اهم الادوات لي تديها معاك للثكنة

[amine eco]

السلام عليكم
نظرا لاقتراب فترة التجنيد اقدم لكم هذا الموضوع الهام و المتمثل في قائمة لاهم الادوات لي تديها للثكنة وجدوها من ذك وهي كتالي :
1-بورطفاي لي يتعلق في الرقبة باه تحط فيه النقود والوثائق تاعك وتكون هازو معاك ديما
2- كتب - زرية تاع صلاة - مصحف - قواميس فرنسية عربية انجليزية ثقف روحك
3-مواد التنظيف دونتيفريس صابون ريحة شامبوا دييودورون كل مواد النظافة
4- لومو باه تغسل قشك في البداية مايمدوش حتى ينطلق السطاج+ شمبوا و صابون
5-ادي معاك كادنة باه تقفل لارموار تاعك الابرة والخيط + الشيتا تاع القش باه تغسلوا الكومبا+غطاء للماطلة
6- كثر الملابس الداخلية +زيت زيتون كان تشربو
7-ادي معاك عسل حرة اونكا تحتاجها
8-ادي معاك دوليبران ولا براسيطاموول اونكا وجعك راسك ...دواء منع الامساك
9-ادي معاك قاطو هههههههه تعقب بيهم الوقت قبل مايبدا السطاج
10-المواد التي ستسحب منك في الباب : المرآة -المقص - ريزوار - جوطابل كاين لي نحاوهملهم كاين لي منحاوهمش المواد الحادة ستسحب منك في الدخلة - سكين ولا فرشات ...
الخواتم ولي قورمات و السناسل تاع الفضة عندكم ينحيوهملكم الجنود لي يفتشوكم يقلك ممنوعو ولا حاجة ام يديوهم ليهم اتولهو راني حذرتكم
11- ملف طبي او كفالة ان وجد
12- دراهم ادي معاك 6000 دج او اكثر
13-بليغة باش تريح من الصباط
14-مقص الاظافر ومشط باه تمشط شعرك وتفليكسي 1000دج
15-multiprise باش تقدر تشارجى البورطابل + مساسك تاع حوايج
ملاحظة: منقول من عند الاخ جندع + بعض التعديلات و الاضافات

بارك الله فيكم ولا تننسونا بخالص الدعاء