les beignets خفاف هايلين

[imanaz]

السلام عليكم و رحمة الله و بركاته[center][/center
اليوم نضت صباح و عولت اندير لي بينيي درت واحد الوصفة من سيت مغربي راهم طابو و خرجوا هايلين حبيت نحطها باش نستفادو كامل و ان شاء الله تعجبكم و الان مع المقادير:

250 غ فرينة
قرصة ملح
01 ملعقة كبيرة خميرة
02 ملاعق ك سكر
02 ملاعق ك حليب بودرة
03 ملاعق ك زيت
حبة بيض
زاست تاع القارص

خلطي كل هذه المكونات ثم زيدي 02 ملاعق كبار تاع ماء الزهر و جمعي الكل بالماء الدافئ .

اعجنيها و خليها تخمر .

حلي العجينة و ديري دوائر خليهم اخمروا ثم اقليهم وديريهم في السكر .

انا حليتهم في الوسط و درتلهم المعجون .

ملاحظة: اللي ما عندهاش حليب بودرة تجمع العجينة بالحليب الدافئ.

نتمنى تعجبكم و تجربوها ان شاء الله.