Biologie في المسيلة

أسطورة الخريف · 2014-07-21, 22:36

السّلام عليكم ورحمة الله وبركاته

سأدرس السنة المقبلة إن شاء الله بيولوجيا في القطب الجّامعي بمسيلة ،

منْ لديهِ المعلومات الكافية بالنسبة لهذه الشعبة [ من حيث مقدار الصعوبة ، طبيعة الدراسة والأساتذة ، وهل هي ممتعة كما يقال ... إلخ ]

في البداية لم أكن مقتنعة بها ، لكن علّ في ذلك خيرًا ^_^

it me · 2014-07-21, 22:43

اقتباس:

المشاركة الأصلية كتبت بواسطة أسطورة الخريف

السّلام عليكم ورحمة الله وبركاته

سأدرس السنة المقبلة إن شاء الله بيولوجيا في القطب الجّامعي بمسيلة ،

منْ لديهِ المعلومات الكافية بالنسبة لهذه الشعبة [ من حيث مقدار الصعوبة ، طبيعة الدراسة والأساتذة ، وهل هي ممتعة كما يقال ... إلخ ]

في البداية لم أكن مقتعنة بها ، لكن علّ في ذلك خيرًا ^_^

مرحبا اختي البيولوجيا حلوة وممتعةبزاف و راح تعجبك و مع الوقت مين تلحقي وتديري التخصص وراح تزيد تحلى اكثر

منعرفش نشرح اسئلي واش تحبي و انا نجاوبك

أسطورة الخريف · 2014-07-21, 22:57

اقتباس:

المشاركة الأصلية كتبت بواسطة it me

.

السّلام عليكم أختي It me

حسنًا سأقوم بطرح كلّ سؤال يدور في ذهني

من أي ولاية أنتِ لأنني سمعتُ أنّ دراسة شعبة معيّنة تختلفُ من ولاية لأخرى ؟!

سمعتُ بأنّه لا جدوى من دراسة البيولوجيا في الجزائر ! لماذا يا ترى

وهل صحيح أنهم وحدهم المتفوّقين هم من يحصلون على الماستر ؟ [ سأكون متفوّقة إن شاء الله ]

التخصّص يكون في السنة الثانية أو الثالثة ؟

الدراسة ممتعة وشيّقة أم العكس ؟

هل نشتري فعلا الـمئزر ؟

كم عدد الأيام في الأسبوع التي ندرس فيها، وكم ساعة في كل حصّة ؟

هل تواجهك صعوبات في الدراسة باللغة الفرنسية ؟

قد قمت بتحميل بعض الملفّات للسنة 1 جامعي بيولوجيا
من هنا لتقيّمي الملفات

هل ينبغي الحفظ أكثر من الفهم ؟

،’ وهل أبدأ في ترجمة بعض المصطلحات من هذه الملفات في هذا الشهر المتبقّي من العطلة حتى أجد نفسي غير تائهة مرّة أخرى ؟

وأخيرا وليس آخرًا : أ صحيح أن الدكتور يلقي الدرس فقط بدون أن يقوم بشرح الدّرس والمناقشة مع الطّلاب الجامعيين ؟

شكرا

سأعود إن وجدتُ بعض الأسئلة

it me · 2014-07-21, 23:11

اقتباس:

المشاركة الأصلية كتبت بواسطة أسطورة الخريف

السّلام عليكم أختي It me

حسنًا سأقوم بطرح كلّ سؤال يدور في ذهني

سمعتُ بأنّه لا جدوى من دراسة البيولوجيا في الجزائر ! لماذا يا ترى
مش الحكاية هكا اختي البيولوجيا في الخارج عندها قيمة عالية بزاف و الطب يعتمد عليها خاصة في التحاليل لكن احنا عندنا نقص الامكانيات و المخابر باش نديرو التحاليل و البحوث العلمية يعني ناقصين بزاف و هي تطلب تطبيقات في الواقع في مختلف التخصصات مثلا تقرا فرماكولوجي و تحضري دواء و متلقايش على من تديري تجربة حيوانات مش متوفرة و الامكانيان قليلة
مثلا تقراي تخصص مراقبة الاغدية و قلة المصانع في بلادنا ولازمك معريفة باش تروحي و تديري سطاج و تتعلمي

