ازاى نعود ولادناا ع المذاكرة لوحدهمم ضروررررى

[lutfialtamimi]

هنتكلم عن المذاكرة وازاى نخلى الولاد يعتمدوا ع نفسهم بثقهابتسامة

- قطشيعة تقطع المذاكرة وسنينها.باضحك
- مالك يا ناريمان يا حبيبتشي ؟!
- الولد بقى عنده أربع سنين ولسه مش عارف مصلحته يا أختشي...تخيلي؟انا باغلي
- لا ما تقوليش !
- استنى لحظة...
طاخ طيخ طوخ
- أيوه يا شاهيناز يا روحي...أصل الولد جاي يقولي يا ماما عملية الضرب دي بتتعمل إزاي...فوريته الضرب على أصوله؟باضحك



طبعا زي ما حضراتكم شايفين...القصة دي بتتكرر كل يوم في بيوتنا...لحد ما بقت بايخة قوي بصراحة.
طب هي إيه المشكلة؟
لا خليني أسألك يا أستاذة ناريمان...هو حضرتك عايزه الطفل يذاكر ليه؟
علشان ينجح وينفع نفسه يا خويا...وهي دي عايزه سؤال؟
طب ينجح وينفع نفسه ليه؟ مش علشان في الأخر يكون إنسان سعيد؟
هل طريقة حضرتك دي هتخليه يطلع إنسان سعيد؟
حضرتك عاملة زي اللي عايز ينور البيت...فقام مولع فيه !
طب نعمل إيه؟
بدل ما تتنرفزي يا أستاذة ناريمان...وتربطي الولد من رجليه.
وتجرجريه على السجادة ... والولد يمسك في الشراشيب بتاعت السجادة بقى ويعمل فيها محمود المليجي في فيلم الأرض:
والمذاكرة لو تعبانا...نقتل ولادنا معانا.
شوفي يا ستي
أولا: لازم نفهمي...إن الطفل مش عارف مصلحته..ولا يفهم يعني إيه مستقبل. أي والله...زمبئولك كده !
فبلاش تروشينا معك وتقعدي تقولي الطفل عنيد وهيضيع مستقبله.
ثانيا: الطفل يا أستاذة ناريمان...مفروض في السن الصغير...تقعدي تنمي وتطوري فيه مهارات المذاكرة...مش تحشيه بالكفتة اللي بيزرعوها في دماغنا.
مش مصدقة...طب قولي لي كده دورة حياة الصرصور؟ فاكراها؟
لا لا غير إنك بتشوفي الصرصار ... فتجري وراه بالشبشب وتضربيه على الحيطة.باضحك
طب بلاش...فاكرة قصة عمر وأمل ركبو الجمل...هاجر عمر ... نفض لأمل؟
يا جماعة الخير...كل ما كان الطفل صغير...مفروض نعلمه إزاي يذاكر وإزاي يفكر...مش يذاكر ويفكر.برهبره
نعلمه إيه؟
أيوه...نعلمه ال "إزاي" دي...يعني نعلمه الطريقة...علشان يكبر بيذاكر لوحده.
طب يا خويا التعليم الفاشل عندنا...حزينةوالولد راجع شايل هموم الدنيا في شنطته.
ما دي خيبة كبيرة...علشان كده لازم نصلح أحنا ونحاول نخلي الطفل يحب فكرة الكتابلا مش معقول...يحب فكرة القراءة وتحصيل العلوم.
وتملك الغيط من الأسدموافقة...ويلوك ويلوك ويلوك.
في أمريكا والدول المتقدمة...يقولك الطفل لازم تحببه في فكرة الكتاب...تحط له كتاب في كل مكان.
حط كتاب جنب السرير...كتاب في الصالة...كتاب في الحمام حتى...أروش اللي خلفوه.
لازم يحب الكتاب...!
يعني تخليه يحب يشتري كتابباحبك...وتبقى هديته المفضلة الكتاب.
وكل يوم ولو ربع ساعة تاخديه في حضنك وتقرأي معه كتاب.
من أول ما يتولد لو تقدري.
ومن الحركات الظريفة إنك تخليه هو يقرأ ويسألك...قولي له: أقرأ وعلمني بقى يا ****.بارقصمكسوفة
وفيه سلسلة كتب في أمريكا اسمها "أنت تقرأ لي وأنا أقرا لك"...زي فكرة أديني حبك وخودي حناني كده !
بتبقى قصة من شخصيتين...الأم بتقوم بدور والأب يقوم بدور...والابن يحلق لهم ويفضل يلعب فيديو جيمز انا متنرفزة
لا...مفروض الابن يقرأ شخصية الأرنوب مثلا...والأم تقرأ شخصية الثعلوب.
هل أنتم حاسين إن الطفل عندنا بيحب الكتاب؟
طيب برضو يا خويا ما قولتليش أخلي الولد يذاكر إزاي...ويطلع من الاوائل على الحضانة...؟ بلا يحب بلا ما يحبش بتاعك دي
سواء في حضانة أو مدرسة...المذاكرة فكرة واحدة.
لازم الطفل يتعلم ويتعود على فكرة المذاكرة...وكمان يستمتع باللي بيعمله.
طب خليني أسألك...أمتي كانت أخر مرة قرأتي فيها كتاب؟
