زيني عالمك بشرائط الساتان **الدرس الاول: صنع حامل اكياس**

fifiarch · 2015-05-06, 22:39

مسااااء الخير والفل والياسمين اخواتي

نلتقـــــــــــــــــــــــــــــــــي لنرتقـــــــــــــــــــــــــــي

كعادتنا وفي هذا الصرح الكريم......نكون اسرة واحدة ......تنبادل الخبرات والابداعات

نتمناها دورة خير وتعلم وفائدة للجميع ان شاء الله

الدورة ستكون عبارة عن مجموعة دروس لا يتعدى مداها الشهر ان شاء الله

الدروس تكون اسبوعية ومع نهاية كل اسبوع نستمتع باعمالكن ويتم تقييمها من طرف الاستاذة

هكذا ترى الاستاذة نتيجة جهدها وتكون فيه منافسة بين المشتركات

اولا ارحب بكل من سجلت اسمها معنا فكلكن مشتركات....والمجال مفتوح لكل من ترغب الالتحاق بنا حتى ولو وصلت متاخرة

هدفنا التعلم والفائدة وان لا تحرم اي واحدة رغبت التعلم

والان احاول ان اضع بين ايديكم اهم الادوات المستخدمة في الطرز بالشرائط

*
*
*

الشرائط....على اختلاف احجامها والوانها....طبعا كل عمل راح نذكرو نوع الشرائط اللازم استعمالو فيه

مقص....بريكة...طارة او قرقاف....ابرة خاصة بالطرز يسموها الكوبرا متوفيرة في جميع محلات لوازم الخياطة.......خيط للخياطة عادي....خيط حرير يستعمل عادة في طرز الاغصان.....دبابيس.....عقاش للتزيين

*
*
*
*

والان على بركة الله نبدا درسنا

الدرس الاول

انجاز حامل اكياس بلاستيكية

استاذتنا في هاذ الدورة ستكون الراقية والمبدعة دوما في هذا المجال

kika85

تمنياتنا لها بدوام الصحة والعافية.....وفقها الله لما يحبه ويرضاه ...واعطاها من خيره كما كانت دوما تجود

والان الخط للاستاذة

اليوم رايحين نبداو اول درس مع بعض...رايحين نعملو مع بعض كيس نلمو فيه الاكياس البلاستيكية خاصة راه جاي رمضان فقلت نجددو شوي في الكوزينة ديالنا
ناخدو قماش احمر نقصو اربع دوائر ثم كل دائرة على زوج نتحصلو على ثمانية انصاف دوائر...
نقصو من قماش اخضر او حاشية خضراء عريضة الاوراق على الشكل الي في الصورة

من بعد كل نصف دائرة نخيطوه بهاد الطريقة ونعمروه بلاوات ونكمشوه من فوق

حتى نتحصل على هاد الشكل

من بعد بالخيط الاسود والابرة ندير في كامل حبة الفراز نقاط متل حبات الفراز الحقيقية ونلصقو من فوق الورق الي قصصناهم من القماش الاخضر
من بعد ناخدو كوردون اي لون ما يهمش نغلفوه كامل بالحاشية خضراء عرض 1 سم طبعا باستعمال البيسطولي

نشكلو بيه الاغصان

والاوراق نخدمهم بهاد الطريقة باستعمال الحاشية الخضراء عرض 1/2 سم

***********

الان نروحو لفيفي

كان عملت فيديو من مدة في دورتنا السابقة للطرز بالشرائط وفيه طريقة عمل الاوراق وحملته على اليوتيب للاسف لا يظهر رابطه هنا بالمنتدى ماعليكم سوى الذهاب الى اليوتيب والكتابة في صفحة البحث طريقة طرز الاوراق وراح يظهرلكم ان شاء الله نتمنى يفيدكم

*********

هنا بعد ما لصقت الاغصان وخدمت الاوراق وزدت حبيبات عقاش باللون الاحمر ولصقت حبات الفراز تحصلت على هاد الشكل