وهل صحيح أنهم وحدهم المتفوّقين هم من يحصلون على الماستر ؟ [ سأكون متفوّقة إن شاء الله ]

نسبة الطلبة المقبولين في الماستر راح تكون محددة و لوكان يكونعدد الطلبة في اليسانس بزاف لازم تكلاقي من الاوائل باه تضمني مكانتك في الماستر وهادي راهي في جميع التخصصات هاد هو قانون الماستر

التخصّص يكون في السنة الثانية أو الثالثة ؟
التخصص في السنة ثالثة لكن سمعت مثلا جامعة تبسة يديرو تخصص في السنة 2 لكن اغلبية الجامعات في السنة 3 بعد ما تكملي عامين ترونكوما

الدراسة ممتعة وشيّقة أم العكس ؟
ممتعة جدا جدا خاصة الا تحبي العلوم و حلاوة المخابر روعة هادي في سنة 1 و2 و امبعد تزيد تحلى بعد ما تولي في تخصصك روعة

هل نشتري فعلا الـمئزر ؟
هههههه عجبتني هادي اكيد مئزر تاع الاطباء ماشي تاع الليسي ههه باه تدخلي للمخبر

كم عدد الأيام في الأسبوع التي ندرس فيها، وكم ساعة في كل حصّة ؟
في كل حصة عندك 1.30 و حسب البرنامج لكن مش شارجي ابدا راح نحاول نجيبلك البرنامج اوك

هل تواجهك صعوبات في الدراسة باللغة الفرنسية ؟
بصراحة والله مش عارفة لان انا جيدة في الفرنسية الا كان مستواك مليح مش راح تعاني ابدا العكس مع الوقت توالفي وترجع العربية صعيبة تجيب قصة ولف بالمصطلحات في بداية الامر برك
لكن الطلبة الي ضعاف في فرونسي يعانيو نوعا ما خاصة في بداية الدراسة

قد قمت بتحميل بعض الملفّات للسنة 1 جامعي بيولوجيا
من هنا لتقيّمي الملفات مليح يكون عندك برنامج المواد تقدري توجدي درسك و تفهمي من النث لان ال ام دي مش يعطيك كلش لازمك تبحث

هل ينبغي الحفظ أكثر من الفهم ؟مستحيل اختي البيولوجيا فهامة تفهمي احسن من انك تحغظي وكل مادة وكيفاه

،’ وهل أبدأ في ترجمة بعض المصطلحات من هذه الملفات في هذا الشهر المتبقّي من العطلة حتى أجد نفسي غير تائهة مرّة أخرى ؟
مليح اختي متخافيش مع الوقت توالفي و راح تولي بروفسورة

وأخيرا وليس آخرًا : أ صحيح أن الدكتور يلقي الدرس فقط بدون أن يقوم بشرح الدّرس والمناقشة مع الطّلاب الجامعيين ؟
الدكتور يلقي المحاضرة الا عندك مشكل و لا تعقيب راح تشاركي عادي مكانش مشكل و تناقشي لكن نظن مع العدد الجد كبير كبير والله صعيبة مي عادي جدددا

شكرا

سأعود إن وجدتُ بعض الأسئلة

في انتظارك

it me · 2014-07-21, 23:25

اختي اكتبي

Programme 1ère année Biologie

تلقاي pdf تليشارجيه معرفتش كيفاه نحطوو

اصيل الشرق · 2014-07-21, 23:30

اهلا كيف الحال اختي ’؟......بما انك خبيرة في البيولوجي ساطرح عليك سؤال هههههه واش رايك ؟

مارايك في سبيسياليتي تاع microbiologie fondamontalle مليحة وفي واش تقدر تخدم بيها ؟

it me · 2014-07-21, 23:38

اقتباس:

