تهديد

[مشكلتي]

السلام عليكم انا كنت على علاقه برجل قبل الزواج وتزوجت وبعد مرور 8سنوات على زواجي ظهر هدا الرجل واصبح يهددني باضهار صوري لزوجي وتهديدي بان ينتقم ويطلقني من وزجي مع انه متزوج مادا افعل انا خائفه على حياتي الزوجيه

[*أم سجى*]

أين ظهر ؟ وين تلاقيتي بيه باش يهدك ؟! الظاهر أنه راكي تتعاملي معاه حتا بعد زواجك....واش نقولك اختي يلا راكي تتعاملي معاه بعد زواجك نقولك الله يهديك تستهلي يبهدلك.....ويلا كانت الحكاية مش هاك نقولك جااااااااااااااااااااااامي ترضخي لمهدد مهما كان ويلا رضختيلو معناها راح تحلالو ويبقى يستمتع باستفزازك واللعب بك كالخاتم في اصبعه ....امالا قوليلو دير واش راح تدير وبرديلو قلبو ....مستحيل يفضحك لأنو يخاف على نفسه....وان شاءالله رب يجيب االخير وان شاءالله تكون بالفعل مشكلة مش رواية مؤلفة....

[خالد عنابي2]

طالما انه متزوج فهو الاخر سيتضرر لو انتشرت تلك الصور فهو لا يملك اي تفوق عليكي بل فقط يحاول ان يلعب معكي لعبة عض الاصابع

لعبة عض الاصابع هي ان يضع كل واحد اصابعه في فم الاخر ويعض كلاهما ومن يصرخ اولا يكون قد خسر ولكن لو صبر قليلا لكان الاخر هو من سيصرخ

المهم انتي لم تخبرينا كيف ظهر هل اعترضكي في الطريق او عبر وسيط او عبر الهاتف او الانترنت وماهي خطورة الصور التي يملكها لكي

في كل الاحوال الرضوخ للابتزاز ليس الحل لانه مستنقع وحل اذا غصتي فيه لن تخرجي وسيتحول الامر الى مطالب اخرى مثل ان يختلي بك ويفعل ما يشاء ويذلكي كيفما شاء ووقت ما شاء ولن يتوقف
احسن الحلول هو التجاهل حاليا

[الفاتحة]

هديديه بابلاغ الشرطة وان لم ينته بلغي به فعلا هده جريمة يعاقب عليها القانون

[knives66]

اولا كيفاه حتي رجع بعد 8 سنين ؟؟

وكيفاه حكيتي معها حتي هددك صح بينتكم علاقة بصح متلحقش لتهديد بدون سبب

لانو يعرف عقوبة تاع هذا الشيئ

ختي قصتك فيها تناقض كبير

أحكي قصة بكل تفاصيلها به نعرفوا كيفاه نعونوك

[خالد عنابي2]

المشاركة الأصلية كتبت بواسطة الفاتحة

هديديه بابلاغ الشرطة وان لم ينته بلغي به فعلا هده جريمة يعاقب عليها القانون

اللجوء الى الشرطة نفسه مشكلة
ستفضح نفسها بان لها ماضي سيئ

وايضا ماهي الادلة التي تملكها ضده ؟ الشرطة لن تفعل له اي شيئ

[لمسة ابداع]

ما فهمتش كيفاه قدر يوصلك بعد 8 سنين زواج
هنا فيها ان
المهم متبينيلوش بلي راكي خايفة منو
قوليلو دير واش تحب
و كاش ما زاد قالك خبري والديك و لا خاوتك الدراري
ربي يفرج عليك

[خالد عنابي2]

تخبر خاوتها الدراري ؟؟؟ هههههههههههه

ان بعض من يفتي هنا احق بالسجن من السراق !!!

[حاملة المصحف]

لحمي شوك ولينا نسمعو قصص يا لطيف
يا اختي حكايتك ناقصة لحاجة الي نقدر نقولهالك اذا بكري غلطتي ظك متتمدايش في الغلط

[ساجده 82]

سبحان الله الله يهدي شوفي ختي كماخلكثريب من الاستغفار وربك يفرجها .انه الستار.
فاكثري الدعاء وثقي في الله.

[~رآقية بأخلآقي~]

لا حول ولا قوة الا بالله

تجاهليه تماما ولا تتصلي به أبدااااااا

أكثري من الإستغفاااااار والدعاااااء وحصني نفسكِ بالاذكار و قراءة القرآن..

وتذكري قل لن يصيبنا إلا ما كتب الله لنا...

أنتِ لا تقومي بفعل أي شيء قد يعود بالسلبِ عليكِ وعلى حياتكِ و إذا لا قدر الله وحدث فهي كاتبة من عند رب العالمين وهي نتيجة لخطإ قد ارتكبتيه قبل 8 سنوات وليس الآن..وكل عاقل سيتجاوز عنكِ ذاك الخطأ مادام كانت بعده توبة وحياة صادقة مع زوجكِ..

ربي يسترك اختي والله غضتيني وحسبنا الله ونعم الوكيل في كل شخص لا يخاف الله وأسأله تعالى أن يبعدهم علينا وعليكم يــآآآرب

[لمسة ابداع]

المشاركة الأصلية كتبت بواسطة خالد عنابي2

تخبر خاوتها الدراري ؟؟؟ هههههههههههه

ان بعض من يفتي هنا احق بالسجن من السراق !!!

علاه يا خويا تخبر خوها قبل راجلها اوموا خوها يستر عليها
راجلها كون يعود واحد غيار و لا موسوس رايح يطلقها و لا يعود يشك فيها
و انا عطيتها رايي و هي لا لقاتو يناسبها تعمل بيه و العكس


من ردك حطيت روحي درت جريمة

[خالد عنابي2]

المشاركة الأصلية كتبت بواسطة لمسة ابداع

علاه يا خويا تخبر خوها قبل راجلها اوموا خوها يستر عليها
راجلها كون يعود واحد غيار و لا موسوس رايح يطلقها و لا يعود يشك فيها
و انا عطيتها رايي و هي لا لقاتو يناسبها تعمل بيه و العكس


من ردك حطيت روحي درت جريمة

هل انتي جادة ؟
منك بالصح ؟
ماذا تخبر اخوها ؟ وكيف تقولها له ؟

اسمع اخي قبل ما نزوج كنت على علاقة براجل وكنت نعمل معاه الافاعيل والان راهو رجع لحياتي ويهدد فيا بفضح صوري وفضحي امام زوجي ؟

علابالك وش قادر يديرلها خوها كون تهدرهالو ؟

[روح المي]

قوليلو دير واش تحب
وتاكدي انه لن يتجرأ لأنه يريد ان يتعامل معك لا ان يفضحك فقط لجأ لتهديد من اجل اخافتك
ولو حققتي له كل طلباته سوف يطلب المزيد من مال الى شرف ولن يرضى
ادعي اللهم اكفلنيه بما شئت وادعي ربي يسترك

[أ م ساجد وسيم]

حلك الوحيد انكماترضخيلهش مهما كان وماتتعامليش معاه نهائيا خرجي صدقة للفقراء وكثري من الاسغفار وقومي الليل ودعي ربي ..يفرجها عليك