سهل ........ وسرييييييييييع

[اسمهان79]

السلام عليكم ورحمة الله وبركاته
كيما قريتو في العنوان اكلات متنوعة سهلة بسيطة ليه ليه توجد واكيد صيفية
وفي نفس الوقت بنينة
مرقاز بلاصوص نتاع الطماطم امممممممممممم



كبدة مقلية بخلطة اعطتها طعم رااااائع



سكالوب بالكرام فراش والفرماج المرحي واااااو



بيري وردات في الفور روعةةةةةةةة



المطبق السوري طعم شكشوكة على قراتا حقيقتا طعم مختلف



اسهل بطاطا ممكن تعمليها بلكرام فراااااش



سردين بالبطاطا في الفور هباااااال





التحضير
صوص بالمرقاز



اولا نبدى بالمرقاز نقطع كل حبة على زوج



نحطوهم في قدر ثم نغطيهم بالماء نغلق عليهم ثم فوق النار



تى يغليو مدة 10 د ثم خليه شوية حتى تشوفيه عمل طبقة من الزيت من فوق



نحي كامل هاذاك الزيت بواسطة ملعقة





ثم ضيفيلو صوص الطماطم المحضرة من قبل بالطماطم حب ملح فلفل اسود افاح زنجبيل كمون لازم كمون 1 م ص طماطم مصبرة 1 م ص هريسة دبشة ثوم نطيبها ونرحيها ثم نضيفها للمرقاز نغطي ونخليه يغلي على نار هادئة حتى يخثار
جربيه ومش رايحة تندمي راااائع سيغتو اللي يحبو المرقاز
الكبدةةةةةةةةةةةة
قطعي الكبدة



ثم ضيفيلها ملح فلفل اسود زنجبيل افاح 1 م ص موطارد سنة ثوم مقطعة رقيق شوية هريسة 2 م ك خل خلطي مليح خليهامدة نصف ساعة او اكثر


ثم اقليها في شوية زبدة او زيت سخون وقلبي مرة على مرة حتى تشوفيها طابت وحمارت اضيفيلها دبشة و1 م ك خل ونصف فنجان ماء وقلبي مليح



وقدميها وتتمتعي بالذ كبدة والله رااااااائعة بكل معنى الكلمة
سكالوب ولا اروع



خذي قطع السكالوب المقطعة ملحيهم واضيفي شوية فلفل اسود اقليهم في شوية زيت



لما يحمارو مليح صبيلهم كمية من لاكرام فراش وخلطي ثم شوية من الجبن المبشور وخلطي مرة اخرى



لما تطفي عليه اضيفي عصرة قارص وتناوليها سخونة
تمتعي بالذ سكالوب ممكن تعمليه
بيري الوردات بالحم المرحي



خذي كمية من البطاطا غليه ثم ارحيها في الرحاية اليدوية



اضيفيلها كمية من لكرام فراش الكثيفة ثم كمية من اللحم المرحي يكون طايب مسبقا صفار البيض على حساب الكمية اللي عندك من البطاطا ملح وفلفل اسود طرف صغير زبدة وكمية من الجبن المبشور وخلطي الكل مع بعض



ثم في لابوش ادوي وادهني لبلا بالزبدة ثم ضعي شكل وردات بجنب بعض ذرذري عليهم فلفل احمر وفوق كل وردة حطي طرف فرماج صغير ثم ادهنيهم بصفار البيض او الزبدة الذائبة ولوحيهم في الفور



ما ياخوش وقت بزاف قيس ما يطيب الصفار برك
بنان ويذوبو في الفم امممممممم
المطبق السوري طعم راااااائع للي يحب التغير



نقلي البطاطا دوائر
نقلي الطماطم دوائر
نقلي بيض انجان دوائر من الاحسن نقشروه
نقلي الفلفل الحلو والحار دوائر
نقلي في نفس الزيت اللي قلينا فيه حبة بصل صغيرة مقطعة هلالات وسنات ثوم
اكيد كلهم مملحين شوية شوية
نقلي اللحم المرحي غير شوية يعني نطيبو نصف طياب برك
نضع في بلا نتاع الفور اول طبقة وهي الطماطم ثم الفلفل والبصل ثم بيض انجان ثم البطاط الفلفل مرة اخرى مع البصل ثم الطماطم ثم اللحم المرحي






