الغيرة بين زوجات الاخوة

*سندوسة* · 2015-02-15, 10:50

يوجد في المجتمع الجزائري عائلات مزال محافظين على لمة العائلةالكبيرة بمعنى الاولاد المتزوجين يعيشو مع الوالدين

ربما يكونو ثلاثة واو اثنان اخوة يعيشو مع بعض

وهنا ربما ينتج مشكل وهو غيرة زوجاتهم من زوجات اخوتهم

وكل وحدة تتهرب من شغل الدار لاسباب كثيرة

وكاين غيرة من نوع اخر انه عندما تسمع وحدة ان الاخرى حامل هي تاني تحب تكون حامل بالإضافة الى مشاكل الخرجات هي خرجة وانا لا لا هي راحت لدارهم وانا لالا وامك قالتلي وطيحت من قيمتي قدام مرت خوك

واحيانا تكون اصطدامات كلامية او حتى مشاجرات
ومواجهات والحديييييييييث طويل واكيد كل واحد منكم ربما عاش او سمع مثل هاته الامور

في نظركم هل هاته الغيرة من حق الزوجة تغيرمن زوجة حماها؟

ومتى تتحول الى مشاكل عويصة يصعب السيطرة عليها؟

وهل ربما تؤدي هذه المشاكل الى طلاق او تفكك العائلة الكبيرة؟

وكيف يتصرف الزوج في مثل هذه المواقف مع زوجته ومع اسرته؟

وارجو ان تفيدونا بتجاربكم وارائكم

وشكرا لكم مسبقا

أم عابد · 2015-02-16, 10:54

السلام عليكم
موضوعك واقع معاش من طرف الكثير من العائلات الجزائرية
عندي ثلاث اخوال متزوجين في المنزل العائلي زوج خدامات و الثالثة كانت تخدم من راحت خطبتها جداتي قلقاتلها راني حابا انحبس صارحتها جداتي بانو سلافاتك خدامات و يمكن نقعدي في الدار و تندمي و لا تولي تغيري بحكم يخرجو كل يوم و يشرو واش يحبو بالراتب تاعهم رد العروس كان لا انا نقعد في داري و راضية
بعد ثلاث اشهر اة اكثر بقليل بدأت الحروب الباردة وحدا ما تشم لخرى و كل وحدى تشكي لجداتي و كل وحدة تحوس عجوزتها تدابز مع الاخرى
و في الاخير واحد خرج من الدار فهدأت الاجواء بل بالعكس و لات تجي تشوف سلافاتها توحشتهم و مام هوما متوحشينها
في الخلاصة متفهمي والو من هذي الغيرة ربي ستر كانت راه تخصر بين الاخوة
عذرا على الاطالة

*سندوسة* · 2015-02-16, 11:40

اقتباس:

المشاركة الأصلية كتبت بواسطة أم عابد

السلام عليكم
موضوعك واقع معاش من طرف الكثير من العائلات الجزائرية
عندي ثلاث اخوال متزوجين في المنزل العائلي زوج خدامات و الثالثة كانت تخدم من راحت خطبتها جداتي قلقاتلها راني حابا انحبس صارحتها جداتي بانو سلافاتك خدامات و يمكن نقعدي في الدار و تندمي و لا تولي تغيري بحكم يخرجو كل يوم و يشرو واش يحبو بالراتب تاعهم رد العروس كان لا انا نقعد في داري و راضية
بعد ثلاث اشهر اة اكثر بقليل بدأت الحروب الباردة وحدا ما تشم لخرى و كل وحدى تشكي لجداتي و كل وحدة تحوس عجوزتها تدابز مع الاخرى
و في الاخير واحد خرج من الدار فهدأت الاجواء بل بالعكس و لات تجي تشوف سلافاتها توحشتهم و مام هوما متوحشينها
في الخلاصة متفهمي والو من هذي الغيرة ربي ستر كانت راه تخصر بين الاخوة
عذرا على الاطالة

وعليكم السلام ورحمة الله وبركاته

اهلا بك اختي

انا تاني عندي زوجات خوالي بعاد على بعضاهم وكاين وحدة تسكن مع جداتي والله تحيري فيهم يتبادلو القصف والقذائف ارض جو من يبوتهم لبيت جدي هههه

