|
|
|
|||||||
| قسم التفصيل و الخياطة ورشات - مجلات - ازياء |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الورشه الثانية و العِشْرٌون ....سطايفيه
 |
|
|
أدوات الموضوع | انواع عرض الموضوع |
2014-06-27, 21:43
|
رقم المشاركة : 1 | ||||
|
الورشه الثانية و العِشْرٌون ....سطايفيه
 السلام عليكم و رحمة الله كيف حالكم هيا اليوم نديرو ريشه سامبل راهي مافيها والو المودال عندنا هاو ليكم  كانت الاخت فيفي آرش تحوس على الباترون ووعدتها ندير ورشه لقماش ميطرتين ياسر و اللون المغاير 40سم تكفيك تطبقي لقماش نتاعك على ربعه و تحطي قياساتك  ضك ميش كل مره نقولو كيفاش نطبق لقماش و كيفاش نحطو القياسات و لي تقولي انا جديده و اول مره نشوف الموضوع نقولها اضربي طله على الورشات السابقه واكيد لي حابه تتعلم ماتقولش لالا اذن هانا كيفاش درنا الزياده لي عملتها في وسط الصدر خدمتها بلي كخو من بعد في لخياطه تفهميه  و الصدر كيما شفتي يتفصل وحدو انا طبقت قياساتي و دوبليتو معناها مسجف منو فيه فصلت ليمونش وحدهم و بديت نلصق الصدر خيطت من داخل و كرونتيت باش كي نقلب لخياطه ماجيش مشرشفه   من بعد نوزن الزيادات و نسرفل مليح  نروح للطرف التحتاني اول شي باش نتحصلو على لبلي حنا زدنا كلش وحد 12سم معناه لبلي الواحد فيه3سم نطبق الامام على ثنين و في النقطه لي حددناها ندير خياطه قيمة 13سم  و نطبق لبلي بالطريقه هاذي و نعاود نخيط من فوق و هاذا شكل لبلي كخو  وهكذا يبان لبلي من برا  خلصنا ضك نجمل الصدر مع لبدن اكيد نكونو حددنا النقاط نتاوعنا لي نبداو نلصقو فيهم ممكن تزيدي او تنقصي يفسدلك الموديل و نروحو نلصقو المونش و نديرو نقشات  هكذا يجيوك من برا  و كي تركبيهم اجملي الروبه نتاعك على الجيهتين نوليو للي مونش و هنا انا ركبت لاستيك في حواف المونش (خليت واحد سم) باش يجيوني بومبي   خلصنا نروحو للديكور انا ماحبيتش ندير الدواير لي في الموديل الاصلي شريت فراشات هاو ليكم  و حطيتهم برك ما تلصقيش و من بعد كل وحده وزعت ليزيستراس وراها و لصقتهم بالحديد يعني حطيتهم و فرشت عليهم طرف قماش و حددت لصقو    و من بعد ركبت الفراشات خاطر كون تركبيهم من قبل راح يتحرقو و يذوبو و خلصنا هاو الشكل النهائي   وااش فيفي جبتها ولا نون ؟؟! ان شاء الله تفهمو يا رب دعواتكم اختكم السطايفيه سلاام
|
||||
|
|
2014-06-27, 22:57
|
رقم المشاركة : 9 | |||
|
مشكوووورة سطايفية بارك الله فيك |
|||
|
|
|
2014-06-27, 23:26
|
رقم المشاركة : 10 | |||
|
باﻻك الله فيك و ربي يعطيك ما تتمناي |
|||
|
|
|
2014-06-27, 23:36
|
رقم المشاركة : 11 | |||
|
الله يبارك خمسة وخموس عليك ياالفحلة خياطتك هايلة |
|||
|
|
|
2014-06-28, 07:51
|
رقم المشاركة : 14 | |||
|
ديمة كي العادة ورشة خفيفة ضريفة وجت في وقتها مع رمضان وسخانة لكثرة هرج ولاحرج اللي يطبقها اكيد راح يدعيلك بالخير ياوجه الخير ربي يعطيك ماتتمني ويرحم والدك ويجعل اعمالك حسنة جارية لوالدك مبروك عليك رمضان تصوميه بصحة والهناء |
|||
|
|
|
| الكلمات الدلالية (Tags) |
| ....سطايفيه, الثانية, العِشْرٌون, الورشه |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
