للخبيرات في الكروكي

[نبيلة 81]

السلام عليكم أخواتي

أنا كل ما نخدم الكروكي و بجميع الوصفات ينتفخ و يتشقق و يتحل قلت بالاك على خاطر نديرو مطلوق زدت كمية الفرينة حتى يجيني يابس ومع ذلك يتشق ما فهمتش السبب هل في الفرن او في الخميرة او أني ما نحطش كمية الفرينة المناسبة
من فضلكم اعطوني خبراتكم و نصائحكم

[crono]

المشاركة الأصلية كتبت بواسطة نبيلة 81

السلام عليكم أخواتي

أنا كل ما نخدم الكروكي و بجميع الوصفات ينتفخ و يتشقق و يتحل قلت بالاك على خاطر نديرو مطلوق زدت كمية الفرينة حتى يجيني يابس ومع ذلك يتشق ما فهمتش السبب هل في الفرن او في الخميرة او أني ما نحطش كمية الفرينة المناسبة
من فضلكم اعطوني خبراتكم و نصائحكم

وعليكم السلام
رمضان مبارك اختي انا الكروكي لنديرو ربي شاهد على ما أقول يخرج شباب و بنييييييييييييييييييييييييين
نعطيلك للوصفة لي تخدم بيها 4 بيض كاس ونصف سكر و قرصة ملح نخفق جيدا جيدا حتى يذوب سكر نحصل على خليط رغوي في هذه الاثناء نزيد كاس زيت كي خيط ماشي مرة واحدة و نواصل الخفق+لفاني + نضع كمية من الفرينة مع 02 خمارة كيمياوي و هنا نستعمل اليد و بحركة دائرية نلم العجينة
تنبيه : ما تنساوش تغربلي الفرينة
خليط التلميع :صفار حبتين من البيض + مغرف صغيرة نسكافي
من بعد شكلي حربوش ندهن الكروكي ثم نزين بالشوكة وندخل للفرن يطيب
ملاحظة:الطياب يكون على درجة 160والفرن يكون ساخن من قبل باش يطيب من داخل وما يكونش معجن

وبعد ما نخرجو من الفرن نقطعو مباشرة وهو سخون ونخليه يبرد ونحيه من الصينية ما نحمروهش على الجوانب كيما النوع لقديم
هذا الكروكي خفيف وناجح 100/100 اومجربتها العديد من المرات لكن كل وحدة او كيفاه تكون تجربتها

[crono]

اه نسيت سنيوة مدهنيهاش بالزيت روشي غير الفرينة
يطيب في فرن متوسط من تحت و م بعد من فوق
و شهية طيبةان شاء الله تجربيه و يعجبك حنونة

[نبيلة 81]

المشاركة الأصلية كتبت بواسطة crono

اه نسيت سنيوة مدهنيهاش بالزيت روشي غير الفرينة
يطيب في فرن متوسط من تحت و م بعد من فوق
و شهية طيبةان شاء الله تجربيه و يعجبك حنونة

شكرا جزيلا حبيبتي نجربها و نرد عليك

[زوجة الغول]

بالاك راكي تلوحي بزاف نشاء هو لي يشقق

[وردة زمن]

جربت كرةكي لقيتو في مذكرة ام اماني استعملت فيه المرغرين ممكن يعجبك