خطيبي هو نفسه أخي من الرضاعة

[مشكلتي]

السسلا م عليكم
نعم خطيبي هو نفسه أخي من رضاعة
أكاد أجن
أمي وأمي مطلقان وأنا عايشة مع أبي تعرفت على الشاب مند كنت في الثانوية وأنا آن عاملة عوضلي حنان أمي وأبي كحبيب وليس كأخ
ومبعد تحقق حلمي في خطبتي وبعد ماتم لقاء الرجال مع بعض أتت أمه لرأيتي وليتم تلبيس الخاتم حدث ما لم أتوقعه وهو أمي وأمه يعرفا نبعض وماما رضعة بنها لهو خطيبي والله بكيت وعييتتت صبروني والله عقلي حبس أكا د أجن
لو كان أمي وأبي مش مطلقين لما حذث هذا كله
خطيبي حرام عليا
ماذا سأنال في هذه الدنيا بعد هذا
حتى لآن ولم أصدق خطيبي هو نفسوا أخي
أدعولي بصبر

[بنت لبحر]

لا حول و لا قوة الا بالله
فعلا صدمة كبيرة ربي يكون معاك و يعوضك ما خير يارب

[amel...]

ربي يصبرك حنونة ...

[أم ريتاج زهرة]

خلعة كبيرة أختي ربي يصبرك و يعوضك خير إنشاء الله

[دعاء المحبوبة]

كان الله في عونك،الحمد لله انك عرفتي الامر الآن
الخيرة في ما اختاره الله أختي

[anfal10]

ربي اكون معاك يا اختي حاجة ما شي ساهلة لكن الام غلطت كانت لازم عليها تقول راني رضعت فلان وليد فلانة وهما صغار حتى يتعارفوا بلى خاوا ولكن الحمد لله الام على قيد الحياة او لوكانت متوفاة وقيلا تدي معاها السر واحد ما يعرف الحقيقة الحمد الله على كل حال ربي اعوضك خطيب و اعطالك ربي اخ شوفي الدنيا من جانب اجابي هاكدا و لا اكثر يا اختي مع الوقت تتقبلي الوضع الجديد او تنساي الحكاية ربي معاك

[وصال سلام]

والله غير صاعقة كبيرة صعقتكم كااامل ربي يكون في عونكم صعيبة بزااف مانقدرش نتصور روحي في بلاصتك اااه برك
فكرتيني في خالي كانت عاجباتو وحدة تركب معاه في الكار وهي تاني واحد نهار عيطلو باباه باه بعرفو على خواتاته شافها تشوكا هو خالها وهي بنت اخته الكبيرة
الغلطة في الوالدين ربي يسامحهم, تقول الوحدة مانرضع حتى وحدة ولا واحد ونتفاداو هذا الاشكال مستقبلا

رب ضارة نافعة يا اختي

[ام نهوله]

واش نقولك اختي و الله غير صعيبه بزاف بصح قولي دايما فيها خير ما تعرفي ربي واش راه كاتبلك بالاك خير ماراكيش كامل تستناي فيه شدي في ربي حنونه هو قادر على كل شيئ

[wafwaf8471]

rabi ysabrek hanouna koni 9wiya w teakdi rabi marahche ykhalik wrah y3awdek ma khire w diri fi balik raki rbihte akhe bel mowasafate li dkartihom

[naamane3]

علاش تغلطي في امك وابيك
علاش ما تغلطيش روحك
من الثانوية وانت معاه في علاقة غيرشرعية
والله اعلم ما وقع بينكما واتنما اخوه
شفتي الطيش وين يوصل
كيفاش رايحين تعيشو من بعد ماعرفتما الحقيقة
حتى انا احترت واش نقولك
نقولك اخطيك منو راه خوك
نقولك اتزوجيه راح خوك
استغفري الله كثيرا من ذنبك ورجاءافي حل لمعضلتك

[سلواان]

قولي الحمد لله أنك لم تقعي فيم وقع فيه من سبقك وبنفس الطريقة ..
يا بنت الناس كاين من تفطن لأمر الأخوة من الرضاعة بعد انجاب أكثر من طفل ...فلم يكن من حل غير تطليق الزوج والزوجة ...احمدي الله أنه انكشف الأمر قبل أن تقع الفأس في الرأس...صحيح ما تكابدينه صعب ولكن لتعلمي ..أن الجرح كفيل بمداواتها الأيام ..

[مسك القعدة]

نقولك إستغفري وتوبي إلى الله بما أنك عرفتيه من فترة
وربي يصبرك ختي على الصدمة لتلقيتيها وأحمدي الله انك إكتشفتي اليوم قبل يوم آخر تكون فيه الصدمة أكبر والمآل أسو

[الفاتحة]

عادي أختي خيرو في غيرو ولوكان كنت مع الله لكان معك عصيته فأراك مرارة العصيان وتعلقت بغير الله فأذاقك مرارة التعلق استغفري الله وهاذ مش آخر الدنيا توبي وادعي ربي يغفرلك

[soumisba]

عسى ان تكرهوا شيئا وهو خير لكم وعسى ان تحبوا شيئا وهو شر لكم

[*أم جابر*]

السلام عليكم ورحمة الله و بركاته
اولا تذ كري اختاه انه لا يصيبنا الا ما كتب الله لنا و ه\ا هو قدرك ما عليك الا الرضا به و الحمد لله
ثانيا حاولي معرفة عدد الرضعات و ان كانت كثيرة و ادت الى الاشباع لان اثبات التحريم من الرضاعة له احكام تفضلي ه\ا الرابط فيه تفصيل و الله ولي التوفيق

https://fatwa.islamweb.net/fatwa/inde...waId&Id=147637