ونضغط باليد نحط شوية دبشو وجبن مبشور ثم نغطي بالالمنيون



والى الفور مدة 20د نحي الالمنيون اذا شفتيها ما زالت فيها شوية زيت خليها تحما شوية
وقدميها طعمها عجبني هايلة
بطاطا بلكرام فراش



قطعي بطاطا دوائر



ثم فوريها بالملح وفلفل اسود
ضعيها في بلا مدهون بالزبدة فرغي عليه لاكرام فراش السائلة من الاحسن اوبلا حطي قطع الفرماج بشكل عشوائي ثم ذرذري ملح وفلفل اسود ثم فرماج مرحي وكثري شوية ولوحيها تطيب في الفور





حتى تحماااااااار مليح مليح
بطاطا وسردين



ملاحضة
صوص الطماطم هنا اضفتلها 1 م ك كرام فراش عطاتها لون رااااااائع وذوق اروع



اقلي البطاطا دوائر بالملح اكيد
اغسلي السردين ونقيه وجديلو التتبيلة نتاعو واللي هي
كمية من الثوم دبشة هريسة ملح فلفل اسود شوية نعناع مقطع يعطيه بنة هايلة كمون زنجبيل خلطي مع بعض ثم حطي الدرسة بين كل زوج حوتات



حطي في بلا نتاع فور شوية صوص الطماطم ثم طبقة من البطاطا المقلية ثم حطي الحوتات بجنب بعض وزيدي غطيهم بطبقة اخرى من البطاطا فرغي عليهم صوص الطماطم الل تكوني موجدتها من قبل ذرذري الدبشة والى الفور وممكن تعملي الحوت هو الاول فوق شوية صوص الطماطم باه ما يلصقش في البلا ثم البطاطا













وتمتعي بسردين اممممممم هباااااااال
قدميهم بالصحة والهناء
في امان الله
دعوة خير حبيباتي

[mounia hse]

اول رد راح نكتب انا
يعطيك الصحة اكلات خفيفة و تصلح مع الصيف و مليحة بزااف في رمضان و بريزونتابل يعطيك الصحة الف شكر

[ام نور الهدى 2014]

يسلموووو ايديك اسمهان
اططباق خفيفة و ظريفة
حقا بصحتك العرس رانا نستناو في التقرعيج ^_"

[selma2013]

شكرا أطباقك هااايلة أختي اسمهان كيما يحب الخاطر شكرا على عطاءك الدائم حبيبتي

[om kamilia]

الف شكر حبيبتي اسمهان اطباقك روعة اقتصادية وافكا هايلة

[وردة الشمس]

اسمهان اطباقك تشهي امممممممممممممممممممممممممممممم يعطيك الصحة

[fadila34]

ما شاء الله عليك كل شىء ررررررررررروعة ربي يخليك ويحفظك لعائلتك يا رب

[ام هاديل وياسين]

يعطيك الصحة اسمهان ديما تتحفينا باطباقك الهايلة ربي يبارك فيك

[أم ماجد]

ماشاء الله عليك يا الفحلة راكي مفخرة لينا

[أم ياسين الزهراء]

امممممممممممممممم سخفتيني تقريبا نفس طريقتي في صوص المرقاز يعطيك الصحة

[fleur de lili]

merci mille fois issmahen
vous etes un bijoux de moihtada

[Aya69]

اسمهان حبيبتي يعطيك الصحة هذا وش نحوسوا. في هذي السخانة زيدينا من إبداعاتك يا لغالية ربي يجازيك كل خير يارب العالمين
وش رأيك في بطاطا بالكرام فراش لوكان نزيد لها فيونداشي
على فكرة حبيبتي احبك في الله انتم سطايفيات وعلميات ماشاء الله عليكم لسانكم ينقط عسل يا عسل اقرايها بالمصرية ههههههه

[lamis.imen]

رووووووووووووعة بارك الله فيك

[عازفة الناي]

امممممممممممممممممممم وامممممممممممممممممممممم وامممممممممممممممممممممم
ربي يبارك تحف و روااااااااائع و ابداعات مطبخية
من الصور يقتلوا بالبنة خلي الحقيقة ... لعابي سال هههههههههههه
البطاطا بالكريم فريش متعودة نديرها و تجي اممممممممممم
احلى تقييم

[حسيبة2010]

يعطيك الصحة أطباق رائعة و بارك الله فيك على الوصفات