طبعا غير مجلات الموضة والطبخ وميكي وسمير...والدراسات العلمية المتقدمة دي.
ليه أنتي مش بتذاكري وتقرأي؟
علشان خاطر أنتي ما تعلمتيش من صغرك إن القراءة مهمة...ويمكن أهم حاجة في حياتك.
يعني ما حدش زرع فيكي...فكرة إن أول كلمة نزلت من القرآن الكريم هي "أقرأ"
وللأسف أمة أقرأ ...لا تقرأ !
عموما علشان عارف إن خلقك ضيق...وصينية البطاطس هتتحرق في الفرن.
خليني أديلك شوية نقاط تساعدك في موضوع المذاكرة للأولاد.
أولا: بلاش تخيلي الطفل معك.
يعني بلاش حضرتك تسيبي الولد عمال يذاكر...وسيادتك نازلة رغي في التليفون أو مركزة مع المسلسل...أو استاذ محسن عمال يتفرج على الأخبار أو الماتش.
وكل الولد ما يجي يبص معكم...يوصله شبشوب عابر للصالات ويرشق في وشه.
مفروض حضرتك تقعدي معه في الفترة دي...وخوي الولد في غرفة هادية.
ثانيا: حضرتك لازم تبقى عارفة هو بيذاكر إيه !
أيون...يعني سيادتك مفروض تراجعي جدول الضرب لحد تسعة في تسعة.
بالمناسبة...أنتي فاكرة تسعة في تسعة بكام؟
ويا سلام بقى لو قبل ما تبتدوا...تشوفي المفروض الطفل يعمل إيه كواجب وتحطي خطة في السريع.
وكمان تراجعي الواجب بعد ما يخلص...وتحسسي الطفل إنك مهتمة.
ثالثا: لازم تحسسي الولد إن المذاكرة مهمة...علشان المخ عضلة زي عضلات الجسم.
وتقولي له فرجني عضلة دراعك كده يا ****...شايف العضلة كبيرة إزاي...؟
المخ بقى لو ما أتمرنش...وقعد يقرأ...هينكمش ويبقى أد النمنمة.
رابعا: حاولي بقى تشوفي طفل من العيال اللي بيدحوا في الحضانة وأرشقي له ابنك.
حاولي تصاحبي مامته...وصنية كنافة معتبرة كده.
وتجيبي الواد الدحيح...وتخلي ابنك يقعد معه.
وأدي المايك للدحيح...علشان يحكي هو ليه بيحب يذاكر؟
وخلي ابنك يحس بالرغبة في المنافسة معه...الولد الدحيح هيسبقك...هيبقى أشطر منك...هيروح بكره عامل الواجب وأنت لا !
بس بلاش تشفعي كلامك بقى...بقفا أو شبشوب...أو كلمتين من عينة ما أنتش نافع.
تحفزي ابنك...مش تكرهي ابنك في عيشته وفي صاحبه الله يكرمك.
وخليكي كده حاطه الولد الدحيح في دماغك...لحد ما الولد الدحيح يضيع في شربة ماية بسبب عينيكي المدورة دي يا ناريمان !
طبعا لازم تسمي بالله وتقولي ما شاء الله...لما تشوفي حاجة تعجبك.
خامسا:
مهم إن ابنك ما يقعدش على الكمبيوتر طول اليوم...حددي وقت للكمبيوتر .
وسيطري على وقت الألعاب بالذات...وكمان الكارتون العنيف...هبقى أتكمل بالتفصيل في النقطة دي.
طب بنعمل كده ليه؟
علشان الحاجات دي غير إنها بتجيب له حول في مخه وبتستنزف تركيزه.
كمان بتتعب عينيه...فلما تقولي المذاكرة....هتلاقيه عملك فيها أعمى.
عينااااااااااااي...عينااااااااااااي
سادسا:
يا ناريمان يا أختشي...من المهم برضو إن سيادتك تخلي الطفل ياخود استراحة في وسط المذاكرة.
يعني مثلا لو بيذاكر ساعة...يبقى قسميها عشرينات.
وكل عشرين دقيقة ياخود راحة ويفك عضلاته ويضرب واحد عصير مثلا.
بس ما يروحش يلعب فيديو جيمز أو يقعد يتخانق مع اخواته.
مجرد يفرد ضهره...ويتمشى شوية.
وتحفزيه أنه عمل كويس في الشوط الأول من المباراة !
وممكن تتكرمي وتدلعيه شوية أو تزغزغيه...ده بعد أذنك يعني.
سابعا:
زي ما قولنا وهنفضل نقول...أنتي فين يا جهاد...سلامة أنا هنا يا سلامة؟
الطفل لازم يلعب...خلي المذاكرة لعبة.
أعملي معه أفكار لطيفة...أدخلي معه في مسابقة مثلا.
يعني قولي له أنا هعمل الواجب يا **** أنا كمان...أصلي قررت أستعيد ذاكرة التهديف.
وهاتي كراسة وأقعدي كأنك بتعملي الواجب...وسخني المباراة...كأنك هتخلصي...لكن خليه يسبقك.
وتهللي وتفرحي وهكذا.
ثامنا:

