شرح منطقة الراحة هي السبب

[UltrasDzCoder]

منطقة الراحة هي السبب
اهم مشكل تقيس اي واحد حاب يتعلم البرمجة او اي مجال كان هي منطقة الامان ، منطقة الامان تخليك تحس روحك بلي ماشي لازم تغامر ، ماشي لازم تتعلم ، ماشي لازم تعطي وقتك لحاجة مملة ومفيدة ، الاسوء هو تخليك ترقد ونا ماراك حاط حتى هدف تمشي عليه وان كان صغير ، عموما الخروج من هذي الدائرة يتطلب منك اعادة التفكير في حياتك واعادة ترتيب اولوايتك


ثاني اخطر مرحلة مور منطقة الامان هي منطقة الخوف ، منطقة هذي تخلي الانسان يخاف باش يبدا في التعلم ، يقعد غير يعذر في روحو يقول انا معنديش كذا وكذا ، والناس دارت ومانجحتش ، ونتا عندك وانا ماعنديش ، ويغلب على هذي المرحلة الثاثر من هذرة الناس وتوجهاتهم وانتظار موجه لهم ، الخروج من هذا المنطقة يتطلب القرار باتباع طريقك المخدد سابقا في منطقة الراحة و الدخول فيه بلا اي ندم وظن ، هذي المرحلة حساسة ديباسيها راح ينضج العقل ديالك ويتوجه لاهم مرحلة

مرحلة التعلم ، وهي نتاج تخطي المراحل السابقة ، وهي المرحلة لي يديسيدي فيها الشخص واش يتعلم ويلولي يخمم في تكريس وقتو او جزء منو في تعلم المهارات (ومن بينها البرمجة ) بطبيعة الحال ماشي بتلك السهولة ، بصح يتاعامل مع صعوبات التعلم كتحديات او اهداف صغيرة باش يتجاوزها ، مرحلة هذي تكون من متوسطة الى طويلة الاجل ، وكلما اتخد المتعلم وقت اطول كلما كان اتقانك لما تتعلمه اكثر ةاكثر، وهي ايضا منطقة غير نهائية قابلية تجددها كبيرة في جميع االمجالات والمجال الواحد

المرحلة الاخيرة او منطقة النمو ، وهي منطقة ماتجيش مور مرحلة التعلم بالعكس هي مرحلة تجي مور مرحلة الخوف حيث انك كل ما تنجز هدف او تتجوز عقبة ما فان عقلك راح ينضج وينمو اكثر واكثر وكل نمو في مرحلة التعلم هو زيادة في غزارة المهارات ومنها ايضا التوجه الى تصريف مهاراتك وتحويلها الى انتاجية وايرادات او تحقيق هدف كبير نسبيا ، مرحلة هذي تتطلب تسجيل الاهداف وتحقيقها ومنها دراسة التقدم في سير (التعلم او مشروع او ازالة مشكلة ....الخ) ويستحسن دراسة النمو وتقديره بالحسابات والمعطياات افضل


السؤال واش من مرحلة/منطقة راك فيها ؟ 😗
ملاحظة : قناتنا للبرمجة بالدارجة الجزائرية تعرض محتويات ودورات تعليم🔥ية في البرمجة من الصفر الى غاية الاحتراف يشرفنا زيارتك لينا وانضمام لنا
🔥🧡✔💯♥🌠👇
https://cutt.ly/anbPgqD