بالنسبة للي رايحين يخدمو اول مرة هاد الفن نوريلكم كيفاش تركبو الحاشية في الابرة الخاصة بيها...الصور كنت حطيتهم في دورة ملكة الفنون
دخلو طرف الحاشية في الثقب ثم نفس هاداك الثقب دخلوه في راس الابرة واجبدو الطرف التاني للتحت كيما مبين في الصورة بالسهم الاصفر

[]

هنا اخواتي ينتهي شرح استاذتنا لهاذ الدرس....نتمنى تكون كل الامور واضحة....وطبعا اي استفسار تستطعن طرحه وسيتم الاجابة عنه ان شاء الله

وحتى تكون الامور اكثر وضوحا نستطيع الاستعانة بشرح مبدعتنا دايما غاليتنا ام حمزة والتي وضعت الشرح المفصل لطريقة خياطة حامل الاكياس في هذا الموضوع الخاص بطقم مطبخ متكامل

https://www.djelfa.info/vb/showthread.php?t=1741567

اولا هذا الباترون

وهنا المرحلة اتسلفناها من عند ام حمزة بارك الله فيها

نتمنى لكن تطبيق طيب ونشوفو ابداعكن

ملاااحظة

ممكن للاخوات الاعتماد على نفس عناصر الدرس وانجاز اي عمل اخر غير حاملة الاكياس

ترسل الاعمال عن طريق الخاص للاخت fifiarch قبل يوم الاربعاء 13/05/2015 على الساعة 15.00 ان شاء الله

تمناااتي بالتوفيق للجميع

نور الإسلام26 · 2015-05-06, 23:57

سلام عليكي
اختي فيفي انشاء الله
تكوني بخيرا على بركت الله بتوغيق
للجميع

ملعقة · 2015-05-07, 00:16

شكرا لكي اختي عللا هذه الدورة.انا راني حابة نتعلم شفت الدورات لكن ميطلعوليش الصور باش توضحلي الطريقة.ممكن تفيديني اختي وانشاء الله تكون في ميزان حسناتك.

أم محمدين · 2015-05-07, 00:38

السلام عليكم
شكرا لك اختي على هذا الدرس
قوليلي الدوائر شحال قطرها
ممكن تفيدينا كيفاش يتخيط الكيس بالصور و شكرا لك

أم محمدين · 2015-05-07, 00:40

الرابط ماحبش يمشي

ملعقة · 2015-05-07, 00:49

نفس المشكل اختي.

فراشات العمر · 2015-05-07, 09:33

السلام عليكم
نفس المشكل لو سمحتي تعدلي لنا الرابط وشكرا مسبقا

ام حمزة22 · 2015-05-07, 17:19

السلام عليكم
ان شاء الله تكونوا كاااااامل بالف خييييييير
غاليتي فيفي يعطيك الصحة مرة تانية على هاده الدورة بارك الله فيك

كما اشكر استادتنا المتالقة كيكا يعطيك الصحة على هاد الدرس ربي يحفضك ويحميك بصح واش نقلك انا هبلتني هديك الفريزة راهي حابة تنطق
عندي استفسار عن الفريزة استادة انت بينتي كيف نخيط من جيها الحبة نتاع الفريزة وقلتي نعمرها بلاوات ونكمشها حبيت نعرف واش من جيها نكمشها هل لي راهي مبينا فالصورة ولا الجيهة المقابلة راني حابة تخرجلي متل الفريزة نتاعك لي داتلي عقلي ههههههه
شكرا مسبقا
تحياتي للجميع
بالتوفيييييييق

أم ضياء عبد الرحيم · 2015-05-07, 17:30

مساء الخير أخواتي
شكرا اختي فيفي على الدورة الرائعة و شكرا للأستاذة كيكي على الدرس باذن الله نحاول نطبق
لكن ما عنديش لا كول تا القماش و البيستولي كيفاه نقدر نعوضهم و بالنسبة لخياطة الحامل راني نحوس في النت على الطريقة
و في الاخير الرابط كي نكليكي يخرجلي بلي فيه فيروس ما نعرف علاه
شكرا مسبقا أخواتي