عاجل ارجووو الرد

[مشكلتي]

السلام عليكم

انا طفلة عندي 21 سنة عقبت الباك العام لى فات وما ديتوش و ما حبوش يقلبوني نقرى فى الثانويا لى كنت نقرى فيها على خاطر ما جبتش معدل مليح
روحت نخير كاشما حاجة فى التكوين المهنى لقيت زوج حوايج يناسبوني هما تقني فى المحاسبة او عامل فى مرو معلوماتية
قلت لبابا انا حابة ندير بالمراسلة نعاود الباك و نخير واحد من هدوا بصح بشرط ما نروحش نقرى فى المدرسة التكوين الهمنى
نخدم عند محاسب وهو يقريني ستاج زعما باه
على خاطر كون نقرى فى مدرسة التكوين الهمنى راح نولي نحضر للفروض والامتحانات وكى ندير ستاج عن كاشي واحد مانديرش الفروض
هو لي يقيمني ادا رانى نخدم مليح ولا لا لا

قلي بابا لا لا روحي تقرايا فى مدارسة التكوين المهنى
وانا كى نروح نقرى فى مدرسة التكوين الهمنى ما يكونش عندي الوقت الكافي باه نراجع ونقرى للباك
وانا حابة ندي الباك من قلبي وندمت كى ما قريتش العام لى فات

واش ندير انصحونى

[biologie2001]

سجلس في التكوين المتواصل و عقبي البكالوريا حرة و لكن لن تستطيعي الدخول الى مركز التكوين المهني.......وفقك الله

[mhd]

لا حول ولا قوة إلا بالله
من طلب العلا سهر الليالي
وربي يوفق

[أثيلة]

يا اختي ماتسجليش ديري مثلي تفرغت كليا للباكالوريا و نجحت

[سبيل]

نصيحتي سجلي في التكوين المهني على الأقل تكون عندك شهادة معترف بها و لن تعيقك الدراسة في التكوين على المراجعة عندك عام بطوله و عرضه و تقدري ديري تخصص في المحاسبة لمدة عام
جربي تنظمي و قتك في دراسة المواد الاساسية الخاصة بالباكالوريا و تخصي يوم في الاسبوع لمواد الحفظ

[بشـرى]

اذا شفتي روحك قادرة توفقي بين الدراسة فالتكوين المهني والتحضير للبكالوريا اقراي من جيهتين ، واذا شفتي روحك متقدريش توفقي اتفرغي للباك أحسن ، وديري الدروس الخصوصية وزيري روحك
أنا أختي درك عامين تعقب ومداتش وهذا العام الثالث رايحة تقرا للباك برك منصحناهاش بالتكوين مناه علابالنا بيها متقدرش توفق ، وانت أعلم بقدراتك

ربي يوفقك ان شاء الله

[mooon]

أنا نحب نعطيك رأيي بصفتي كمحاسب
المحاسبة تخصص مليح خاصة إذا قريتي وتكونتي
مليح هي راح تكونلك مستقبلك
ما تحتاجي لا باك لا والو
أما إذا أردت الباكالوريا ديري
برنامج وتقديري تنجحي وربي يوفقك

[~أميرة أميري~]

اختي ماعرفتش واش نجاوبك وراح يجاوبوك ذوي الخبرة ،،، حتى انا جوزت الباك وماديتوووش وقريت وتعبت وقدر الله ماشاء فعل ودوكا قلت لدارنا مانعاودوش راني قاعدة فدار وحرقة الباك مازالها فقلبي خصوصا كي نسمع كلمة جامعة وفنفس الوقت مارانيش قادرة نعاودو لاني تعبت بزاف العام لي فات
ربي يسهاك ولي شفتيها توالمك ديريها انتي صاحبة القرار

[سماح 2]

ضركــآ انتي والقدرات تــآعكْ ,, واحد لآ يقدر يعاونكْ ,, لكــآن شايفة رووحك حابة الباك صحْ ,, حبسي التكوين المهني وما تسجليشْ وحطي راسك للباكْ جيبيه ,,علاه حتى ما تديهش والله الي يتعب يلقــى ,,
ولكــآن ما تقدريشْ ,, ديري حاجة تفيدكْ في التكوين خير من الي تزيدي ضيعي عامْ في البــآكْ ,, ..

ربي معــآكْْْْ

[romina_auxanne]

جوزي الباك فقط باش ما تحسيش روحك مضغوطة، صعيب باش توفقي بين الباك و حاجة اخرى تكرهي بالخف، ربي يوفقك ان شاء الله اجيبيه.

[mino 19]

ههههههههههه هي ساهلة ونتيا تعقدي امور
تسجلي مراسلة وعليك فقط بالباك
انصحك لا عادي لهدا تكوين