أبدوا رأيكم؟

بقـا ألم يا · 2009-01-28, 16:16

السلام عليكم ورحمة الله تعالى وبركاته:
اخوتي في الله سأضع بين أيديكم هذه الفكرة المتواضعة وذلك لتبادل المعلومات بين
الطلاب والاستفادة والافادة وان شاء الله نكون من الناجحينوالمتفوقين.
الفكرة:أن تكون هناك أسئلة في مختلف الموادوتكون الاجابة و المناقشة مقتسمة بين الجميع/وللعلم فالأسئلة ليس بالضرورة أنا التي أطرحها ويمكن للجميع المشاركة بالأسئلة والاجابات
أعطوني رأيكم وان شاء اللله سأبدأبتنفيذها في حين الموافقة عليها
تمنياتي للجميع بالنجاح

amina1989 · 2009-01-28, 16:21

فكرة جميلة أختي الكريمة يشرفني أن أكون معكم.ولكن أي شعبة تدرسين.

بقـا ألم يا · 2009-01-29, 07:00

شكرا أخيتي لتقبلك الفكرة وأنا شعبة آداب وعلم انسانية

amina1989 · 2009-01-29, 10:32

أنا أيضا شعبة آداب علوم إنسانية بصح أنا أول مرة نقري هاذة الشعبة .كنت علوم والسنة سجلت آداب.وين راكي أختي في الدراسة.ماشية ولاو الو .أنا والله ماني ماشية خلاص.أرجو التواصل .نتفاهمو علي برنامج ونطبقوه. باه نكوراجيوْ بعضنا.من قبل كانت محاولات كيما هاذي في المنتدي بصح واحد ما يكمل.أرجو هاذي المرة تكون الجدية.هل أنت موافقة.و إذا عندك برنامج أطرحيه.salam ? ok

بقـا ألم يا · 2009-01-29, 13:57

السلام عليكم ورحمة الله تعالى وبركاته:
فيما يخص القراية منخبيش عليك مانيش ماشية مليح بصح سبق وجوزت باك علوم انسانية
وراهي ساهلة تحب الحفظ .
أما البرنامج : لحد الآن راني في الفلسفة
وفيما يخص الفكرة التي طرحتها فأنا باذن الله جدية
وياريت نبقاو على تواصل دائم وتأكدي أخيتي انني لن أبخل عليك بأي شيء أعرفه

بقـا ألم يا · 2009-01-29, 14:18

السؤال الأول: أدب عربي
قال الشاعر:
يامن يعانق دنيا لا بقاء لها* * يمسي ويصبح في دنياه سفارا
هلا تركت لذي الدنيا معانقة* * حتى(تعانق) في الفردوس أبكارا
ان كنت تبغي جنان الخلدتسكنها**فينبغي لك أن لا(تأمن )النارا
المطلوب:
1/ شكل أواخر الكلمات المحصورة بين قوسين في النص.
2/ اعراب ما تحته خط.
3/ ذكر مصادر الأفعال الآتية: يعانق - يمسي - تركت - ينبغي.
4/ تبيان أسلوب البيت الثاني وغرضه البلاغي.
5/ استخراج صورة بيانية من البيت الأول ،وشرحها، وتبيان أثرها في المعنى.
6/ تقطيع البيت الثالث وتسمية بحره.
*أرجو من كل طالب مهتم حل هذا النموذج وستتم مناقشته من الجميع
أختي aminaانشاء الله سأكون عند وعدي وهذا أول سؤال ،والبقيةلاحقا
واذا كان عندك أي سؤال لا مانع من طرحه
وشكرا

