اخر النكت الجزائرية لشهر أوت 2011

¨°o.رغـ{د الاسلامـ .o°¨ · 2011-08-17, 11:36

السلاإم علييكم ~

-طفل صغيريغني فالكار
و يقول إذا كانت أمي حلوا و بابا حلو
نطلع عسل
إذا كانت أمي
فـَرَس وبابا حصان نطلع مهر
تقلق السائق وقالو
لو كان يماك حمارة و باباك حمار واش
تطلع ؟

قالو نطلع شوفور تاع كار

******************************

2-مزطول شاف وحدة ماشي شابة : قاللها

ماشي شابة ماشي شابة

قاتلو :

مزطول مزطول

قاللها : غدوى نصحى وأنت

**********************

3-قالك خطرة سبع و نمر و ذيب و ثعلب و فار تبحرو في غابة

قال الذيب : يا جماعة جعنا .. رد الثعلب : واش رايكم كون ناكلو اضعف واحد فينا ,,,

تنيرفا الفار و قال :

والله لي يمس السبع نتقبلو عينيه يا الحقارين

*****************

4-قالك واحد مزطول تلاقا مع امام فالسبيطار

قالو: ياك غير الخير شيخ؟

رد الامام و قالو: خير يا وليدي جاي نحلل السكر

.المزطول قالو: ياك السكر حلال من بكري حللناالزطلة ياشيخ

********************

5-قالك واحد الطفل صغير دايمن يدير يديه في نيفو

، قالتلو يماه تزيد ادير يديك في نيفك

تكبر كرشك بزاف، واحد المرة ركب في الكار

شاف واحدو المرأة بالكرش بقا يشوف فيها

و يضحك ، المرأة تقلقت و سقساتو:

علاه راك تضحك عليا؟ قالها:.

علابالي واش درتي باش كبرت كرشك

********************

6-.قالك واحد كان قاعد في القهوة ناض قالهم اللي يخاف مرتو يولي لور

قاع ناضو غير واحد

قالولو نتا ما تخفش من مرتك

قالهم .قاتلي اقعد في القهوة ما تتحركش

*********************

7-قالك خطرة عجوزة ركبت الحافلة أيا معا الطريق والزحام السائق كلاكصونا

طيييط طيييط طيييط طيييط!!

لعجوز طاحتلها دمعة بدات تبكي سقساتها لي قدامها

مالك تبكي؟

ردت عليها

تفكرت حزقة المرحوم

***************

8-قالك خطرة حكموا حراقة في الخارج ..

او بداو يقلبو فيهم

..لقاو في وسطهم واحد جزائري لقاووو عندواا كلش ..

كي الباسبور كي الفيزا والاوراق حاجة ما تخصوا...

قالولو نتا علاه راك حارق..قاللهم:

العادات و التقاليد.....!!!!

*******************

9-قالك معلمة في الابتدائى

تقول لوحد التلميد

أعطيني القلم ديالك نعطيلك بوسة

قالها : ادّي المقلمة كلها و أرواحي معايا للدار

******************

10-رجل مسيحي دخل مسجد و معاه سكين و قال:شكون فيكم مسلم ؟

واحد ما رد عليه إلا واحد شجاع قاله: أنا مسلم

أخذه خارج المسجد و قاله : عندي خروف حبيت تذبحه

......

و تسلخه على الطريقة الإسلامية.

قال المسلم : أنا أعرف أّذبح لكن شوف واحد اخر يسلخه

دخل المسيحي المسجد و السكين كله دم من الخروف

و قال : شكون مسلم ايضا ؟

أشروا المصلين على الإمام

رد الإمام عليهم: ' واش ؟ مليحة هذي صليت بيكم

ركعتين رجعتوني مسلم

**********************

درك خلاص مانزيدكمش

المهم ردود مشجعة

والسلام عليكم