~°°° بلهجـــ أمثــال شعبيّة ـتنـــا °°°~

رزان. · 2013-07-17, 15:26

الفايدة ماهي في الزّين ، الفايدة في الخلق و الدّين .

صباح الخير يا جاري أنت في دارك و أنا في داري .

اللي فاتو الطّعام قال شبعت و اللي فاتو الكلام قال سمعت .

يتبـــــــع ...

♛ ♛T Alcapnon · 2013-07-17, 15:39

وعليكم السلام ورحمة الله وبركاته

بارك الله فيك , نحاول نشارك ببعض الأمثال الشعبية:

*الحرة اذا صبرت دارها عمرت

*المشتاق إلا ذاق يخلي الباب و يخرج من التاق.

*اذكر الماء يبان العطشان

*اللي يحب العسل يصبر على قريص النحل

صح فطوركم

رزان. · 2013-07-18, 11:28

الكسرة و الماء و الراس في السما .

اللي اتكل على زاد غيره طال جوعه .

قلّة الشي ترشي و تنوض من الجماعة .

بنت الحاج · 2013-07-18, 11:31

وعليكم السلام ورحمة الله
بارك الله فيك أختي نور الهدى، متابعة بإذن الله

اقتباس:

المشاركة الأصلية كتبت بواسطة ♛ ♛T Alcapnon

*اذكر الماء يبان العطشان

لقيت سيرة الماء جيت، مثل مستفز في نهار رمضان

اقتباس:

المشاركة الأصلية كتبت بواسطة نــور الهـدى

الكسرة و الماء و الراس في السما .

امممم حتى أنتي يا نور الهدى تهدري على الماء

spremshoot · 2013-07-18, 16:47

شكرا على هذه الأمثال

رزان. · 2013-07-19, 12:48

رزق الخـــــواف قليل .

الدّار بلا كبيــر بحال الدّلو بلا بير .

اللي ما خلّى لبنات ما عرفوه وين مات .

رزان. · 2013-07-20, 13:06

طعام العروس ما مليح ما مسوس .

غمّض عينك يصبح الحال .

ضربة بالفاس خير من عشرة بالقادوم .

رزان. · 2013-07-22, 11:24

عاند جارك و لا بدّل باب دارك.

الغابة يحرقها عودها و المعزة يعميها قرنها .

رضيت بيك يا الهم و أنت ما رضيت بيا ،
حطيتك عند راسي صبتك عند رجلي .

رزان. · 2013-07-23, 12:33

الي فاتك بليلة فاتك بحيلة .

الزّوخ ما يبني دار .

في الدّنيا فارح و حزين إلى يوم الدّين .

مروةنزيهة · 2013-07-23, 23:22

ممتازين و رائعين

رزان. · 2013-07-24, 10:42

اخدم باطل و لا تقعد عاطل .

العروس يشكرها فمها والا أمها .

من برا الله الله و مالداخل يعلم الله.

رزان. · 2013-07-25, 10:33

كول الخبز اليابس و فوت على النّاس لابس .

أعطيولي الفاهم لهلا قرا .

لطرش راكب و الأعمى يسوق .

مروةنزيهة · 2013-07-27, 19:13

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههه

رزان. · 2013-07-28, 12:17

إذا كان القاضي خصيمك، غيرطبّق حصيرك .

اللّي ما زوّج ما بنى ، ما عرف مالو وين فنا .

بكر لحاجتك تقضيها .

رزان. · 2013-07-31, 02:03

راح يعـــــــــــــرض بات

ضيف عام يلزم له ذبيحة و ضيف شهر ماكلة مليحة و ضيف كل يوم أعطيه طريحة

غيــــر دير مويهة بــاردة على قلبك