وكل مرة فيه ضحايا

وكي يتلاقاو مرات متحابين ومرات متلاومين هههه
الله يهديهم ويهدينا

وربي يصلح الاحوال

شكرا لمرورك اختي

knives66 · 2015-02-16, 13:57

جياحة لا معني لها غيرة بدون سببب نساء تافهات يخربوا بيوتهم بيدهم

أمور تشوفها غير عدنا حنا عرب

*سندوسة* · 2015-02-16, 14:09

اقتباس:

المشاركة الأصلية كتبت بواسطة knives66

جياحة لا معني لها غيرة بدون سببب نساء تافهات يخربوا بيوتهم بيدهم

أمور تشوفها غير عدنا حنا عرب

اكيد والله نساء مثل هادو يليقلهم الصرامة من طرف الرجل

لازم الراجل يفرض نفسو في مثل هذه الامور ولا يترك فجوة المشاكل والغيرة تتسع

شكرا لك اخي

shiraz80 · 2015-02-16, 17:01

من اﻷحسن يكون كل واحدة في بيت مستقل هكذا ما يتكسرش لقدر (واقع معاش سقسي لمجرب )

*سندوسة* · 2015-02-16, 17:49

اقتباس:

المشاركة الأصلية كتبت بواسطة shiraz80

من اﻷحسن يكون كل واحدة في بيت مستقل هكذا ما يتكسرش لقدر (واقع معاش سقسي لمجرب )

الله يجيب لخير

شكرا اختي

عائشة 88 · 2015-02-16, 18:52

صح هي كاين منها من الاحسن كل وحدة تهتم بنفسها وزوجها احسن تبقى تعس فالناس واش دارو واش لبسو وين خرجو الله يهدي ومن الاحسن كل وحدة بيتها المستقل هكذا متصراش المشاكل

*سندوسة* · 2015-02-16, 19:27

اقتباس:

المشاركة الأصلية كتبت بواسطة arbaouisadouda1987

صح هي كاين منها من الاحسن كل وحدة تهتم بنفسها وزوجها احسن تبقى تعس فالناس واش دارو واش لبسو وين خرجو الله يهدي ومن الاحسن كل وحدة بيتها المستقل هكذا متصراش المشاكل

كلامك صح
بصح حنا بغينا حلاوة اللمة مع الاسرة لكبيرة

شكرا الك اختي وبارك الله فيك

عائشة 88 · 2015-02-16, 20:03

اقتباس:

المشاركة الأصلية كتبت بواسطة yasmin2013

كلامك صح
بصح حنا بغينا حلاوة اللمة مع الاسرة لكبيرة

شكرا الك اختي وبارك الله فيك

نعم اختي راني معاك بصح في وقتنا هذا مشكيتش بقات جملة بكري صح كانت الجونة والتفاهم يا حصراه والله توحشنا هذيك اللمة دوك من نهرو اللول يدير دار لوكان يكري ودار باباه تسكن جيش تصيبي 3 طوابق كامل فارغين انا عن نفسي اجتماعية ونحب اللمة خاصة في المناسبات الاعياد { اسمحيلي بالك خرجت على موضوعك

*سندوسة* · 2015-02-16, 22:37

اقتباس:

المشاركة الأصلية كتبت بواسطة arbaouisadouda1987

نعم اختي راني معاك بصح في وقتنا هذا مشكيتش بقات جملة بكري صح كانت الجونة والتفاهم يا حصراه والله توحشنا هذيك اللمة دوك من نهرو اللول يدير دار لوكان يكري ودار باباه تسكن جيش تصيبي 3 طوابق كامل فارغين انا عن نفسي اجتماعية ونحب اللمة خاصة في المناسبات الاعياد { اسمحيلي بالك خرجت على موضوعك

لالا اختي خودي راحتك واكيد نقاشنا رايح يفيد بزاف لبنات

ان شاء الله كل وحدة تتخلص من الامور السلبية وتحاول تعيش حياتها مع زوجها بالقناعة والرضى وطيب المعاملة