فتاة تعيش واقع مر

مشكلتي · 2014-05-03, 14:22

السلام عليكم ورحمة الله تعالى وبركاته
انا بنت عمري 22سنة تعرفت على انسان عجبنا ببعضانا بزاف مالا قرر يخطبني انا قبلت وحكيت لدارنا غير بابا معمبالوش , عايلتي بزااااااااااااااااف مترددين اللي خطبني قل مني بعامين وماوش خدام وبزاف صوالح , على حساب معريفتي بيه هو راجل وفحل الله غالب اذا كان على المال انا قابلة بيه
عييت من راسي خممت بزااااااااااااااااااااااااااااف
انصحوني تعيشو

نارينا · 2014-05-03, 22:51

انت قابلة بيه لانك تحبيه او لان عندك مبدأ من ترضون دينه وخلقه؟؟ ان كانت التضحية لاجل الحب وفقط فانصحك بأخذ رأي اسرتك ومشاورتهم لان التكافوء بينكما يبدو غير واضح او موجود حاليا ........ دع لعقلك في الحكاية نصيب

kamel76 · 2014-05-04, 07:36

استشيري و استخيري و أقلعي عن الكلام معه ، فلا تبدئي حياتك معه بالحرام

جويرية الإيمان · 2014-05-04, 09:24

اقل مني بعامين وماوش خدام وبزاف صوالح

أقل منك بعامين مش مشكل خلاص

مش خدام (لازم يجري على الخدمة)

بصح واش هوما ""بزاف صوالح" ؟

و واش هو رأي عائلتك ؟

يا اختي أول حاجة لازم باباك يعرف لأن الكلمة الأولى و الأخيرة له هو

و لازم يشوف الراجل و يهدر معاه خطراها الآباء لهم نظرة احنا ما نعرفوهاش .

و نصيحتي ليك استخيري الله

و مادام هذا الراجل حاب يجي يخطب خليه و عائلتك هي لي تقرر و الزواج في الأول و الأخير مكتوب .

pseudoname · 2014-05-04, 09:53

قل منك بعامين يعنى في عمرو 20 سنة.هدا راه مازال دراري واشبيك.عمر الراجل لازم يكون 25 سنة فما فوق حتى يكون قادر على تحمل المسؤولية
و زيد ماهوش خدام.يعنى اكيد معول على والديه
خممى مليح يا طفلة

حمودية · 2014-05-04, 10:11

الله يفك ضيقك..............

naamane3 · 2014-05-04, 10:31

سي نورمال تعياي من راسك ومازالك تزيدي تعياي
عاودي حساباتك وادرسي قضيتك مليح
وخممي بعقلك ماشي بقلبك
وقبل كل شي ارضي ربك ووالديك
واضن انه وعدك بالزواج لكي تبقي معه فقط
ولن ياتي لخطبتك وسيتختلق اعذارا كثيرة وكبيرة

bellaluna · 2014-05-04, 10:39

استخيري الله و ربي يسهلك.

nasser26 · 2014-05-04, 12:44

نصيحة جوهرية مني اليكي

لا تتسرعي وحكمي العقل قبل القلب لانكي تسيرين بقلبك ليس الا

ابراهيم داود · 2014-05-04, 18:24

مسالة السن ترجح كفة رفضه اذ الانسان في هذا العمر لم يدرك الحياة بعد و ربما تكون رجولته كما قلت اندفاعا عاطفيا فقط سرعان ما يزول عند اول عقبة حقيقية، مازلت صغيرة و سيتقدم لك بحول الله الكثيرون

عبد الله 22 · 2014-05-04, 20:13

ي 20 رجلة مراهقة ومازال الحال في هذا الوقت أغالب الشباب في هذا السن همه البرصة وأتباعها و الجال في رؤوسهم و أنت مازال في مقتبل العمر

ولد حمد الباتني · 2014-05-04, 21:11

قل منك بعامين بزاف
وخليك من والفت بيه ومانعرف
وزيدي ماوش خدام
لوكان فحل او خدام

ندى الزمان · 2014-05-04, 21:52

اعتقد ان كليكما صغير ولا تدركان عراقب الامور
في هذا السن لا يمكن للانسان تشكيل اسرة اضافة الا عدم تواجد الظروف المأهلة
انا من راي حكمي عقلك هذه مراهقة لا غير
ولا يوجد لا حب ولا هم يحزنون
غدوا كي تتواجهو بالمشاكل بسبب الخدمة والدار ..... راح تندمي على قوللك اذا على المال انا قابلة وكثرة المشاكل تقضي على المودة
ماتفهمينيش غالط لم اقصد ان المال هو كل شيء ولكن على الاقل العمل لازم يكون
بالنسبة لي فارق العمر غير مقبول .....
مازالك صغيرة كثري استخارة .....وشاوري داركم
وربي يهنيك

ندى الزمان · 2014-05-04, 21:54

اعلم ان الولف صعيب .... بصح صدقيني مع الوقت تنساي
وحطي ربي بين عينيك ..... يالي بدا بالحرام مايكملش

~~chamam~~ · 2014-05-04, 23:08

السلام عليكم ...أنا أحكم على كلامك ..ليس عامل ولكنه شهم ..هدا

يكفيك سيدتي ..إن نوى حقا وعزم صدقا ..ودخل من الباب ..طالبا يدك

في الحلال بما احله الله ..فتزوجي على بركة الله ..لايقاس على السن

ابدا ..والرجولة هي وفاء وصدق ..كما جاءت في معاني القرآن ..دكر ..

الرجال ..قال سبحانه -رجال لا تلهيهم تجارة ولابيع عن دكر الله -

سورة النور .

وبالنسبة للفقر غيره ...قال تعالى -إن يكونوا فقراء يغنهم الله من فضله - سورة النور . الآية قي النكاح اي الزواج .

لو تلاحظي هي سورة النور ....النور

والحديت مرفوع عن أبي هريرة قال رسول الله صلى الله عليه وسلم -تلاتة كلهم حق على الله عونه :

المجاهد في سبيل الله ..والناكح يريد العفاف ..والمكاتب يريد الاداء.

والطيبين للطيبات ..وقيسي يا سيدتي ..ولكن ان وجدت العفاف ..

فلا تترددي ..والرجل تستطيع أي إمراة ان تغيره ..مهما كان ..لا

توجد شجرة لم تحركها الرياح ..شكرا .