أروع تارت بالتمر(الغرس) جربوه رائع

*زهرة اللوتس* · 2013-09-27, 17:59

السلام على أحلى بنات و أحلى منتدى بما أني من عشاق الحلويات بالتمر خممت البارح في تارت يكون بالتمر حوست شوية في عمي قوقل ما لقيتش بزاف و ثاني الأكثرية بالعجينة الصابلي و انا ماش هاذي هي اللي تشهيتها في راسي و بعد ما شفت البعض منهم جمعت شوية أفكار و خدمت هاذ لاتارت الموجودة غير في راسي , كثرت الهدرة علابالي هاي ليكم بسيطة للغاااااية كاس حليب/كاس غرس أو حوالي 200غ / ملعقة صغيرة بيكاربونات/و للخليط الثاني 3بيضات/ أقل من نصف كاس سكرعادي/ربع كاس زيت/كاس ونصف فرينة/باكي خميرة /قرفة أو فاني او الإثنين
حطي كاس حليب مع كاس غرس مرحي على النار و خلطي حتى يذوب التمر

نحيهم من على النار و زيديلهم ملعقة صغيرة مش معمرة بزاف بيكاربونات الصودا راح يولي الخليط كيما الرغوة

خليهم على جهة يبردو شوية و روحي للخليط الثاني
3بيضات تضربيهم مع أقل بقليل من نصف الكاس سكر عادي و شوية لفاني أو قرفة كيما تحبي ضربي مليح كيما كي ديري موسكوتشو حتى يبياض الخليط و زيديلهم ربع كاس زيت و خلطي مليح و زيدي كاس و نصف كاس فرينة مخلطة مع باكي خميرة بكميات صغيرة و في الأخير زيديلهم الخليط الأول تاع الحليب و التمر....يجيك خليط كيما تاع الجينواز وكاين اللي يزيدلها شوية جوز مدشش تجي اكيد اروع

طيبيه على 170 درجة أو كيما موالفة طيبي المسكوتشو تاعك و كي تطيب زينيها كيما تحبي بوردات من الشانتيي أو حبات جوز او مكسرات أو بقطع تمرأو فقط سكر قلاسي كيما درت أنا

جربوها راااااائعة و خفيييييفة نظن بسبب البيكاربونات جربوها و ردولي بالخبر

2013-09-27, 18:08

رااااااااااااائعة رااااااااااائعة والله فووووووووور سلمت الايادي

staifia · 2013-09-27, 18:09

امممممممممممممممممممممممم تهبل تقتل رووووووووووووعة
يسلمو ع الوصفة ,,, عن قريب ان شاء الله نجربهاااا

الأمنيات · 2013-09-27, 18:25

يعطيك الصحة اختي نظن الاخت صوامعية دايره وحده كيفها

*زهرة اللوتس* · 2013-09-27, 18:50

اقتباس:

المشاركة الأصلية كتبت بواسطة الأمنيات

يعطيك الصحة اختي نظن الاخت صوامعية دايره وحده كيفها

انا هاذ التارت و الله درتو من راسي بعد ما جمعت الأفكار من قوقل بصح تارت الصوامعية عمري ما شفتها حتى كي درت البحث في قوقل ما خرجتليش...........راني ضربت طلة عليها ضرك و لقيتها مختلفة تماما على اللي كتبتها انا.....على كل مشكورة اختي الصوامعية و انا متأكدة باللي حطيتها تجي أخف لأنها بالزيت و المقادير و الطريقة مختلفين تماما

*عاشقة الجنة* · 2013-09-27, 19:36

مرسي حبووووووووووبة

شكلها شهاني مممممممممم

lahna moka · 2013-09-27, 20:03

مممممم هايلة يعطيك الصحة حبوبة

زمن غريب لا أفهمه · 2013-09-27, 20:51

السلام عليكم فحلات المنتدى وفحلة هادي الصفحة نادية هههههههههه
المهم كيما قتلك راهي باينة خفيفة ومافيهاش بزاف المكونات والمراحل يعني اقتصادية في الوقت وفي الجيب هههه انا نحب المسكوتة مانحبش البسبوسة وديما ندير تاع زيت بصح نتاعك تختلف وقالك خالف تعرف ياك ايا نبدل شوية هاد المرة ... المهم (رقم 2 ههههههههههه) انا كي نشوف حاجة ساهلة هكدا نديرها ومانرتبكش نوعدك كي نشري الغرس ولا حتى التمر نجربها .......... مشكورة عل الموضوع حبيبتي

أم ريمة* · 2013-09-27, 21:58

ما شاء الله خفيفة ومغذية بوريكتى بنيتى

oum ibrahim · 2013-09-28, 09:46

رووووووووعة يا نادية سخفتيني نجربها ان شاء الله يعطيك الصحة على الوصفة

أم محمد تاج · 2013-09-28, 10:23

مممممممممممممممممممم ندوووش يعطيك الصحة حنونة وجاري التجريب نشالله

samasem 2 · 2013-09-28, 13:31

روووووووووووووووووعة

ام وائل فخر الدين · 2013-09-28, 14:35

راهي تبان هاااااااااااااااااااااايلة و خففففففففففففففففففففففففيفة انشاء الله كي نجربها نردلك الخبر

ام فردوس وخلود · 2013-09-28, 15:03

الله اعطيك الصحة

*زهرة اللوتس* · 2013-09-28, 16:34

واااااو مانيش مصدقة موااااااااااااااح ليكم يا أحلى مشرفات يا رائعات ألف ألف ألف شكر يا غاليات ان شاء الله يجربوها أخواتي الحبيبات و تعجبهم و راني متأكدة باللي راح يعاودو و يعاودو يديروها’, جوزيتن الجنة أنتن قدوتي طيبة و شطارة و كرم و حنية و أخلاق و التزام و رقي ماشاء الله .....فرحتوني كان المورال هابط biiiiiiiig bousssaaaaaaa ليكم