دعنا نتفق

[loubnamias]

المشاركة الأصلية كتبت بواسطة b.badis

بالنسبة للعلوم ...قلت ..نركز على : الخلية و الطاقة ...المبادلات ...النبأ العصبي ...النبأ الهرموني....الوراثة الحديثة بصح نقرى كلش
الرياضيات ....نركز على كلش
الفزياء .......نركز على الضوء ....الكهرباء .... الإهتزازات ....والديناميك لاكان بقالي وقت ...بصح نقرى كلش
الكمياء.......نركز على كلش
العربية ....نتدرب على كيفية تحليل نص أدبي ...و من وقت لآخر نحفظ شاعر من الشعراء...
الفرنسية ...تقريبا ثقافة عامة
الإنجليزية ......نحل مواضيع الباك و نجيب الدروس تاع السنة الأولى ..الثانية ..و الثالثة ثانوي ...على خاطر متكاملين و متشابهين
الفلسفة ...نجيبها كل نصف شهر مخصص لدرس معين
التاريخ...كل نصف شهر مخصص لدرس معين
الجغرافيا..كل نصف شهر مخصص لدرس معين
بصح حاجة نركز عليها و نعاودها هي ...التكرار ثم التكرار

بالنسبة للعلوم .انت خليت الوراثة القديمة والمناعة و الاثتين ساهلين الوراثة القديمة قوانين برك والمناعة حلوة تقدرتقراها .وماتنساش بلي المناعة تقدر تدخل مع الوراثة الحديثة.
اما الفلسفة اظن انه لازم تحاول تقرا الدروس العشرة .لان العام لي فات مدولنا موضوعين من الدروس الاولى اي فلسفة المعرفة ويقدرو يعاودوها العام هدا.وكدلك الحال بالنسبة للتاريح حيث يقدرو يمدولنا ال3 مواضيع على الجزائر برك كيما دالرو العام الي فات مادولنا على العالم برك.
اما العربية فانصحك بالتدرب على تحليل نص وتحليل قصيدة وماتنساش الاعراب.

[''أسيل'']

انا الجامعة من جهة والتحضير للباك من جهة أخرى
هادا td وهدا الاسبوع كاين test ومانيش عارفة واش ... ماعرفتش لمن انظر هل انظر للباك ام للجامعة
لم اعرف كيف اوفق بينهما
انا في حيرة كبيرة خصوصا ان الوقت يمضي
نغمضوا عين ونفتحوا عين نلقاو الباك لحق

[B.Badis]

المشاركة الأصلية كتبت بواسطة loubnamias

ربي يسهاك ويوفقك.احرص ان تكون مراجعاتك مفيدة وان تستفيد منها قدر الامكان.

السلام عليكم ..أختي لبني يخي قصدك ربي يسهلك ...باللم ...مش ربي يسهاك بالألف يعني ينساك ...لوكان تعود هكا راهي خلات...هاهاها راني نمزح برك ..بعيد الشرعلينا كامل ....أنا انقطعت على الباك عام كامل ربي يستر...

[B.Badis]

المشاركة الأصلية كتبت بواسطة loubnamias

بالنسبة للعلوم .انت خليت الوراثة القديمة والمناعة و الاثتين ساهلين الوراثة القديمة قوانين برك والمناعة حلوة تقدرتقراها .وماتنساش بلي المناعة تقدر تدخل مع الوراثة الحديثة.
اما الفلسفة اظن انه لازم تحاول تقرا الدروس العشرة .لان العام لي فات مدولنا موضوعين من الدروس الاولى اي فلسفة المعرفة ويقدرو يعاودوها العام هدا.وكدلك الحال بالنسبة للتاريح حيث يقدرو يمدولنا ال3 مواضيع على الجزائر برك كيما دالرو العام الي فات مادولنا على العالم برك.
اما العربية فانصحك بالتدرب على تحليل نص وتحليل قصيدة وماتنساش الاعراب.

بالنسبة للوراثة القديمة ..أنا راني قريتها في السنة الثانية بيولوجي كاملة و بالتفصيل في مادة وحدها génétique و المناعة ثاني قريتها كاملة و بالتفصيل في السنة الثانيةimmunologie واش تجيب تاع الباك ..... على بالي بلي بلاما نريفيزي نجاوب ....بالصح أنا نحوس على النقطة ...راكي شفتي بلي المناعة و الوراثة المندلية ماينقطوش عليهم مليح ...بالعكس بالنسبة للخلية والطاقة و المحاورالأخرى إجابتها ثابتة و واضحة كيما الرياضيات و الفزياء....

