نكت 44444 غير الجديد

[زمردة الجنوب]

السلام عليكم

1-واحد يسأل إمام :يا شيخ إذا جاز عليا سبع وأنا نصلي هل أكمل الصلاة؟
قالو الشيخ إن حافظت على وضوئك فأكمل الصلاة


2-واحدة حبت تعلم رجلها الرومانسية
قاتلو :يا راجل واشن هي الحاجة اللي عزيزة عليك
قاللها :الروز بالجاج...
قاتلو:لالا زعما من الكائنات الحية
قالها:الغزالة
قاتلو:لالا كيفاش نفهمك ...شكون الي عزيزة عليك في العايلة
قالها:خالتي حورية طيب واحد الروز بالجاج ..فورررررر


3-واحد يعيطولو شكشوكة ...كره حياتو من هاد الاسم ..راح لفرنسا قعد سنين ومن بعد رجع للبلاد ,,أيا النهار اللي رجع فيه قاعد في الدار ....جات مازدا تاع الخضرة
أيا الطوماطيش ....الفلفل ...البصل ....البطاطا...خرج للخضار قالوا تخلطهم نخسرلك وجهك .....

4-واحد زادت عندو بنت على العشرة تع الليل .....رفدها....شاف فيها.....جبد كابوس تيرا عليها ماتت
قالتلوا الفرملية حرام عليك علاش قتلتها ؟
قاللها راهي صغيرة وجات على العشرة تاع الليل ...
كي تكبر عقداش تولي تجي ؟؟؟....

5-قالك في السعودية واحد مول جنان تع التمر حكم واحد يسرقلو في التمر .....أيا ربطو في حصان ...وبدا يجر فيه شافو واحد قالو واش راك دير علاش راك تجر فيه ؟
قالو حكمتو يسرق في التمر ديالي قالو حرام عليك راك تعذب فيه اديه للسلطة يقطعولو يدو وخلاص
نطق السارق.......جر...جر ماديرش عليه....هذا مهبول


6-واحد حابس خرجلو جني قبل ما يرقد قالو شبيك لبيك الجني بين يديك أطلب 3 طلبات
قالو السيد حبيت مرسيدس ...جابلو الجن مرسيدس وزاد قالو واش حبيت ثان؟
جابو:مرسيدس زاد جابلو مرسيدس وقالو باقي لك طلب....اطلب
قالو الحابس :حبيت ثاني مرسيدس وبعدما جاب له الجني ثلاث سيارات مرسيدس سقساه"
بصح علاش بغيت هاذو الثلاث سيارات مرسيدس ؟
قالو باش نبيعهم ونشري فيراري ..................................يقال أن الجني الآن في العناية المركزة ووضعه صعب وخطير جدااا


7-هذا واحد قال ليماه أدعيلي باش يمدولي سكنا
قاتلو روح يا وليدي ربي يعطيك دار بلا كرا وما تخلص فيها لا ماء لا ماكلا المهم مسكين لقا روحو فالحبس ....

8-جزائري تزوج ألمانية مع الصباح جابتلو القهوة وباستو من خدو ...قدام باباه الولد حشم وقالو ما ديرش عليها بابا يهودية مازال ماوالفتش الدين نتاعنا
قالو باباه ياووو...يماك يهودية يا وليدي ....تحط القهوة وصباح الخير ما تقولهاش ...

أتمنى أن النكت أعجبتكم