بلغ السيل الزبا افكر ف الهجرة بعيدا

[مشكلتي]

السلام عليكم خاوتي صح سحوركم
مشكلتي ربما لم تمر اطلاقا على المنتدى لذا اسئل منكم متزيدوش عليا والله راني ف اكتئاب حاد نخمم ننهي حياتي او نهجر لبلاد بعيدة وجامي نرجع
حكايتي ابتدت لما كنت ف العشرينات من العمر كنت شابة بريئة مفعمة ب الحياة ذات جمال واخلاق الكل يشهد بذلك .تم خطبتي لشاب فكنت فرحانة نوجد الجهاز مالقري صراو مشاكل بيني وبينو بسبب الوالدة تاعو ولكن كان دائما يقلي اصبري معايا بين ليلة وضحاها قام بحضري من كل المواقع وقام بحضر رقم هاتفي وامه اتصلت بامي قلتلها فض المكتوب والله لحد الساعة ما اعرف السبب والابشع من ذلك قامت امه بخطبت له فتاة مراهقة في غضون شهر بعد حضري من كل شيء .دخلت في اكتئاب بكيت صليت تفرجت على اطباء نفسانيين سقسيت روحي علاش دارو فيا هكا ولكن دون جدوى بقات تحرق في قلبي .بعدها بشوية نجحت في امتحان تخصص الطب في ولاية غير ولايتي استقريت بهذيك المدينة ومن هنا تبدلت حياتي 180 درجة لقيت الحرية التامة وزيد المنطقة لي سكتت فيها كانو عايشين كيما اروبا بنات تخرج الشارع تفعل ما تريد وواحد ما يقدم ليهم .تعرفت على شخص بانلي وليد فاميلية كان يهتم بيا انا طحت ف البياج قلت عوض من الله حتى أنه عرض عليا الزواج شوية بشوية لقيت روحي طحت ف الرذيلة ثم انصرف وكانه لم يعرني وقالي انا هكا منيش سيريو .لا علينا انا وليت نتعرف باشخاص بزاف كان الامر يجيني عادي كانت عندي برودة غير عادية وكانت الرذيلة نشوفها امر عادي جدااا جدااا حتى يوما ما فقت مع روحي بلي كنت لعبة بين ايادي شياطين تبت الى الله وقررت انو منزيدش نرجع طريق هذيك . مؤخرا تم خطبتي لشخص أقل ما يقال عليه مبشر ب الجنة غيرني تماما وليت نقوم الليل الصلاة في وقتها المشكل حاطني ملاك وديما يقلي اشكر الله على امراة مثلك ويقلي بلي دعا ربي بلي يطيحو ف امراة صالحة فاستجاب له واكثر .... كل يوم نحس بتانيب ضمير ورايحة نهبل ونخمم نفسخ الخطبة ومنقولو والو ساعدنوني انا على حافة الانتحار