هام.................استفسارات؟؟؟ - الصفحة 2

lola22 · 2013-03-15, 10:42

سلام اختي اسمحيلي على التاخر والله النت عيانة عندي بزاف هالايام
المهم بالنسبة للفيزياء انا شوية صافا فيها ممكن نعاونكم

الحمامة المتفائلة · 2013-03-15, 11:06

مادابينا اختي انا عندي مدة وانا نحاول نحط تمارين ومواضيع في الرياضيات والفيزياء لمناقشتها جماعة
لكن راني نواجه مشكلة في دلك هل من مساعدة ارجوووووووووووووووووووكم فالوقت يمر..............

lola22 · 2013-03-15, 11:19

علابالك راهم فتحوا الموقع للتاكد من التسجيل وانا كتبت اسم المستخدم والرقم السري خرجتلي هاذي
إما الرقم السري أو اسم المستخدم خطأ وإما ملفك غير مقبول، الرجاء التأكد من ذلك وشكرا
والله راني خايفة ميتة راح انعيط للمستشارة نسقصيها واش الحل بااك نعاود نسجل من الاول
والله ما عندي الزهر في حاجة
المهم قوليلي واش مراكيش فاهمة في الفيزياء

sousou nossa · 2013-03-15, 20:17

سلام عليكم
انا تاني ايدي ف ايدكم بانو مادة تحبوا تبداو ممكن نقدر نفيدكم و نستفاد معاكم
اختي لولا مام انا خرجلي كينا نتي اسم المستخدم و كلمة المرور خطأ
و بالنسبة لاختييار المواصيع عندي طريقة جربتها في امتحان المنافسة العلمية و عجبتني
اقراي المواضيع 2 و في ايدك قلم رصاص ديري اشارة على السؤال الي عارفة روحك راح تفتحيه في كلتا الموضوعين و بعدها قارني شكون اللي قادرة تفتحيه و تجيبي فيه نقاط اكثر
او اخدمي بالعكس اشري على الاسئلة الصعبة و قارني اللي فيه تاشيرات اكثر روحي افتحي الاخر
و موفقين كامل

sousou nossa · 2013-03-15, 20:24

سلام عليكم
ميرسي على الفكرة
مام انا ايدي بايدكم
بالنسبة للاخت لولا مام انا صايرلي مثلك ديمة اسم المستخدم و المود باص غالطة
اما بالنسبة لاختيار المواصيع
عندي فكرة جربتها في امحان المنافسة العلمية عنا و عجبتني
شوفي اقرائ المواصيع للزوج و ف ايدك قلم رصاص اشري على كامل الاسئلة اللي تشوفيهم ساهلين تقدري تفتحيهم و قارني ما بين المواصيع شكون اللي تقدري تفتحيه من خلال اكثر تأشيرات
او اخدمي بالعكس اشري على الاسئلة الصعبة اللي ما عندكش فكرة عليها و قارني شكون تقدري تجمعي فيه اكثر نقاط من خلال اقل تأشيرات مي ديري في بالك ادا اخترتي موضوع مستحيل تتراجعي في كلامك و تختاري الاخر اللي اخترتيه هو اللي تفتحيه و الاخر ارميه على جنب و ما ترجعيلوش ابدا
موفقين كامل
و انا راني في الخدمة

maroua_mimi · 2013-03-15, 22:34

wallah hada wach kont nessana fih psq aw 9arab lBAC w ani 7assa ro7i madart fiha walou
science rani ça va na9dar n3awen ... mais physique hia limkhwfatni bezaf
islamia w ijtima3iat mazal machetch m3ahom
rabi ywafa9na kamel , wmada bikom l3otla hadi nestafadou wnfidou ba3dana fiha

lola22 · 2013-03-16, 10:46

سلام حباباتي
راح نبداو بالفيزياء على بركة الله
ولكن اولا قولولي نحطوا ديراكت تمرين ولا نتناقشوا في الدروس الغير مفهومة ...؟؟؟

الحمامة المتفائلة · 2013-03-16, 18:01

السلام عليكم شكرا لكن والله الكل راهو حيران واش يعمل
وبالنسبة لاختي لولا اقترح باش تحطي تمرين ونحلوه وناقشو الدرس في وقتواحد
وهدي تربحنا الوقت والمنهجية في حل التمارين وهكدا نستفادو

الحمامة المتفائلة · 2013-03-16, 18:16

اقتباس:

المشاركة الأصلية كتبت بواسطة sousou nossa

سلام عليكم
انا تاني ايدي ف ايدكم بانو مادة تحبوا تبداو ممكن نقدر نفيدكم و نستفاد معاكم
اختي لولا مام انا خرجلي كينا نتي اسم المستخدم و كلمة المرور خطأ
و بالنسبة لاختييار المواصيع عندي طريقة جربتها في امتحان المنافسة العلمية و عجبتني
اقراي المواضيع 2 و في ايدك قلم رصاص ديري اشارة على السؤال الي عارفة روحك راح تفتحيه في كلتا الموضوعين و بعدها قارني شكون اللي قادرة تفتحيه و تجيبي فيه نقاط اكثر
او اخدمي بالعكس اشري على الاسئلة الصعبة و قارني اللي فيه تاشيرات اكثر روحي افتحي الاخر
و موفقين كامل

شكرا اختي سوسو على المعلومة والنصيحة مشكورة

lola22 · 2013-03-16, 18:33

مساء الخير
نبدأ على بركة الله بهالتمرين وهو تمرين هايل في طرق مليحة واكيد نحتاجوها بزاااف
وهو تمرين باك 2011 عالاقل نتناقشوا فيه ما تدري بالاك يجيك تمرين كيفوا هالعام وهالاسئلة تقريبا متكررة دوما ..