[COLOR="rgb(154, 205, 50)"]يا سلام لو أستاذ محسن يتكرم ولو مرة كل أسبوع أو شهر حتى...ويقعد مع الأولاد ويقرأ معهم ولو صحفة ولا اتنين.
ويعمل فيها سلطان الزمان ويقولهم أنتم تطورتم خالص وبقيتوا شطاطير.
هتفرق قوي الحركة دي وتشجعهم.
تاسعا:
عايزه طريقة سوبر تجيب من الأخر؟
ممكن تاخدي ملاية وتعمليها زي الخيمة على كرسيين ثلاثة...وتقولي للأولاد إنكم طالعين معسكر كشافة للقراءة.
أو تاخدي الأولاد تحت البطانية.
وتنوروا كشاف...وتقعدوا تقرأوا.
دي بقى المكافأة الكبيرة وممكن تعملوها كل شهر مرة ولا حاجة...لو قدر يكون الأول مثلا.
دي مش عايزة ناريمان خالص دي...دي عايزة حد هادي وروش وبتاع حركات...!
[COLOR="rgb(154, 205, 50)"]عاشرا:
[/color]هو ليه الطفل بيبقى عايز يقعد معكم على الفيسبوك؟
علشان شايفكم بتقرأو وتضحكوا ومبسطوين.
وبما إنه شايف في ده قدوة...تقدري تستغلي الفكرة دي...وممكن من وقت للتاني تجيبي للطفل أفلام كارتون أو أغنية أو نشيد بيعلمه الحروف مثلا.
أو مثلا تعملي له موضوع عن بلد أو حيوان أو مكان...وتدوروا عليه على الانترنت مع بعض...وتقرأوا عنه.
مهم تعلم الطفل إنه يبحث عن المعلومة...مش مجرد إنها تتحشي في مخه.
الخلاصة...المذاكرة لعب وكمان بالقدوة.