المشاركة الأصلية كتبت بواسطة BAYZI

اهلا كيف الحال اختي ’؟......بما انك خبيرة في البيولوجي ساطرح عليك سؤال هههههه واش رايك ؟

مارايك في سبيسياليتي تاع microbiologie fondamontalle مليحة وفي واش تقدر تخدم بيها ؟

اهلا وسهلا بيك خويا ايزي لاباس
وي ميكرو بيولوجي من افضل التخصصات في البيولوجيا تشتمل دراسة فيها على مختلف المجالات الرائعة
fondamental, médical, environnement, industriel, agronomique,

و تعتمد على دراسات الميكروبيولوجيا الحية دراسة مختلف الكائنات الحية مثل البيكتيريا الفيروسات و غيرها و كيفاه تتحكم في النشاط تاعهم مين يكونو مش ملاح للصحة مثلا فيروسات و لا كيفاه تقوم بتطويهم لاستفادة منهم كيما les levures

تقدر تخدم في مجال التحاليل الطبية و مخابر الدراسات الطبية

هاد مجرد امثلة تخصص جميل

أسطورة الخريف · 2014-07-21, 23:44

اقتباس:

المشاركة الأصلية كتبت بواسطة it me

في انتظارك

السّلام عليكم مرة أخرى

=)

هههـ ،، الفرنسية لستُ ضعيفة لدرجة أنني لن أفهم شيئا

يعني أتحدّث بشكل مقبول بهذه اللغة ، وكنتُ من الجيّدين في الثّانوية ( علاماتي مرضية )

لكنْ الفرنسية العلمية لا أظنّ أني أفقهُ فيها شيئًا :d

it me · 2014-07-21, 23:55

اقتباس:

المشاركة الأصلية كتبت بواسطة أسطورة الخريف

السّلام عليكم مرة أخرى

=)

هههـ ،، الفرنسية لستُ ضعيفة لدرجة أنني لن أفهم شيئا

يعني أتحدّث بشكل مقبول بهذه اللغة ، وكنتُ من الجيّدين في الثّانوية ( علاماتي مرضية )

لكنْ الفرنسية العلمية لا أظنّ أني أفقهُ فيها شيئًا :d

خلاص ملا مدام مليحة وتفهميها
فرنسية العليمية واحد ما عنده معرفة فيها حتى توالفي المصطلحات وكلنا كنا مثلك في البداية امبعد خلاص راح ترجعي جيدة جدا

اصيل الشرق · 2014-07-21, 23:56

اقتباس:

المشاركة الأصلية كتبت بواسطة it me

اهلا وسهلا بيك خويا ايزي لاباس
وي ميكرو بيولوجي من افضل التخصصات في البيولوجيا تشتمل دراسة فيها على مختلف المجالات الرائعة
fondamental, médical, environnement, industriel, agronomique,

و تعتمد على دراسات الميكروبيولوجيا الحية دراسة مختلف الكائنات الحية مثل البيكتيريا الفيروسات و غيرها و كيفاه تتحكم في النشاط تاعهم مين يكونو مش ملاح للصحة مثلا فيروسات و لا كيفاه تقوم بتطويهم لاستفادة منهم كيما les levures

تقدر تخدم في مجال التحاليل الطبية و مخابر الدراسات الطبية

هاد مجرد امثلة تخصص جميل

شكرا جزيلا اختي ربي يوفقك وعودة موفقة للمنتدى

it me · 2014-07-22, 00:10

اقتباس:

المشاركة الأصلية كتبت بواسطة bayzi

شكرا جزيلا اختي ربي يوفقك وعودة موفقة للمنتدى

ربي يخليك خويا تحياتي

أسطورة الخريف · 2014-07-22, 01:28

أهلًا ،

على ماذا أركّز في الفصل الأول من السنة الأولى ؟

وما هي أصعب مادّة في البيولوجيا . و المادّة ذات أكبر معامل !

