|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
شواط بني مسيل ......شخشوخة تقليدية مئة بالمئة
|
أدوات الموضوع | انواع عرض الموضوع |
2015-05-26, 14:37 | رقم المشاركة : 1 | ||||
|
شواط بني مسيل ......شخشوخة تقليدية مئة بالمئة
السلام عليكم ورحمة الله وبركاته
طبقنا لليوم تقليدي مئة بالمئة نتمنى يعجبكم وينال رضاكم اول شيئ نوجد الشخشوخة واللي هي 2 كيلات دقيق بكيلة فرينة ملح ونلمها بالماء مليح نغطيها بكيس ونخليها ممكن حتى تشمخيها في الليل وللصباح تستعمليها انا هنا شمختها الصباح وحتى للعشية باه طيبتها المهم من بعد ما تريح نعجنها مليح كيما لمسمن بلا تقطاع وكل مرة نرش بالماء حتى تطلق روحها نزيد نخليها ترتاح شوية ثم نعمل كريات شوية كبار بمساعدة الزيت نغطيهم بكيس ونحط الطاجين نتاع لحديد يسخن على نار ذليلة نبدى الطياب طيابها شوية يختلف على المسمن العادي لانو رايحين نطيبوها بخليط من الماء والزيت ولما نطرحها رايحة تكون شوية خشينة كل ما طيبي واحدة راح تشوفيها بلي انتفخت شوية هاذا يعني راهي ناجحة وحتى انها راح تشكل زوج طبقات منفصلين نرش عليها الزيت اللي مخلط مع الماء واللي اكيد طرحناها بيه لازم تلوحي واحدة طيب وفي نفس الوقت فتي الاولى اللي طابت على خاطر تجيك اسهل للتفتات وهي سخونة بعد ما تكملي طياب وتفتات لوحيها تفور مليح مرة واحدة تكفي وجدي المرق نتاعك من الاحسن نستعمل الدجاج 2 حبات بصل مرحيين ثوم مرحي هاذ الشخشوخة تحب الطماطم نتاع الحب يعني 3 حبات كبار طايبين من قبل ومرحين في الرحاية اليدوية 2 م ك طماطم مركزة زيت ملح افاك فلفل اسود وفلفل احمر حلو 1 م ك هريسة نقلي هاذ الخليط مليح مليح قد ما تقلي تجيك بنين على راي ام ياسين السر في البنة هو التقلية لمليحة من بعد لوحي الخضر نتاعك بشرط حبة بطاطا قطعيها عادي و2 او 3 حبات بطاطا متوسطين الحجم خليهم هكذاك من بعد نقلك لوحي الحمص نتاعك اللي اكيد ره طايب من قبل نصف طياب وامرقي بالماء واغلقي لاكوكوت نتاعك وخلي كلش يطيب لما يطيبلك الدجاج والخضر نتاعك نحي البطاطا اللي خليتيها حبات ثم ارحيها في الرحاية اليدوية مباشرة في المرق راح تمدلو ثقل وبنة رائعة فرغي المرق نتاعك في قدر اخر وخلي الخضر بجيه حطي على النار ولما يغلي لوحي الشخشوخة نتاعك تتجمر في المرق لوحي معاهم طرف صغير زبدة وهاذ الشخشوخة بالذات فيها زوج حوايج لازمين وضروريين باه جيك بنة حقيقتا هباااااال البصل الاخضر المقطع الى مكعبات صغار وطرف دهان لوحيهم في الشخشوخة وهي تتجمر وحركي مليح بملعقة خشبية وزيدي المرق اذا احتاجت ثم طفي النار وغطي عليها 5 او 10 د وقدميها بالصحة والهناء مع طاس لبن امممممم راهي عن جد لذيذة وتختلف شوية على الشخشوخة اللي متعودين عليها نتمنى تعجبكم حبيباتي في امان الله
|
||||
2015-05-26, 14:45 | رقم المشاركة : 2 | |||
|
تبارك الله اختي يعطيك الصحه |
|||
2015-05-26, 14:47 | رقم المشاركة : 3 | |||
|
الله الله عليك |
|||
2015-05-26, 14:53 | رقم المشاركة : 4 | |||
|
nachkoura 3alla jamai3 najhoudette |
|||
2015-05-26, 21:17 | رقم المشاركة : 5 | ||||
|
اقتباس:
نورتي بردك حنونة ربي يكافئك بالخير |
||||
2015-05-26, 21:19 | رقم المشاركة : 6 | ||||
|
اقتباس:
غير ارواحي نلاقيك بالورد واللبوسات من فوق يسعدني مرورك حبيبتي ام اسلام وراهي ماشي غير حارة تشلفط احححححححححح |
||||
2015-05-26, 21:21 | رقم المشاركة : 7 | |||
|
وفيكي بركة اختي الكريمة منورة بردك الحلو والجميل
|
|||
2015-05-26, 21:22 | رقم المشاركة : 8 | |||
|
حبيبتي اسمهان تشبه لهدي اضربي طلة وكاين اللي يديرها باللحم |
|||
2015-05-26, 21:30 | رقم المشاركة : 9 | |||
|
الله يسلامك رني ديتها متعشيتش ونحب لحرارة والشخشيخ حنا نغليوها فى قسعت الطيان يمممممممممممممممممممممممممممممم |
|||
2015-05-26, 22:09 | رقم المشاركة : 10 | |||
|
روووووووووووووووووووووووووووووعة
هاذا وين شفتها يا اسمهان ......... راني مت بالسخفة و الله غير تبان تهببببل و راني من مدة وانا نحوس على وصفتها لكن دون حرور |
|||
2015-05-26, 22:54 | رقم المشاركة : 11 | |||
|
يعطيك الصحة هذي كون يشوفها راجلي لما يقلي ذرك تعمليها لانو دراجي اب عن جد كليتها مرة عند فاملتو بنييييينة للاسف عمري لا عملتها و انت عملتيلي الكوراج ان شاء الله نطبقها قبل رمضان مشكورة على المجهود |
|||
2015-05-27, 08:32 | رقم المشاركة : 12 | |||
|
مممم شهيتيني فيها اسمههان نموت على الاطباق التقليدية , شفتى كل منطقة وتراثه المطبخي الاصيل وكذلك الصحي |
|||
2015-05-27, 08:43 | رقم المشاركة : 13 | |||
|
يخرب دباديبك نوضتيلي مشاعري الراكدة من زمااااااااااااان ياااااااااااي ههههههههههههه تهبل تهبل يعطيك الصحة وحنا في جيهة بريكة نسميوها الباطوووووط يامي يامي يالفحلة الله يبارك فيك |
|||
2015-05-27, 09:46 | رقم المشاركة : 14 | |||
|
اممممممممممممممممممممممم يعطيك الصحة و ربي يحفظك |
|||
2015-05-27, 10:14 | رقم المشاركة : 15 | |||
|
يعطيك الصحة |
|||
الكلمات الدلالية (Tags) |
......شخشوخة, لشخم, بالمئة, تقليدية, شواط |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc