العجينة المورقة السحرية من اسهل واروع ما يكون...من مطبخي

[ام رويدة]

كنت وعدت حبيباتي في الله واخواتي الغاليات بان اضع بين ايديهم وصفة للعجينة المورقة السحرية التي هي في نظري اسهل طريقة...غير متعبة تماما ولا تحتاج لاي حفظ في الثلاجة اثناء العمل...طبعا مع نتيجة جد مرضية

اعتذر عن التاحير لظروووف اخواتي ولكني ارتايت ان اعجل بوضعها حاصة ان شهر الرحمة على الابواب ان قدر لنا البقاء ان شاء الله...والوقت يضيق.....
المقادير


750غ فرينة.
80غ زبدة نوع جيد انا استعملت فلوريال
كاس صغير حليب بارد
مغرفة كبيرة سكر عادي
مغرفة صغيرة ملح
مغرفة صغيرة خميرة الحلوى
1حبة بيض
شوية ماء بارد لجمع العجين
زبدة التوريق انا استعملت صول

ملاحظة انا استعملت هنا نصف هذه المقادير

الطريقة

نضع الفرينة والمواد الجافة والزبدة نحكها مليح وممبعد نزيد البيض والحليب ونكمل بالشوية بالماء حتى نتحصل على عجين طري ما يلصقش

نوزنو العجينة

هنا وزن الزبدة يكون ثلث وزن العجين يعني نقسم وزن العجين على 3 وندير الزبدة بهاد الوزن

مثلا انا لقيت عجينتي وزنتحوالي600غ يعني وزن الزبدة اللي استعملتو 200غ وهكذا

والباقي موضح بالصور





هنا المرحلة هدي ما صورتش نسيت الحربوش اللي نتحصلو عليه ندوروه عكس يعني عمودي ونحلوه





وههااااااي النتيجة.....صرااااحة مبهههههرة

في اقل من ساااعة تكون جاهزة

توضع في الثلاجة نصف ساعة ثم تستعمل مبااااشرة


هنا درتلها حشو قرويار و طون مممممممممم





تقدرو تستعملوها للحلو والمالح ونوعدكم بوصفة حلوة بيها ان شاء الله رووووعة

واذا عجبتكم واكيد رايحة تعجبكم لا تنسوني بدعائكم لي ولعائلتي بالتوفيق والسداااد والصلاح ولكم بالمثل ان شاء الله

[saja hamed]

يعطيك الصحة فكرة مليحة وان شاء الله نجربها ونردلك الخبر

[fleur de lili]

ya3tik allf 3afia choukran

[oum lina]

طريقة سعلة للعمل وصفة رائعة شكرااختى ربى يباركلك فى صحتك واولادك

[rahma2014]

ام رويدة مشكورة حبيبتي ربي يعطيك ماتتمناي ويصلحلك الاولاد وبوفقهم بحول الله ان شاء الله نجربها تبان ساهلة بزاف

[TOUTA23]

بارك الله فيك انا متعقدة من العجينة المورقة بصح نزيد نجرب هدي هههههههههههههههههههههههه

[louli2007]

ya3tik sahha

[fadila34]

رررررروعة ررررررروعة يعطيك الصحة وربي يحفظك ويخليك لعائلتك
نهاب العجينة المورق بصح هذي عجبتني وساهلة انا شاء الله نجربها

[قمر 77]

ام رويدة يعطيك الصحةو ربي يحفظلك وليداتك و زوجك و يحفظك ليهم
راني شاريا المارقارين نتاع الفويتاج و قريب تتبيريما نجري نجربها شكرا

[Oum kassem]

الله ايبارك فيك أختي وصفة ساهلة انشاء الله انجربها في اول فرصة
ولكن ماعنديش الميزان كيف أندير ؟

[om ahmed yacine]

وصفة خيالية دائما كنت نبحث على وصفة ساهلة للعجين المورق اللي نموت عليه بصح يقلق ويدي الوقت لكن هده تبان هايلة سهلة مع نفس النتيجة بلا تعقيدات نجربها الليله وندعيلك عند شق الفطر راني صائمة يرحم والديك وربي يسهلك امورك كامل ان شهء الله ويفرحك كيما فرحتينا

[idron0]

بارك الله فيك

[um alaa]

يعطيك الصحة حبيبتي رائعة نجربها في اقرب وقت ولكي احلى تقييم

[ام سهام 02]

يعطيك الف الف عافية

[كاميلياس]

يعطيك الصحة روعة