في المستقبل إن شاء الله ماذا يمكنني أن أعمل؟

( سمعتُ بأنه هناك فرص للعمل في المخابر ، الصيدليات ، وزارة التّجارة :/ )

هـل أستطيعُ إكمال الدّراسة في الخارج إذا تفوّقت ؟!

it me · 2014-07-22, 16:15

اقتباس:

المشاركة الأصلية كتبت بواسطة أسطورة الخريف

أهلًا ،
بيك اختي

على ماذا أركّز في الفصل الأول من السنة الأولى ؟
شوفي معايا

عندك الوحدة الاساسية تشتمل

chimie i
ساهلة و دراستها بسيطة جدا عليك على الانتباه وحل تمارين برك

biologie cellulaire
هادي تاني من اسهل المواد انتباه و شوي تركيز برك

géologie
جيولوجي تاني ابسط و اسهل المواد و راح تجيبي نقطة عالية بسهولة جدا واغلبية يدو فيها من 16 لفوق

mathématique, statistiques et informatique i
رياضيات انا منحبهاش ومكونتش نقراها مش نكسر راسي فيها
و اعلام الي حاجة تافهة بزاف
احنا في وقتنا كونا نديرو الرياضيات على10 و اعلام على 10 و نجمعو المادتين النقطة على 20
دورك مش عارفة الا بدلوها ولالا
و اذا اديتي في جيولوجيا مليح و نقطة ممتازة راح تخرجي الوحدة بسهولة

méthode de travail et terminologie
هادي منهجية العمل تقراو كيفاه تتعلمو تديرو مثلا ميموار اساسيات تاعهم هادي سهلة اقراي و جاوبي

histoire universelle des sc. Biologiques
هادي حفاظة تقراي تاريخ المواد سامطة هادي مي ساهلة كل يدو نقاط مليحة

يعني بالاجمال السوماستر الاول ساهل بزاف و تقدري تلحقي حتى 15.16 معدل بسهولةةةةة بالاضافة راح يدخلو الاعمال التطبيقة tp و td و نقاطهم تساعد بزاف في تحسين العلامات

زيدي و نفهمك كيفاه تحسبي النقاط

وما هي أصعب مادّة في البيولوجيا . و المادّة ذات أكبر معامل !
اكيد كل عام وكل سوماستر كيفاه اما اصعب مادة مكانش عليك وعلى دراسة فقط واكيد البيولوجيا هي المادة الاساسية و معاملها اعلى و كيمياء

في المستقبل إن شاء الله ماذا يمكنني أن أعمل؟
شوفي اختي تخصصات البيولوجيا بزاف بزاف وكاين الي تلقايهم في جامعة مش تلقايهم في اخرى و هاك
بالاجمال البيولوجيا تابعة للطب تخدي في مخابر التحاليل تاع الدولة يعني سبيطار و لا خواص تقدري تخدي في مخابر تحاليل المواد الغدائية و في المصانع تاني مع وزارة التجارة و كاين تخصصات البيئة تخدمي مع تاع الغابات مثلا و تاني تقدري تعليم معلمة علوم ولا في تقري في جامعة و صيدليات

هـل أستطيعُ إكمال الدّراسة في الخارج إذا تفوّقت ؟!
احنا عندنا ما يعرف بلبورص و هي تكفل الجامعة بطالب المتفوق باه يروح يقرافي الخارج مليحة الا تحتلي المرتبة 1 في شعبتك و تقديري معريفة:d الا كاين و عندك قدرات باه تروحي للخارج اكيد

في انتظارك

أسطورة الخريف · 2014-07-22, 22:55

Woow

عجبوني إجاباتك وشوّقتيني أكثثثَر باه نقراها
،’

إن شاء الله نرجع ليك بأسئلة أخرى ،، برك قوليلي إذا تعبتك _

it me · 2014-07-22, 23:26

اقتباس:

المشاركة الأصلية كتبت بواسطة أسطورة الخريف

woow

عجبوني إجاباتك وشوّقتيني أكثثثَر باه نقراها
،’

إن شاء الله نرجع ليك بأسئلة أخرى ،، برك قوليلي إذا تعبتك _

راني اهنا ختيتو نونو متعبتنيش يسعدني ذلك يليق تحبيها باه تقرايها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري