغط * مبادئ اولية * اعلام * القانون الصحي * الموسيقى العلاجية * فرنسية تقنية طبية يعني كيفاه نحكيو مع الطبة

نورمالمو هاذو هوما

نقراو في 2 بلايص يعني الادارة جوايه لاسيرونس الي في البلاد وين عمارة المستقبل وتزيدي تطلعي حتى تلقاي قهوة على يدك اليسرى دوري وسقسي

والجيهة الثانية قدامها مش بعيدة وين مكتبة المستقبل على وجها الثاني تاع الرود مش الطريق الكبيرة كاينة باطيمة كبيرة وباهية لونها موف وتحتها حالين الصياغ تاع الذهب راهي في الطابق الثالث



راهم كاينين اخرين من ولايات اخرى ويقراو معانا


الاساتذة في القمة

والمديرة واعرة تقتل الزلgة بفلgة


اذا في شيئ ثاني سقسيو في الخدمة

[sirila]

oumjiji

اذا ماعرفتيش البلاصة نزيد نوضحلك اكثر وزيدي روحي سقسي وا ن شاء الله نتعارفو ثمة

يعني الادارة راهي مقابلتها حفرة كبيرة يخدمو فيها

[اميرة بلقيس]

لي يعرف مدارس تكوين في غرب جزائري يخبرنا راني حابة ندخل