[B.Badis]

المشاركة الأصلية كتبت بواسطة souad 1

انا الجامعة من جهة والتحضير للباك من جهة أخرى
هادا td وهدا الاسبوع كاين test ومانيش عارفة واش ... ماعرفتش لمن انظر هل انظر للباك ام للجامعة
لم اعرف كيف اوفق بينهما
انا في حيرة كبيرة خصوصا ان الوقت يمضي
نغمضوا عين ونفتحوا عين نلقاو الباك لحق

أختي ننصحك أقرايله في زوج ...وعندك تضيعي العام تاع الجامعة ... على خاطر ماعلابالكش واش مكتب ربي
حاولي كيفاش في السوماستر الأول باش تجيبي معدل مليح باش في السوماستر الثاني تلقاي روحك مرتاحة و الشي الكبير نحيتيه عليك .....و بالمناسبة واشمن إختصاص أنت و أي سنة ؟؟

[loubnamias]

اييييييييييييه قصدي ربي يسهلك .انه خطئ مطبعي .واش نقولك دبرتها.بصح بشأن التنقيط انا ليكان يديرلنا الكور كان ديمى يقولنا بالاكم الخلية والطاقة على خاطر تقدر ماتفهمش السؤال .هوما يقصدو حاجة وانت تحط حاجة اخرى.انا صراحة تخوفني.

[''أسيل'']

انا سنة اولى تكنولوجيا lmd

[B.Badis]

المشاركة الأصلية كتبت بواسطة loubnamias

اييييييييييييه قصدي ربي يسهلك .انه خطئ مطبعي .واش نقولك دبرتها.بصح بشأن التنقيط انا ليكان يديرلنا الكور كان ديمى يقولنا بالاكم الخلية والطاقة على خاطر تقدر ماتفهمش السؤال .هوما يقصدو حاجة وانت تحط حاجة اخرى.انا صراحة تخوفني.

بالعكس ...الخلية و الطاقة لوكان تحبيها تبدعي فيها.....و تلمي فيها بزاف نقاط

[B.Badis]

المشاركة الأصلية كتبت بواسطة souad 1

انا سنة اولى تكنولوجيا lmd

فوووووووووور .....أمالا درك تديري une base رايعة في الرياضيات و الفزياء و الكمياء و حتى الفرنسية .....

[''أسيل'']

ان شاء الله
. دروس الرياضيات والفيزياء مثل دروس الباك بصح المشكل في الكيمياء صعيبة اما الفيزياء وتطبيقاتها و الفيزياء الاساسية يدو الوقت

[''أسيل'']

ان شاء الله ربي يعاوني باش نوفق بيناتهم

[mohamed mehenni]

شكرا لك اخت لبنى على التشجيع انا اسمي محمد لم اتحصل على الباك شعبتي علوم الطبيعة والحياة ممكن انضم اليكم اريد ان اسالك اخت لبنى هل تحصلت على الباك و حابة تعاودي ولا لم تحصلي عليه انا وضعت لنفسي برنامج للمراجعة ممكن اكتب لكم لو عايزين انا في انتضار الرد

[B.Badis]

مادا بينا أخونا mohamed mehenni أن تفيدنا بالبرنامج نتاعك .....

[''أسيل'']

المشاركة الأصلية كتبت بواسطة mohamed mehenni

شكرا لك اخت لبنى على التشجيع انا اسمي محمد لم اتحصل على الباك شعبتي علوم الطبيعة والحياة ممكن انضم اليكم اريد ان اسالك اخت لبنى هل تحصلت على الباك و حابة تعاودي ولا لم تحصلي عليه انا وضعت لنفسي برنامج للمراجعة ممكن اكتب لكم لو عايزين انا في انتضار الرد

نعم أكيد نريد البرنامج
نحن في الانتظار
شكرا كثيرا على المبادرة

[loubnamias]

المشاركة الأصلية كتبت بواسطة mohamed mehenni

شكرا لك اخت لبنى على التشجيع انا اسمي محمد لم اتحصل على الباك شعبتي علوم الطبيعة والحياة ممكن انضم اليكم اريد ان اسالك اخت لبنى هل تحصلت على الباك و حابة تعاودي ولا لم تحصلي عليه انا وضعت لنفسي برنامج للمراجعة ممكن اكتب لكم لو عايزين انا في انتضار الرد

مرحبا بيك خويامحمد اكيد نريد ان نعرف البرنامج الدى سطرته وارجو ان نستفيدة منه.
انا تحصلت على الباك والحمد لله و لكن ماقدرتش ندير شي لي حابة.
ان شاء الله تنجح العام هدا وبمعدل عالي .ادا اردت اي استفسار انا في الخدمة..