amina1989 · 2009-01-29, 18:36

شكرا أختي أسيرة الأحزان.شوفي أختي أنا حابة مشورتك ونتمني دبري عليا راني حايرة .أنا دوكة نقري فرنسية من الإثنين إلي الخميس من2:30 إلي 6:00 ماشي غير علي الباك علي خاطر نسحقها .لأنني في بلاد يُتكلم فيها بالفرنسية .ومادام الباك مابقالوش بزاف حابة نتفرغ غير للباك.واش رايك نكمل ولي لا لا نتي عندك تجربة قوليلي أختي عيشك.واش ندير. وعلي التمرين شكرا ختي دوك نحاول نحلو. واش رايحة ديري في الباك مقالة ولي تحليل نص.شكرا مسبقا

amina1989 · 2009-01-29, 18:52

أسمحلي أختي كثرت عليك.بصح مادام راكي في الفلسفة.est ce queنحفظو الدروس ولي لالا غير المقالات.أنا لحد الآن راني في الشخصية .حفظت الدروس والمقالات مازال.سلام

بقـا ألم يا · 2009-01-30, 09:44

السلام عليكم ورحمة الله تعالى وبركاته:
اسمحيلي أخيتي طولت في الرد وهذا لسبب الأعطال في الشبكة.
1/ فيما يخص الفرنسية مادام تحتاجيها ما لازم تكملي
2/وعن الاجابة في الباك :في الأدب العربي ندير نص
وفي الفلسفة :مقال
3/وفيما يخص الفلسفة لازم تطالعي على الدرس أولا ما تفهمي ولازم تركزي أكثر شيء على المقالات واسمحيلي أختي أقول لك لازم تتقدمي في الفلسفة لان البرنامج طويل
أنا راني في الذاكرة
وفي الأخير أخيتي أذكر نفسي وأذكرك بقوله تعالى:"واذا سألك عبادي عني فاني قريب أجيب دعوة الداعي اذا دعان"
أحنا نيرو الواجب اللي علينا ونكثروا من الدعاء وان شاء الله ربي ما يخيبناش
بالتوفيق

amina1989 · 2009-01-30, 10:50

شكرا جزيلا أختي علي النصيحة "من كان في حاجة أخيه كان الله في حاجته" أ ما بخصوص الأدب قالولي يمدو علي المقال خير .أنا راح نحفظ بعض المقالات ونبازي علي تحليل نص وربي يجيب لي فيه الخير.'إن الله لا يضيع أجر المحسنين' ربي ان شاء الله هاذي المرة يُجبر بخاطرنا.آآآآآآآآآآآآمين يا رب

amina1989 · 2009-01-30, 10:58

عن النص لي عطيتهولنا .أسمحلي مازال ما راجعتش القواعد.ما وترتش برك.أصبري عليّ هاذو اليومين برك ومن بعد أعدك بالمواظبة.سلام

بقـا ألم يا · 2009-01-30, 13:31

السلام عليكم ورحمة الله تعالى وبركاته:
لاشكر على واجب أخيتي ،ونصيحة أتمنى تأخذيها بعين الاعتبار في الأدب العربي ديري نص خير وخير وراح تضمني النقطة هذا رأيي .
أتمنى لك التوفيق من كل قلبي est bon courage

amina1989 · 2009-01-30, 19:29

رايحة ندير بنصيحتك أختي وان شاء الله نربح عليها.

بقـا ألم يا · 2009-01-30, 19:52

السلام علكم ورحمة الله تعالى وبركاته:
مشكورة أختي وان شاء الله يارب نكون فال خير عليك
وهي حصيلة تجربة لأني من أول ما عقبت الباك وأنا ندير نص ونقطتي دائما فوق 13،5
لأن برنامج الانسانية طويل ويلزملو الحفظ ،وهذا العام رانا في الريسك يعني لازم تحفظي كلش وعن ظهر قلب وربي يستر
est bon courage

amina1989 · 2009-02-04, 10:54

سلام .في الإجتماعيات رايحة تحفظي كلش يا أسيرة الأحزان?و علي واش رايحة تركزي.أعطيني أختي عيشك إسم آخر نعيّطلك بيه .ربي يجعل حياتك كلها فرحة .