ياسايلني قيلني ربي يهديك لاتطعنشي وادجاهل يتلاطم
بعدني ياعبد ربي لانعديك لاتتعرض للبلا وانت سالم
لوتحملني للخيار انوريك انصحتك وانصيحة المؤمن لازم
لو تعلم ماراه في القلب ايبكيك تبقى مثلي ساخف الدمعة هايم
لاتشقاش تسالني حالي ينبيك مايخفى جرح المحبة ع الفاهم
هذا العبد اللي تشوفوا بين يديك ذالو سنين ماشاف العارم
وريني يا زينة الشوفة مابيك حطاطة للعين ولشوري دايم
يامطبوع القد جيت انشاكي فيك نلقالك بالذل مانيش نخاصم
علم المغناطيس في موموعينيك جالبني لهواك بحكم الحاكم
ياولفي هذا الجفا نقصان عليك ما غيرتك مابليتك بجرايم
ماعندي سبة اللي بيها ندعيك مانشتيش ضرورتك ربي عالم
ياولفي نطلب العالي يهديك خايف لاندعيك ونولي نادم
راني خايف يسبق لساني يدعيك ودعوة المظلوم تنفذ في الظالم
ماعندك ظنة الصغر يلاطم فيك جراية للعالية رأيك عادم
يا ولفي لوكان في غفلة ياتيك عني خبر مشوم جابولك ظالم
يحكي لك ويقول ذاك اللي يشتيك في حالة خليت ناسو تتلايم
مسبول على ليمنة ماله تحريك مايعقلشي تارك اللقية خاتم
ايغيضك هذا الخبر ولايزهيك قري لي بجاه الأمجد بلقاسم
نسوى عندك زين ولارخيس عليك ماندري ماراه في القلب الكاتم
قالتلي يا ليعتي لاباس عليك خلي لاتكويش قلبي بمعالم
صديتي صد الجفا علي يشتيك عذبتيني ياغزيل بونادم
انظل ندنق في الطريق انراعي فيك مانتهنى قالا شفتك دايم
عيايا كوات خوها بمعالم
الشرح:
ساخف الدمعة: دوام سيلان الدموع
حطاطة للعين: تعرض عمن يقدم عليها ولاتعيره إهتماما
شوري: من جهتي
( تقرير عن مشاركة سيئة )، و الموجودة أسفل كل مشاركة .
2010-04-11, 19:53
ياسايلني ل: عبدالله بن كريو
العرض العادي
