الشريد

[حورية تو]

يتيم وزادولو الناس
في حياتو ما كان لباس
أنت تنوض بكري
تروح تخدم تجري
و أنت مهني
الفطور على المايدة
والدفا والعايلة وكلش زاهي
تمرض عندك خوك وامك وبوك الباهي
وهو شكون بيه لاهي
دمعو على خدو جاري
لا فطور غير من حن عليه
بخبزة وحليب دافي
بردان ..مرضان والرجل الحافي
إيلا مرض ربي هو الشافي
يمشي والحزن على وجهو بادي
الناس تهرب منو تقول عليه مرض يعدي
والله يهدي
لي جابوه وراهم خلفوه
حرموه من الدنيا وحطموه
وهو مسكين يحلم بأمو وبوه
وينظر مع الوجوه
بلاك يلقا لشكون يشبهوه
ما قرا ما تعلم يحلم
يدير دار ويكونو عندو صغار
وهو مين ما يروح يشوفوه ذنب وعار
ويا ربي الستار
حنن عليه القلوب
ورزقو من رزقك ما يخفا عليك خير
ولا ذنوب
وعلينا يا ربي توب....
حورية