التسجيل في الدكتوراه ل,م,د - الصفحة 3

حساموفيتش · 2011-09-05, 18:08

اقتباس:

المشاركة الأصلية كتبت بواسطة rita05

بارك الله فيك على خاطر انا ماعندي حتى ديبلوم زايد وهذا خلاني نخاف على خاطر جامعة باتنة فيها شوية لعب

بلا ما تقوليلي على واش صاري في باتنة علابالي ههههههه

أذكري كلش في رسالة التحفيز أي حاجة تعرفيها قوليها، وشي ننصجك الحاجة لي ماشي متمكنة فيها مليح أكتبي حذاها مع التمكن المقبول ( باش ما يحكمو عليك حتى حاجة)

حساموفيتش · 2011-09-05, 18:13

اقتباس:

المشاركة الأصلية كتبت بواسطة جنى الرحمن

السلام عليكم سيد حساموفيتش لو تكرمت واطلعتنا على المقابلة من البداية الى النهاية
لاني العام الماضي لما دخلت على اللجنة قالو لي اعطينا عنوان مذكرة الماستر ثم عنوان مذكرة الليسانس
ثم طلبو مني اعطاء الملخص فالقيت الملخص بالعربية ولم اكمله لااني ارتبكت ولم القي باللغة الفرنسية ولا الانجليزية لانه لم اعلم بانه علي احضار ملخصات بثلاث لغات
ثم اخذو بعض الكلمات من مذكرة الماستر وطلبو مني شرحها فاجبت شوي
ثم سالوني سؤال اغضبني كثيرا وعندما اتذكره احزن وباستهزاء هل انت متاكدة بانه من قام بتحضير هذه المذكرة والله خير شاهد .على ذلك.
واخيرا سالوني عن الاعلام الالي فاجبت قليلا
فنرجو منك ان تعطينا كيف كانت المقابلة عندما دخلت على اللجنة من البداية الى النهاية في جامعة بسكرة وجزاااااااااااااااااااااااااااك اللــــــــــــــــــــــــــــــــــــــــــــه خيــــــــــــــــــــــــــــــــــــــــــــــرا على كل معلومة افدتنا بها .نستودعكم الله الذي لا تضيع ودائعه والسلام عليكم ورحمة الله وبركاته.

تقريبا مثلك اختي، زايدين فقط انو في البداية يطلبو دوافع الترشح ( علاش جيتي للدكتوراه)، و لازم الملخص باللغات الأجنبية ( و كاين لي ما طلبوش عليه مي قالولو اهدر معانا بالفرنسية أو الإنجليزية)
حبيت نقولك ماكانش حاجة اسمها جاوبت شوية، و ماكانش نتاع تتقلقي لازم تباني عادي و ماشي خايفة.

lynda04 · 2011-09-05, 22:14

السلام عليكم و رحمة الله و بركاته
بارك الله فيك اخي على هذه التوضيحات (افدتنا كثيرا)
بالتوفيق للجميع

hafsa automatique · 2011-09-07, 10:23

بارك الله فيك
أود أن أسألك هل يوجد اختبار كتابي أم شفوي فقط
هل يتم سؤالنا في مذكرة الليسانس أيضا

n.sohaib2011 · 2011-09-07, 11:03

يا إخواني تم فيح مناصب دكتراه ل م د بصح قليلة ثلاثة في كل تخصص و بالتوفيق و لي حاب يعرف وين يدخل غوغل و يكتب مناصب دكتراه ل م د و يخير منتدى الجلفة و يشوف وين توافقو و بالتوفيق

bilal12 · 2011-09-07, 11:37

اقتباس:

المشاركة الأصلية كتبت بواسطة n.sohaib2011

يا إخواني تم فيح مناصب دكتراه ل م د بصح قليلة ثلاثة في كل تخصص و بالتوفيق و لي حاب يعرف وين يدخل غوغل و يكتب مناصب دكتراه ل م د و يخير منتدى الجلفة و يشوف وين توافقو و بالتوفيق

يأخي ضع لنا الرابط مباشرة هنا

حساموفيتش · 2011-09-08, 06:52

اقتباس:

المشاركة الأصلية كتبت بواسطة hafsa automatique

بارك الله فيك
أود أن أسألك هل يوجد اختبار كتابي أم شفوي فقط
هل يتم سؤالنا في مذكرة الليسانس أيضا

مسابقة الدكتوراه فيها مقابلة برك، أما فيما يتعلق بالمذكرة فالأصل لي كاين في المرسوم هي مذكرة الماستر، لكن هذا لا يمنع اللجنة من سؤالك على مذكرة الليسانس، لأنو من البديهي أن يحبو يعرفو واش خدمتي في الليسانس.

حساموفيتش · 2011-09-08, 06:53

اقتباس:

المشاركة الأصلية كتبت بواسطة n.sohaib2011

يا إخواني تم فيح مناصب دكتراه ل م د بصح قليلة ثلاثة في كل تخصص و بالتوفيق و لي حاب يعرف وين يدخل غوغل و يكتب مناصب دكتراه ل م د و يخير منتدى الجلفة و يشوف وين توافقو و بالتوفيق

يا أخي مازال لم يصدر شيء

جنى الرحمن · 2011-09-08, 13:36

السلام عليكم سيد حساموفيتش انا عالقة هذه الايام منذ ايام وانا ابحث عن من يترجم الملخص باللغة الفرنسية والانجليزية فلم اجد احدا ساعدني من فضلك