تشاراك معسل من مطبخي ممممممممممم

بريق الامل& · 2013-05-21, 22:29

البسملة1
سلام يا بنات هذا وين كملت هذ التشاراك لمعسل كما نتوما وحبيتكم تشاركوني فيه
طبعا درتو بالعجينة السحري وعبرت كونتيتي صغيرة جاني 18 حبة ما صغيرة ما كبيرة تحمر الوجه قدام ضيوفك
كيلة زيت كيلة حليب سائل استعملت تاع الغبرة نيسبراي وثقلتو شوية
كيلة زبدة ذايبة وباردة
قرصة ملح
مركز زهر البرتقال درت مغرف كبيرة ممكن ديري اقل
كيلت بفنجان قهوة صغير اظيفي الفرينة و العجينة تطون رخوة
اذا حبيتيه بلا عسل يولي تشاراك عريان زيديلو نص كيلة سكر قلاسي في العجينة وكي يطيب رشة سكر مممممممممم فقط
واذا حبيتيه معسل كما عملت انا لا نظيف السكر للعجينة ويتعسل بعد ما يطيب اوك
الحشو درت لوز وممكن اديرو كوكاو مع قشور حبة قارص وفاني ورشة صغيرة قرفة ممكن الاستغناء انا ما نحبهاش لكن زوجي قالي ديريهلي بالقرفة
ورشي بماء الزهر كما حشو البقلاوة
شغل تفتلي يجي شبه متناثر
اليكم الصور
هاهي العجينة

وهاهو الحشو

تاخذي شوية من العجين تبسطيه حطي الحشو

امسحي الوجه بالبانسو ببياض البيض وانثري وحاولي تلصقي الوز ايفيلي

ها هو عطر زهر البرتقال نكهة ولا اروع راها الدار تعبق بريحته

او في يدك ادهنيها ولصقي اللوز ايفيلي ها هي

حطيهم في بلا غير مدهون

سخني الفرن وطيبيه من تحت وحمريه شوية من فوق
وكل حبة فرغي عليها شوية عسل قيس مغرف كبيرة هك

رشيه بالمصفاة بسكر قلاسي رشة خفيفة او تستغناي عليها كما تحبي واذا تشاراك عريان ما يتعسلش ويترش بالسكر
وكاين حبات طيبتهم بلا لوز ايفيلي وما دهنتهمش ودرتهم تشاراك مسكر غطستهم في ماء ورد وسكر قلاسي مرتين ممممممممممم
اليكم الصور تمتعو وطبقو وشاركو هههههههههههه

جربوه يجي هشيش يذوب في الفم واكيد تولو تعتمدو هذ العجينة السحرية صح تشرب الماء الزهر والعسل تقول اسفنجة و تقول مقروط اللوز ممممممممممممم
نتمنى يعجبكم وتدعولي ربي يرزقني ذرية صالحة

nina tlemcen · 2013-05-21, 22:37

super merci beaucoup

ساندي 28 · 2013-05-21, 22:46

يعطيك الصحه بروقتي يهبل وهادي عجينه فعلا سحريه يجي يذوب في الفم
مواضيعك كلها رائعه ومنتقاة بدقه
ربي يرزقك باولاد صالحين تفرحي بيهم ويفرحو بيك وتطيبيلهم وتشهيهم في اكلك اللذيذ عزيزتي

scorpionoir · 2013-05-21, 22:56

اكيد من يديك روعة درتيلي الكوراج نجربو .عمري لا درتو صح
تسلميييييييييييييييييييي
ربي يرزقك الذرية الصالحة ويعطيك ما تتمناي

لمسة حنية · 2013-05-21, 23:45

رووووووووووووووووووعة بروقة ماشاء الله
هااايل ومبدعة عكلعادة يعطيك الصحة تشهي حلوياتك
ربي يرزقك اولاد صالحين يارب

درة بيتي · 2013-05-22, 00:42

إمممممممم صار درتيه بالعجينة السحرية والله غبر سخفتيني كي زدت شفت المراحل لوكان مانيش مسافرة كنت درته أول مانرجع إن شاء الله نطبقه

om anous · 2013-05-22, 03:28

انا جربتو مسكر جا راااائع والعجينة السحرية لا يعلى عليها ان شاء الله نجربو معسل قريبا
بارك الله فيك

أم ياسين الزهراء · 2013-05-22, 07:36

واووووووووووو بروقة وليدي الصغير هبلني بيه ان شاء الله اليوم نديرو خرجلك روعة يعطيك الصحة

ربي يرزقك بالدرية الصالحة

omanis · 2013-05-22, 08:16

اختي رراني دعيتلكم كامل ش في موضوعي و قولي امين

https://www.djelfa.info/vb/showthread.php?t=1303533

بالنسبة للقاطو راهو يهبل ما شاء الله و حبيت نديرو بصح انا موالفة ندير البيض في العجينة ممكن ندير و لا نستغنى عليها في هد الوصفة و بالنسبة للعحينة السحرية ممكن نديركاس حليب عادي
الف شكر على الوصفة

~ميسون الجزائرية~ · 2013-05-22, 08:20

شكلها لذيذة
ماشاء الله عليك
اختي بريق الامل

*بيتي مملكتي* · 2013-05-22, 08:51

الله يبارك بروقة هااااااااااااااااايل يعطيك الصحة تسمى من نفس العجينة درتيه معسل و مرشوش بالسكر و مرغد في السكر ؟؟؟؟

يعطيك الصحة حنونة

بريق الامل& · 2013-05-22, 08:52

اقتباس:

المشاركة الأصلية كتبت بواسطة omanis

اختي رراني دعيتلكم كامل ش في موضوعي و قولي امين

https://www.djelfa.info/vb/showthread.php?t=1303533

بالنسبة للقاطو راهو يهبل ما شاء الله و حبيت نديرو بصح انا موالفة ندير البيض في العجينة ممكن ندير و لا نستغنى عليها في هد الوصفة و بالنسبة للعحينة السحرية ممكن نديركاس حليب عادي
الف شكر على الوصفة

لالا ما فيهاش البيض وممكن حليب عادي
وشكرا على الدعاء الهم امييييييييييييييين

*رفيقة الدرب* · 2013-05-22, 08:56

مااااا شااااااااااااء الللللللللللله

SAMAH SAMAH · 2013-05-22, 09:14

تسلم على الموضوع
جزاك الله خيرا
وجعلة فى ميزان حسناتك

الأمنيات · 2013-05-22, 09:21