الى الرجال

[sonia.morchid]

بسم الله والصلاة والسلام على رسول الله وبعد
انا اول مرة نشارك في هدا القسم اولا من خلال تصفحي لما ينشر ويكتب هنا الكتير منه بعيد عن الحقيقة وصادم الرجل تراه يمدح في المراة العفيفة الطاهرة النظيفة ويقول لم يعد لها وجود في زمننا هدا و من جهة ترى اقواله تعكس افعاله يترك المغطية ويروح للعارية والله اعرف الكثيرات من العوانس هي من تستر روحها وتحافظ على كرامتها بدل ان يدق بابها يريدها عشيقة وحبيبة في السر وادا رفضت يتهمها بانها معقدة او متكبرة انا ارى ان الرجال هم السبب الرئسي في حالة المراة والله رجال في بلاصتهم نحشم كي نشوف ماشي مع مرتو لباس فاضح والله انا مرا نحشم نشوف معاها ويزيد يهدر ويقول واش صرا للنساء لو كان لي تعرى روحها واحد مايسال عليها من غدوا تلقى العقلية تبدلت والله قلبي غير معمر واغب الرجال ما تملى عين غير الدود والتراب اوسمح لي على هدا المثل واتمعنو في كلامي مليح تلقاوه صواب
هناك من طلب من زوجته نزع الحجاب حتى يرى اصحاب واحباب مفاتنها زعما يحب يغيرهم بمرتو قول لي واش يتسمى هدا وشكرا

[*أم سجى*]

وعليكم السلام اختي موضوعك صائب أنا أضم صوتي لصوتك ..معظم الرجال يقولون شيئا ويفعلون شيئا آخر

[nihal159]

صحيح مئة بالمئة؛ كلام الشعارات شيء و الواقع شيء ظ±خر؛ ولي يكذّبني نقولو....لكم في حكاية 30 ألف دولار عبرة لمن يعتبر.

[سجل أنا جزائري]

الرجال مختلفون و كل واحد و كيفاه عقليته

كناك فئة و هي كثيرة يلهثون وراء المتبرجات لأنهن سهلة المنال و لا يترتب عليهم ان يرسمو العلاقة تلقاهم في بداية يريدون الا اللهو ثم منهم من ينسحب و يخطب فتاة عفيفة و منهم من يوقع في الغرم فيتزجها

و هناك ايضا من يخافون الخطبة مباشرة و يفضلون تعرف قبل و اتخاذ صديقة حتى يتعرفو عليها ثم يخطبونها للأسف و قليل من يقصد الفتاة العفيفة التي ترفض العلاقات الغير الشرعية
اما من يطلب من زوجتهم نزع الحجاب عندي ليس رجلا

ربي يصلح الأحوال

[sonia.morchid]

الحمد الله كي نشوف رجال هكدا نقول الدنيا مازالها بخير لكلام هدا قلت بحكم تجربتي لاني جامعية وسابقا كنت عاملة وسكنت في في اماكن مختلفة والله غير شفت لعجب وسمعت كلام حتى الادن ما تقدرلوش تلقاه يجرى وراها ويحكي معاه وبمجرد ما تغيب يقولك كون جات ختي ولا مرتي ولابنتي نقتلها يرحم بابكم الطفلة تاع الليسي كي تخرج الصباح من الدار يشوفها باباه يماه خوها المرا لي تخدم تخرج مع راجلها ومرات هو لي يوصلها معناه شايفها وعلاه ما تحبسوش الشي هدا قبل فوات الاوان انا والله غير نحب الاعتدال في كل شئ سواء في اللباس او التصرف وحتى في الاكل مايكونش الواحد مزير ومايكونش طالق المهم يرضى الواحد مولاه وضمير خاطراش لي يحب يرضي الناس تصعب لو لن ترضى عنك اليهود والنصراى حتى تتبع ملتهم وخير الختام السلام

[sonia.morchid]

يا اخي شاطئ الاوركيدا وهل قال الله البسها الجلباب واغلق عليها الابواب ديننا دين رحمة ورافة الم تفهموا حتى الان عظمت وعمق هدا الدين دين يصلح لكل زمان ومكان اقسم ان الجلباب ليس بمقياس العفة و الاخلاق ساقول لك ما حدث معي الاسبوع الماصي بني الصغير دخلت يقرا فالجامع اقصد المسجد في طريق العودة وجدت متجلببة لا يظهر منها سوى الوجه في رايك واش دارت كل ماتشوف طفلة توقفها وتطلب منها قلم الكحل والمكياج بحجة انها رايحة تصور وخرجت مسرعة من البيت لكن كلامها كدب هي باش تضمن وقوف يماها وبابها لجنبها تلبس الجلباب ولا بلاك ضغط عليها وبرا تخدم رايها لي مايسحيش من ربي وعلاه يسحي من العبد لهدا اقول الاعتدال في كل شيئ وهدا يبقى رائ وانا مقتنعة به هكدا نربي في اولادي مانغلق عليهم ما نفتح لهم كل شي وربي يهدينا

[Davidcena]

انا لا اوافقك الراي
نحكي على روحي انا نحب نتزوج من المراة المتدينة المتحجبة.

[sonia.morchid]

ربي يرزقك ببنت لحلال والله العظيم غير رانا في كارثة عظمة كون تكمل لمرا الجزائرية بهداالانحطاط بداعي التطور والتحرر ربي يكتر من امثالكم وشكرا.

