الباك قرب والخوف يزيد عندي

[Hamza touazi05521763]

راني عيان بزاف مزال مكملتش الحفيظة ومرانيش مستقر فالمنهجية الخدمة اعيي الراس وزيد تقرا فالليل والله عييت حلمي برك نجيبو مي المورال راهو يزيد يطيح يوميا

[Hamza touazi05521763]

باش تقرا وحدك ليبر واله صعيب واول مرة لازم تكون فارغ شغل

[شذا العطور15]

عندك الحق عندما تقرأ ليبر تكون صعيبة .
مي أقرأ وتوكل ع الله ودع الخوف جانبا.

إنشاء الله يارب يتحقق حلمك ونسمع بنجاحك


إذا كنت علمي هذا الموقع يساعدك في فهم الدروس
baclibre.ma

[سهيلة جنا]

اهلا اخي حمزة علاش راك خايف كامل مزال مكملناش لحفيضة انبلوس ديسا مزال 3اشهر مزال الخير القدام متخافش خويا مزال الحال ميجي يقرب الباك نكون مكملين كلش ان شاء الله لا داعي للخوف وخلي المورال نتاعك يطلع وربي ميكون معاه غير الخير بتوفيق اخي الكريم وان شاء الله حلمك يتحقق وكامل حلم طالب بكلوريا يتحقق بتوفيق اخي

[swizzor]

شوف يا السي حمزة ما تغلط روحك ما والو !! قلال الليسيات اللي فيهم أساتذة ملاح !! معظم الأساتذة الملاح ما يقروش في الليسي إلا من رحم الرب ! أنا نقرى في الليسي بالصح من نوفمبر ما زدتش رحت مالا ما تخلطها على روحك ما تقول أواه مارانيش ف ليسي دونك صعيبة
بالعكس هكذا عندك كل الوقت للتطبيق و واحد ما يسطرلك البرنامج نتاعك نتا تقرى كيما تحب كاينة حاجة برك أعطي للقراية كل الوقت خاصة في هاذ الأشهر الأخيرة !! خصص هاذ الأسبوعين للحفاظة خلصها قبل 15 مارس و تشوف كيفاش تحس روحك مرتاح في المواد المتبقية !!

[hicham_boss13]

شوف أخي كامل رانا كيما هاك مي أتكل على ربي ماتسمعش لناس بزاف شوف أنت واش يناسبك سيرتو تاع أخفظ فالليل وا حد أحفظ فنهار لالالا دير واش يناس و ربي معاك سلام

[Hamza touazi05521763]

بارك الله فيكم خاوتي زعما نقدرو نكملو الحفاظة هادو الايام والله معلابالي انا اداب وفلسفة والشيئ اللي يعيقني هو الخدمة اخدة كل وقتي لانو انا نخدم

[سهيلة جنا]

حتا حنا ادبيين وانا نضامية بصح مرانيش نروح نقرى غير من داك راني قاعدة في دار وراني نحفض براحتي ومتاكدة ان شاء الله رايحين نكملو لحفاضة متخافش خويا حمزة خصص الوقت للخدمة وقت للقراية

[يونس ش]

مرحبا أخي حمزة الخوف أمر عادي لكن لا تدعه يسيطر عليك وعلى تفكيرك

إياك والاستسلام لأن لكل مشكلة حل

ولا تقل أنا أعمل والأمر أصعب على بل توكل على الله واجتهد

وتذكر أن الاجتهاد والمثابرة والاستمرار تتغلب على العبقرية

انزع عن رأسك كل الأفكار السلبية وتذكر أنك لن تخسر شيئا

حتى وان كنت تعمل نهارا فهذا لن يعيقك لأن طموحك أقوى

فكر فقط بإيجابية حتى ولو كنت تحفظ القليل المهم الاستمرار بخطوات ثابثة

أعرف شخصا يدرس سنة رابعة طب في العاصمة العام الماضي أعاد البكالوريا حر شعبة أداب وفلسفة مع أنه نسي الدروس الأدبية كليا لكنه كان يحفظ القليل باستمرار وعند ليلة البكالوريا أعاد مراجعة ما حفظه وذهب للامتحان دون عقدة أو خوف وفي الأخير نجح بمعدل 12
ولا تسألني لماذا أعاد البكالوريا لأنه اشتاق الى الأجواء فقط والآن يدرس سنة خامسة

وفقك الله لا لليأس

[أم أسيل الاثرية]

انا تاني حرة واول مرة مي ماتخافوش احفظو برك

[sali-sali]

الباك مش صعيب

امتحان و راك تفوت فيه
عااااااادي
اقرا مليح....وافهم كترمن لي تحفظ

ربي يوفقك

[Hamza touazi05521763]

يونس كلامك بزاف هايل خويا الغالي رفعلي معنوياتي وسهيلة الله يعطيكم متتمناو خاوتي في الله

[ايمان1994]

انا تاني راني خايفة بزاف مزال كامل مابديتش الحفط يا خواتي والله ماحبت تدخل راسي قولولي الحل كيفاش اندير وسورتو العلوم الاسلامية هبلتني



والله راني خايف الباك قرب ماقعد والو

القاولي الحل باك نجيب الباك ونفرح ماما

[سهيلة جنا]

المشاركة الأصلية كتبت بواسطة ايمان1994

انا تاني راني خايفة بزاف مزال كامل مابديتش الحفط يا خواتي والله ماحبت تدخل راسي قولولي الحل كيفاش اندير وسورتو العلوم الاسلامية هبلتني



والله راني خايف الباك قرب ماقعد والو

القاولي الحل باك نجيب الباك ونفرح ماما

ختي ايمان يعطيك الربح ان شاء الله اسهل المواد شريعة بصح معليك غير ديري القلب وتركزي شوي والله غير تكمليها في سمانة متخافي ما والو شريعة ساهلة بزاف تكلي على ربي وحفضيها وربي يسهلك ان شاء اللهبتوفيق اختي في الله

[ايمان1994]

المشاركة الأصلية كتبت بواسطة سهيلة جنا

ختي ايمان يعطيك الربح ان شاء الله اسهل المواد شريعة بصح معليك غير ديري القلب وتركزي شوي والله غير تكمليها في سمانة متخافي ما والو شريعة ساهلة بزاف تكلي على ربي وحفضيها وربي يسهلك ان شاء اللهبتوفيق اختي في الله

ههههههههههههه شكرا لك انشاء الله ربي يوفقنا وانشاء الله نقدر نحفظها