معاني أسماء ولايات

[knives66]

سلام عليكم

بعد بحث وعناء ودراسة معمقة لإجاد سر ومعاني أسماء ولايات الجزارية

والحمد الله نجحت في إجاد بعض وبعض اخر مزال قيد دراسة وتحليل

وراح نشاركم هذا نتائج

ومن مفترض إن شاء الله في مارس القادم راح يقدمولي جائزة نوبل للعبقرية وذكاء

بسم الله

نبدوا

سطيف :

تعود تسميتها الى 5 الاف سنة وكان في أول أسمها سر طيف

لانوا في واحد وقت في بلاصة لي راه ضورك مدينة سطيف

خرجلهم في طيف راكم فهمني معني كلمة طيف في عربية

حوسوا عليها في دكسيونر وإذا ملقتوهاش شوفوا في قاموس

مهم هذا طيف حيرهم و قالك واش هو سر ظهور هذا طيف

ناس بكري تهدر عربية فصحي

مهم قعدوا هكذا ناس حيرة كل يوم من صباح لعشية وهما واش هو سر هذا طيف

مع وقت بعد سنوات عادة تجيهم عبارة سر طيف ثقيلة ايا قلك نخففوها

رجعوها سطيف

وقعدة الى يومنا هذا سطيف


----


عنابة

جات من كلمة عنب بكري في بلاصة لي راه ضورك مدينة عنابة

كانت اكبر منطقة في عالم لزراعة عنب بكل انوعوا ناس كل عندهم مزارع تاع عنب

وطبعا كان عندهم مخازن وين خبيوا عنب تاعهم

هذوك مخازن كانوا يسموهم العنابة يعني ما يقولكش روح للمخزن

يقولك روح للعنابة وهذيك هي عجبهم أسم وسموها مدينة العنابة

----

وهران


هي كلمة نصفها عربي ونصفها أنجلزي

وه = عربي معنها نعم

ران = run = أنجلزي معنها أجري

يخي تاع وهران يقلو واه واه

بكري في مدينة وهران كان فيها سوق جملة وكان فيه تجار من برطانية


ايا كان كي يشرجوا لوحد برويطة تعوا كي تتعمر يقولهم خلاص

يقلولو وه ران ران

يعني ياله اجري اجري به نعمروا خوك

ايا عجبتهم كلمة ومن هذك وقت وهي تسمي وه ران




علبالي علبالي انا مشاء الله عبقور مكانش كفي

خمسة في عينكم