[فاطمة شلف]

السلام عليكم
اضم صوتي الى صوتك
يارجال مالي اراكم لدنيا تميل
غضوا من ابصاركم ولوا قليل
اخشى عليكم العقاب يوم الرحيل
لن تدوم الدنيا ولن تبقى طويل
الا تدرين باننا ضيوف يارجال
وماعلى الضيف الا الرحيل
شكرا لك على الموضوع الرائع

[محارب الحمق]

اللي حابة تستر روحها تستر على جال ربي ماش باش تتنزوج, ولا معني لامرأة تلبس حجابا فان هي لم تتزوج راودتها نفسها لنزعه والتبرج لتحصل على الرجل, هناك كثر من الرجال ممن يتزوجون المتبرجان ولكن ما اعرفه ان كل معارفي من المتدينين تزوجوا على الطريقة التقليدية او على الاقل تزوجوا متجلببات ومتحجبات, ولا يعجبن احد من زواج رجل بامرأة متبرجة, لان التطابق حاصل ووافق شن طبقة, وانا حقا اعجب لامركم, هل انتم في كامل قواكن العقلية يا فتيات ويا نساء؟ تراها تتجدث بالساعات مع صديقها او حبيبها في علاقة محرمة وعم يتحدثون؟ اجل يتحدثون عن الدين والاخلاق ههههه, تخدعون من ؟ الله ؟ ثم لما الرجل يقول انه يفضلها محجبة فهذا لا يعني شيئا لان هذا الرجل قد يكون افسق الخلق وأكذبهم, المتدينون حقيقة يستحيل ان يتزوجوا امرأة نالت منها اعين البشر

[ع.عيسى]

ختي اسمحيلي راكي غالطة ، بالنسبة لنوعية الرجال لي شفتيهم يمشوا مع نساوينهم بلباس فاضح هادوك يقولولهم الفرنكفونيون وليدات فرنسا وهم بنسبة 95 % من سكان العاصمة ، وبعض المدن الشمالية ، حابين بعودوا فرانسيس ، تقلهم السلام عليكم يضحكوا عليك بيك تهدر بالعربية ، عقدة النقص ، ارواحي للمدن الداخلية او الصحراوية ونتحداك اذا شفتي واحد يمشي مع مرتوا لو ختوا بلباس فاضح ،

[rose de sable s]

انت مخطا في هدا
في ولايات جنوبية و داخلية وصلتهم موضة و يعاندو سكان شمال
فمثلا الاغلب يصيفون في شمال ياتون بعاداتهم او انهم في ولايتهم يلبسون مستور وكي يروحو يصيفو تنزع حجاب او تلبس خمار مع سراول بقبةل من زوجها او ابوها
ورجل يريد دات دين وبنت فامليا ومن بعد يقللها نحكو في هاتف و نحرجو ووووو واين دينة وخلقه هو
تناقض كبير يستغل فتيات ثم يقصد امه ويقول لها احطبي لي
لكن الله يمهل ولا يهمل

[bounour21]

المشاركة الأصلية كتبت بواسطة ع.عيسى

ختي اسمحيلي راكي غالطة ، بالنسبة لنوعية الرجال لي شفتيهم يمشوا مع نساوينهم بلباس فاضح هادوك يقولولهم الفرنكفونيون وليدات فرنسا وهم بنسبة 95 % من سكان العاصمة ، وبعض المدن الشمالية ، حابين بعودوا فرانسيس ، تقلهم السلام عليكم يضحكوا عليك بيك تهدر بالعربية ، عقدة النقص ، ارواحي للمدن الداخلية او الصحراوية ونتحداك اذا شفتي واحد يمشي مع مرتوا لو ختوا بلباس فاضح ،

أه واش راك تهدر , 95% من سكان الشرق و العاصمة ؟ معريين , خاف ربي يا هذا

من قال , هلك الناس فهو أهلكهم , و من أنت حتى تحكم على جميع أهل الشرق ؟

الشر و العرا راهو حتى في الجنوب , أترمي سكان الشرق كاملا بالفسق .؟ سبحان الله

فأنا واحد من أهل الشرق و زوجتي ترتدي النقاب الشرعي الكامل { تربية و دين } , و الحمد لله

أظن أنت التي لديك عقدة من سكان الشرق خاطاك قاريين عليك ؟ أكيد ليس أظن . سبحان الله

[bounour21]

في أغلب حالات نشوز المرأة و إبتعادها عن الطريق الصواب , الخطأ من الرجل

فمن العائلة الخطأ من الأب و الأخ ,

وفي العائلة الصغيرة , الخطأ من الزوج

لو كان الرجل يقوم بدوره على أكمل وجه , لما حصل ما حصل

أما عن الموضوع , الرجل ألي يخلي مرتو معرية و يمشي بيها قدام الناس ,

يا إما , الرجل مغلوب على أمره , أو غدرة الموضة و التحضر لعبت به , يقول كيفها كيما لبنات , و هذا غباء

الحمد لله أنا زوجتي يوم أمرتها بالحجاب الكامل { من الأصل هي ترتدي الحجاب } , و تكلمت معها عن غطاء الوجه

أطاعتني بدون أي نقاش , و قالت لي كلمة أفتخر بها طول حياتي { طاعتي لربي أولى من طاعتك , و طاعتي لك طاعة لربي }

و لبست النقاب على الفور , الحمد لله , وعاتبوها الأقارب , لكن الحمد لله ثبتت و الأن أستكانو و رضوا كلهم

الحمد لله الذي بنعمته تتم الصالحات

[noordin noori]

المهم جسدها و ساي
مكانش لي عقليتها مليحة