ناس زمان قالو

[youcefabdasalam]

ماتخالط ما تقول انا الغالط

[youcefabdasalam]

ماتعاشر النحل ما تشكي من لسعاتو

[youcefabdasalam]

احكي سرك للغريب حتى واذا محافظش عليه ينشرو بعيد على دوارك

[youcefabdasalam]

زين النساء في السترة
والراجل يتقاس بالهدرة
ومتحكمش على الناس بالنظرة

[youcefabdasalam]

تحب تشرب الماء صافي شوف مجراه
ولا حبيت تحكم لغزال تبع خطاه
وعمرك لا تقول كلام وما تعرف معناه
لازمك كلام موزون وزيد ثبت معاه

[youcefabdasalam]

عيب النفس في كثر الخطايا وعيب العين من قلة النوم وعيب العقل في موت الخلايا وعيب الڨلب دسان الهموم وعيب الروح في خبث النوايا ...

[youcefabdasalam]

يا شاري النيف ما تساومش شحال..ويا قاصد الاصل مايهمكش المال

[youcefabdasalam]

ما تقولش فلان حبيب حتى تعرف الخصال..ما يغركش الزين حتى تشوف لفعال

[youcefabdasalam]

الوقت اذا فات ما يشدوه حبال..والريح اذا جاء مايصدوه اجبال
قلب الانسان اصبح بدال .. يصبح معاك بحال ويمسي معاك بحال

[youcefabdasalam]

مايسلك من غر الدنيا غير لي شبع منها ونال

[youcefabdasalam]

ناس بكري يقولو الرجلة بحر والعوامة قلال

[youcefabdasalam]

الملح يبنن الطعام والصح يبنن الكلام والرجلة ماهيش بالوشام

[youcefabdasalam]

القراية ما تضمن الفهامة،
والمال ما يضمن الكرامة .
والسلاح ما يضمن الزعامة.

[حفياد آدم]

ناس بكري قالو
يروح زمان ويجي زمان تولي المرأة ماتحكم الدار والقط مايحكم الفار والفلفل مايولي حار و تنقص لمة بين الجار والجار

[حفياد آدم]

قالو ناس زمان

زلقت لقدام توجع الركايب و زلة اللسان توجع لحبايب عثرة الأرض تبرا و تطيب و عثرت اللسان تجرح لحبيب جرح الهبرة يبرا و يصير ملموم و جرح اللسان ما يبرا ويبقى في القلب مرسوم .. و يقولو ضربة بدمها و لا كلمة بسمها .. أما زلقة الأيام مصايب ما كيفها مصايب ..